27/04/2018 വെള്ളിയാഴ്ച ഉച്ചക്ക് 2 മണിക്ക് തിരുവനന്തപുരം ഡിഡി പി ഓഫീസില്‍ വച്ച് നടക്കുന്ന റോഡ് റോളര്‍ പുനര്‍ലേലം അറിയിപ്പ്
Content highlight
district news
തൃശൂര്‍ ജില്ല –ഗ്രാമപഞ്ചായത്തുകളില്‍ കുടിവെള്ളവിതരണം -ടാങ്കര്‍ ലോറികളില്‍ GPS സംവിധാനം ഘടിപ്പിക്കുന്നതിനുള്ള ക്വട്ടേഷന്‍ 23.04.2018 3 PM നകം ക്ഷണിക്കുന്നു.
Content highlight
തിരുവനന്തപുരം നഗരസഭ-ടൌണ്‍ പ്ലാനിംഗ് അദാലത്ത്-ഏപ്രില്‍ 13ന്
തിരുവനന്തപുരം നഗരസഭ-ടൌണ്‍ പ്ലാനിംഗ് അദാലത്ത് 2018 ഏപ്രില്‍ 13രാവിലെ 10.30 മുതല്‍
Content highlight
തിരുവനന്തപുരം ജില്ല- വാമനപുരം,ഒറ്റൂര്‍ ഗ്രാമപഞ്ചായത്തുകള്‍ -വസ്തു നികുതി പിരിവ്(2017-2018)100%
തിരുവനന്തപുരം ജില്ലയില്‍ വാമനപുരം,ഒറ്റൂര്‍ ഗ്രാമപഞ്ചായത്തുകളുടെ 2017-2018 സാമ്പത്തിക വര്‍ഷത്തെ വസ്തു നികുതി പിരിവ് നിയമ പരമായ മറ്റ് വ്യവഹാരങ്ങള്‍ ഒന്നും ഇല്ലാതെ തന്നെ 100 ശതമാനം കൈവരിച്ചു
Content highlight
എറണാകുളം പഞ്ചായത്ത് ഡെപ്യൂട്ടി ഡയറക്ടര്‍ ഓഫീസ്,അസി.ഡയറക്ടര്‍ ഓഫീസ് എന്നിവ പേപ്പർലെസ്സ് ഇലക്ട്രോണിക് ഓഫീസ്
എറണാകുളം ജില്ലയിലെ മുഴുവന്‍ ഗ്രാമപഞ്ചായത്ത് ഓഫീസുകളും പഞ്ചായത്ത് ഡെപൂട്ടി ഡയറക്ടറാഫീസ്, പഞ്ചായത്ത് അഅസിസ്റ്റന്റ് ഡയറക്ടറാഫീസ്, പെര്‍ഫോമന്‍സ് യൂണിറ്റ് ആഫീസുകള്‍ എന്നിവയും സദ്ഭരണ സ്ഥാപനങ്ങളാക്കുക എന്ന ആത്യന്തിക ലക്ഷ്യം മുന്‍നിര്‍ത്തി നടപ്പിലാക്കുന്ന പ്രവര്‍ത്തനങ്ങളുടെ ആദ്യ ഘട്ടമായി ജില്ലയിലെ 36 ഗ്രാമപഞ്ചായത്തുകള്‍, പഞ്ചായത്ത് ഡെപൂട്ടി ഡയറക്ടറാ ഫീസ്, അസി.ഡയറക്ടറാഫീസ്, ആറ് പെര്‍ഫോമന്‍സ് ആഡിറ്റ് യൂണിറ്റ് ആഫീസുകള്‍ എന്നിവ സദ്ഭരണ സ്ഥാപനങ്ങളായി ജില്ലാ കളക്ടര്‍ മുഹമ്മദ് വൈ. സഫീറുള്ള പ്രഖ്യാപിച്ചു. പഞ്ചായത്ത് ഡെപ്യൂട്ടി ഡയറക്ടറാഫീസ് കോണ്‍ഫറന്‍സ് ഹാളില്‍ ചേര്‍ന്ന യോഗത്തില്‍ സദ്ഭരണ സ്ഥാപനങ്ങള്‍ക്കുള്ള സര്‍ട്ടിഫിക്കറ്റുകളും അദ്ദേഹം വിതരണം ചെയ്തു. തദ്ദേശ സ്ഥാപനങ്ങള്‍ മികച്ച രീതിയില്‍ ജനസൗഹൃദമായ പ്രവര്‍ത്തനം കാഴ്ചവെക്കുന്നത് അധികാര വികേന്ദ്രീകരണത്തിന്റെ വിജയമാണെന്ന് അദ്ദേഹം പറഞ്ഞു.
പഞ്ചായത്ത് ഡെപൂട്ടി ഡയറക്ടര്‍ ഓഫീസ്, അസി.ഡയറക്ടര്‍ ഓഫീസ് എന്നിവ പേപ്പര്‍ ലെസ് കാര്യാലയങ്ങളായി പ്രഖ്യാപിക്കുന്നതിന്റെ ഭാഗമായി ഫയല്‍ ട്രാക്കിങ്, ഫയല്‍ പ്രൊസസിങ് സോഫ്റ്റ്‌വെയര്‍ ആയ സൂചിക സോഫ്റ്റ്‌വെയര്‍ വിന്യസിക്കുന്നതിന്റെ പ്രവര്‍ത്തനോദ്ഘാടനവും ജില്ലാ കളക്ടര്‍ നിര്‍വ്വഹിച്ചു.
ആമ്പല്ലൂര്‍, എടയ്ക്കാട്ടുവയല്‍, കുമ്പളങ്ങി, കടമക്കുടി, മണീട്, മുളന്തുരുത്തി, മുളവുകാട്, ചേന്ദമംഗലം, ഏഴിക്കര, കുഴുപ്പിള്ളി, നായരമ്പലം, പളളിപ്പുറം, ചെങ്ങമനാട്, കാലടി, കുന്നുകര, മൂക്കന്നൂര്‍, നെടുമ്പാശേരി, തുറവൂര്‍, അശമന്നൂര്‍, കീരംപാറ, മുടക്കുഴ, പല്ലാരിമംഗലം, പിണ്ടിമന, പോത്താനിക്കാട്, വാരപ്പെട്ടി, ചൂര്‍ണ്ണിക്കര, കിഴക്കമ്പലം, തിരുവാണിയൂര്‍, വാളകം, ആവോലി, ഇലഞ്ഞി, കല്ലൂര്‍ക്കാട്, പാമ്പാക്കുട, രാമമംഗലം, തിരുമാറാടി, വടവുകോട് പുത്തന്‍കുരിശ് എന്നീ ഗ്രാമപഞ്ചായത്തുകള്‍ക്കാണ് സദ്ഭരണ പുരസ്‌കാരം ലഭിച്ചത്. 36 ഗ്രാമപഞ്ചായത്തുകളിലെ ഗ്രാമ പഞ്ചായത്ത് പ്രസിഡന്റുമാരും സെക്രട്ടറിമാരും ചേര്‍ന്ന് സദ്ഭരണ സാക്ഷ്യപത്രങ്ങള്‍ ജില്ലാ കളക്ടറില്‍ നിന്നും ഏറ്റുവാങ്ങി.
ഫ്രണ്ട് ഓഫീസ് കാര്യക്ഷമത, പൊതുജനങ്ങളോടുളള ജീവനക്കാരുടെ പെരുമാറ്റം, ക്ഷേമപെന്‍ഷന്‍, കെട്ടിട നിര്‍മ്മാണം എന്നിവയുമായി ബന്ധപ്പെട്ട ഫയലുകള്‍ തീര്‍പ്പാക്കല്‍, ഓഫീസും പരിസരവും ചിട്ടയായും ശുചിയായും പരിപാലിക്കല്‍, പദ്ധതി നികുതി പിരിവ് നടത്തിപ്പ് എന്നീ മാനദണ്ഡങ്ങള്‍ക്കനുസരിച്ചാണ് പുരസ്‌കാരം നിര്‍ണ്ണയിച്ചത്.
ജില്ലയിലെ എല്ലാ പഞ്ചായത്തുകളും സൂചിക ബാക്ക് ഓഫീസ് സോഫ്റ്റ് വെയര്‍ ഉപയോഗിച്ച് പേപ്പര്‍ലെസ് ആക്കുക, പൊതുജനങ്ങളുടെ അപേക്ഷകളില്‍ എസ്എംഎസ് അലര്‍ട്ട്, ഓണ്‍ലൈന്‍ ഫയല്‍ ട്രാക്കിംഗ് സൗകര്യം, രജിസ്റ്ററുകള്‍ കാലികമാക്കി സൂക്ഷിക്കുക, ബോര്‍ഡുകള്‍ കാലികമാക്കി പ്രദര്‍ശിപ്പിക്കുക, ഫയല്‍ അദാലത്തുകള്‍ നടത്തി സീറോ പെന്‍ഡിംഗ് ഫയല്‍ എന്ന നേട്ടം കൈവരിക്കുക, രേഖകള്‍ പൊതുജനങ്ങള്‍ക്ക് ആവശ്യാനുസരണം ലഭ്യമാകത്തവിധം സജ്ജീകരിക്കുക തുടങ്ങിയവയാണ് സദ്ഭരണ പ്രവര്‍ത്തന പദ്ധതി.
പഞ്ചായത്ത് അസി.ഡയറക്ടര്‍ സാമുവല്‍ എസ്. തോമസ് അധ്യക്ഷത വഹിച്ചു. പഞ്ചായത്ത് ഡെപ്യൂട്ടി ഡയറക്ടര്‍ ഓഫീസ് സീനിയര്‍ സൂപ്രണ്ട് ഡൈന്യൂസ് തോമസ്, പെര്‍ഫോമന്‍സ് ഓഡിറ്റ് യൂണിറ്റ് 1 സീനിയര്‍ സൂപ്രണ്ട് ടിമ്പിള്‍ മാഗി തുടങ്ങിയവര്‍ പങ്കെടുത്തു.
വയനാട് ജില്ലയിലെ മുഴുവന്‍ തദ്ദേശ ഭരണ സ്ഥാപനങ്ങളുടെയും 2018-19 വാര്‍ഷിക പദ്ധതികള്‍ക്ക് ജില്ലാ ആസൂത്രണ സമിതിയുടെ അംഗീകാരം
വയനാട് ജില്ലയിലെ കല്‍പ്പറ്റ നഗരസഭ ഉള്‍പ്പെടെയുളള 31 (മുഴുവന്‍) തദ്ദേശ ഭരണ സ്ഥാപനങ്ങളുടെ 2018 19 സാമ്പത്തിക വര്‍ഷത്തെ വാര്‍ഷിക പദ്ധതികള്‍ക്ക് ജില്ലാ ആസൂത്രണ സമിതി 27/03/2018 ന് അംഗീകാരം ലഭിച്ചു.
Content highlight
എറണാകുളം-മുളന്തുരുത്തി ഗ്രാമ പഞ്ചായത്തിന് അഭിനന്ദനങ്ങള്‍
പഞ്ചായത്ത് വകുപ്പ് -എറണാകുളം ജില്ല - മുളന്തുരുത്തി ഗ്രാമ പഞ്ചായത്ത് - വികസന ഫണ്ട് ,മെയിന്‍റെനന്‍സ് ഫണ്ട് എന്നിവയില്‍ സ്പില്‍ ഓവര്‍ പദ്ധതികള്‍ ഒന്നും ഇല്ലാതെ 23.03.2018 വരെ ലഭിച്ച എല്ലാ ഫണ്ടും ചെലവഴിച്ച ആദ്യത്തെ പഞ്ചായത്ത് എന്ന അഭിനന്ദനങ്ങള്‍ മുളന്തുരുത്തി ഗ്രാമ പഞ്ചായത്തിന്
Content highlight
വയനാട് ജില്ലയിലെ തദ്ദേശ ഭരണ സ്ഥാപനങ്ങളുടെ 2018-19 വാര്‍ഷിക പദ്ധതികള്‍ക്ക് ജില്ലാ ആസൂത്രണ സമിതിയുടെ അംഗീകാരം
വയനാട് ജില്ലയിലെ തദ്ദേശ ഭരണ സ്ഥാപനങ്ങളുടെ 2018-19 വാര്‍ഷിക പദ്ധതികള്‍ക്ക് ജില്ലാ ആസൂത്രണ സമിതിയുടെ അംഗീകാരം:വയനാട് ജില്ലയിലെ കല്‍പ്പറ്റ നഗരസഭ ഒഴികെയുളള 30 തദ്ദേശ ഭരണ സ്ഥാപനങ്ങളുടെ 2018-19 സാമ്പത്തിക വര്‍ഷത്തില്‍ 44,15,43,100 അടങ്കല്‍ തുക വിനിയോഗിച്ച് നടപ്പിലാക്കുന്ന 5316 വാര്‍ഷിക പദ്ധതികള്‍ക്ക് ജില്ലാ ആസൂത്രണ സമിതി അംഗീകാരം നല്‍കി
Content highlight
വരള്‍ച്ച നേരിടുന്നതിനും ജലസ്രോതസ്സുകള്‍ സംരക്ഷിക്കുന്നതിനുമുള്ള പദ്ധതികള്‍ക്ക് പ്രഥമ പരിഗണന-വയനാട്
ജില്ലാ പഞ്ചായത്ത് 2018-19 വാര്‍ഷിക പദ്ധതികള്‍ :വരള്‍ച്ച നേരിടുന്നതിനും ജലസ്രോതസ്സുകള്‍ സംരക്ഷിക്കുന്നതിനുമുള്ള പദ്ധതികള്‍ക്ക് പ്രഥമ പരിഗണന:
54.84 കോടി രൂപയുടെ അടങ്കല്‍ തുകക്കുളള വാര്‍ഷികപദ്ധതികളാണ് തയ്യാറാക്കിയിട്ടുളളത്. ജില്ല നേരിടുന്ന അതിരൂക്ഷമായ വരള്‍ച്ചയ്ക്കും കുടിവെളള പ്രശ്‌നത്തിനും പരിഹാരം കാണുക എന്നതാണ് പ്രധാന ലക്ഷ്യം. പൊതുവിഭാഗത്തില്‍ 24.83 കോടി രൂപയും പ്രത്യേക ഘടക പദ്ധതിയില്‍ 2.28 കോടി രൂപയും പട്ടിക വര്‍ഗ്ഗ ഉപപദ്ധതിയില്‍ 10.81 കോടി രൂപയും ഉള്‍പ്പെടെ വികസന ഫണ്ടില്‍ 37.53 കോടി രൂപയാണ് പദ്ധതികള്‍ക്കായി മാറ്റിവെച്ചത്. റോഡുകളുടെ അറ്റകുറ്റ പണിക്കായി 12.20 കോടി രൂപയും മെയിന്റനന്‍സ് ഗ്രാന്റ് റോഡിതര ഇനത്തില്‍ 42.66 കോടി രൂപയും തനത്ഫണ്ട് ഇനത്തില്‍ 42 ലക്ഷം രൂപയും മറ്റ് തദ്ദേശ സ്ഥാപനങ്ങളുടെ വിഹിതമായി 30 ലക്ഷം രൂപയും വാര്‍ഷിക പദ്ധതിയില്‍ ഉള്‍ക്കൊള്ളിച്ചിട്ടുണ്ട്. പൊതു വിഭാഗം ഉല്‍പാദന മേഖലയില്‍ 6.50 കോടി രൂപ, സേവന മേഖലയില്‍ 15.28 കോടി രൂപ, പശ്ചാത്തല മേഖലക്ക് 3.05 കോടി രൂപ എന്നിങ്ങനെയാണ് വിവിധ പദ്ധതികള്‍ക്കായി നീക്കി വെച്ചത്. പട്ടികജാതി വിഭാഗം സേവന മേഖലയില്‍ 1.65 കോടി രൂപയും പശ്ചാത്തല മേഖലയില്‍ 2.28 കോടി രൂപയും. പട്ടിക വര്‍ഗ്ഗ വിഭാഗം സേവന മേഖല 8 കോടി, പശ്ചാത്തല മേഖല 2.81 കോടി രൂപയും വിവിധ പദ്ധതികള്‍ക്കായി നീക്കി വെച്ചിട്ടുണ്ട്. ജില്ലാ പഞ്ചായത്തിന് ലഭിക്കുന്ന പദ്ധതി വിഹിതത്തിന്റെ് ഇരുപത് ശതമാനം തുക ലൈഫ് മിഷന്‍ പ്രവര്‍ത്തനങ്ങള്‍ക്കായി മാറ്റി വെക്കും. ഹരിത കേരളം, പൊതുവിദ്യാഭ്യാസ സംരക്ഷണയജ്ഞം, ആര്‍ദ്രം എന്നീ മിഷന്‍ പ്രവര്‍ത്തനങ്ങള്‍ക്കും ഗണ്യമായ തുക നീക്കി വെച്ചിട്ടുണ്ട്. വനിതകള്‍,വയോജനങ്ങള്‍,പട്ടികജാതി പട്ടിക വര്‍ഗ്ഗ വിഭാഗങ്ങള്‍, എന്നിവരുടെ വികസനം ലക്ഷ്യമാക്കിയുളള പ്രവര്‍ത്തനങ്ങളും ബാല സൗഹൃദ ജില്ലയാക്കി മാറ്റുന്നതിനുളള പദ്ധതികളും വാര്‍ഷിക പദ്ധതിയില്‍ ഉള്‍പ്പെടുത്തിയിട്ടുണ്ട്. വികസന സെമിനാര്‍ ജില്ലാ പഞ്ചായത്ത് പ്രസിഡന്റ് ടി. ഉഷാകുമാരി ഉദ്ഘാടനം ചെയ്തു.
സംയുക്ത പദ്ധതികള്‍ക്ക് മുന്‍ഗണന നല്‍കി കാസറഗോഡ് ജില്ലാ പഞ്ചായത്ത്
സംയുക്ത പദ്ധതികള്‍ക്ക് മുന്‍ഗണന നല്‍കി കാസറഗോഡ് ജില്ലാ പഞ്ചായത്ത് 2018-19 വാര്‍ഷിക പദ്ധതികള്‍:
ജില്ലാ പഞ്ചായത്തിന് 2018-19 വാര്‍ഷിക പദ്ധതിക്ക് സംസ്ഥാന ബജറ്റ് വിഹിതമായി വികസന ഫണ്ടായി ജനറല്‍ വിഭാഗത്തില്‍ 35.81 കോടി രൂപയും മെയിന്റനന്‍സ് ഫണ്ടായി റോഡ്, റോഡിതരം എന്നിയിനങ്ങള്‍ക്കായി 39.99 കോടി രൂപയുമാണ് അനുവദിച്ചിരിക്കുന്നത്. മൊത്തം 86 പദ്ധതികളാണ് വികസന സെമിനാറിന് മുന്നോടിയായി അവതരിപ്പിക്കപ്പെട്ടത്. ജില്ലാ പഞ്ചായത്ത് റോഡുകള്‍ അഭിവൃദ്ധിപ്പെടുത്തല്‍(മെക്കാഡം ടാറിംഗ് ഉള്‍പ്പെടെ)-24 കോടി രൂപ, ഗ്രാമീണ റോഡുകളുടെ പുനരുദ്ധാരണം 10.14 കോടി രൂപ, ലൈഫ് മിഷന്‍ ഭവനപദ്ധതി(ജനറല്‍), ബദിയടുക്കയില്‍ 3.5 ഏക്കറില്‍ നാടന്‍ക്കോഴി ഫാം, ജലസുരക്ഷയ്ക്കായി കിണര്‍ റീച്ചാര്‍ജിംഗ്, ജലജീവനം പദ്ധതിക്കായി കാസര്‍കോട്, കാറഡുക്ക, മഞ്ചേശ്വരം ബ്ലോക്ക് പഞ്ചായത്തുകള്‍ക്കായി 50 ലക്ഷത്തിന്റെ പദ്ധതി, കാന്‍സര്‍ നിര്‍മാര്‍ജ്ജന പദ്ധതി അതിജീവനം, ഭിന്നലിംഗക്കാര്‍ക്കായി സ്വയംസഹായഗ്രൂപ്പ് രൂപികരിക്കല്‍(മിത്ര), ജില്ലാ വൈകല്യ സൗഹൃദ പദ്ധതി, ശിശുപ്രിയ അംഗന്‍വാടി കെട്ടിടനിര്‍മ്മാണം, സ്ത്രീ യാത്രികര്‍ക്ക് പ്രധാന നഗരവത്ക്കൃത കേന്ദ്രങ്ങളില്‍ മുലയൂട്ടല്‍, സ്ത്രീസൗഹൃദ ശൗചാലയങ്ങള്‍ തുടങ്ങിയ സൗകര്യങ്ങളോടുകൂടിയ ഷീ ലോഞ്ച്, പുതിയതായി ബഡ്‌സ് സ്‌കൂള്‍ ആരംഭിക്കല്‍/അടിസ്ഥാന സൗകര്യമൊരുക്കല്‍, ബാല സൗഹൃദം, ജെന്റര്‍ റിസോഴ്‌സ് സെന്റര്‍, ആധുനിക ശ്മശാന, വിഹിതം നല്‍കല്‍, സീറോ വേസ്റ്റ്(മാസ്റ്റ്ര്‍ പ്ലാന്‍ ഉള്‍പ്പെടെ)38 ഗ്രാമപഞ്ചായത്തുകള്‍ക്ക് വിഹിതം നല്‍കല്‍, സ്‌കൂളുകളില്‍ ക്ലാസ് റൂം ആധുനികവത്ക്കരിക്കല്‍, വിദ്യാര്‍ഥികളുടെ കായിക മികവിനുള്ള പദ്ധതി, കളിസ്ഥലം വിഹിതം കൈമാറല്‍, ലഹരി വിരുദ്ധ ബോധവത്ക്കരണം, ചെറുകിട ജലവൈദ്യുത പദ്ധതി(ബഹുവര്‍ഷം), പട്ടികജാതി കോളനികളില്‍ കുടിവെള്ള പദ്ധതി, വിദേശത്ത് പോകുന്ന പട്ടികവര്‍ഗ യുവാക്കള്‍ക്ക് തൊഴില്‍ ലഭ്യമാക്കുന്നതിന് ധനസഹായം, കൊറഗ വിഭാഗക്കാരുടെ ഉന്നമനത്തിനായി പോഷകാഹാരം തുടങ്ങിയവയാണ് പ്രധാന പദ്ധതികള്‍