district news

സംസ്ഥാന സർക്കാർ നയത്തിന്റെ ഭാഗമായി ഭരണ സേവന രംഗങ്ങളിൽ  ഇ-ഗവേണൻസിന്റെ സാദ്ധ്യതകൾ പരമാവധി ഉപയോഗപ്പെടുത്തി സംവിധാനത്തിന്റെ കാര്യക്ഷമത ഉയർത്തുന്നതിന് പഞ്ചായത്ത് വകുപ്പ് തനതായ പ്രവർത്തനങ്ങൾ നടത്തിവരുന്നുണ്ട്.  സേവന പ്രധാനം പൗരകേന്ദ്രീകൃതമാക്കുന്നതിനുള്ള ഫലവത്തായ ശ്രമങ്ങൾ നടത്തിക്കൊണ്ടിരിക്കുകയാണ് കേരളത്തിലെ ഗ്രാമ പഞ്ചായത്തുകൾ.   ജനങ്ങൾക്ക് നൽകുന്ന വിവിധ സേവനങ്ങൾ ഓൺലൈനിലേക്ക് മാറ്റുന്നതിന് ഇതിനോടകം സാധിച്ചിട്ടുണ്ട്.  ജനന-മരണ-വിവാഹ രജിസ്ട്രേഷനും, സാമൂഹ്യ സുരക്ഷാ പെൻഷൻ സംബന്ധിച്ച വിവരങ്ങളും ഓൺലൈനിൽ ലഭ്യമാണ്.  കെട്ടിട ഉമസ്ഥാവകാശ സാക്ഷ്യപത്രം, നികുതി അടവിനുള്ള സൗകര്യം, പദ്ധതികളുടെ വിവിധ വിവരങ്ങൾ തുടങ്ങിയവയും ഓൺലൈനിൽ ലഭ്യമാണ്. 

തദ്ദേശ സ്വയംഭരണ സ്ഥാപനങ്ങളുടെ ഇലക്ട്രോണിക് പ്രവർത്തനങ്ങൾക്ക് കാസര്‍ഗോഡ് ജില്ല എന്നും പതാക വാഹകരായിട്ടുണ്ട്.  മാന്വൽ അക്കൌണ്ടിംഗ് സംവിധാനത്തിൽ നിന്നും സാംഖ്യ ഡിജിറ്റൽ സംവിധാനത്തിലേക്ക് കേരളത്തിൽ ആദ്യം മാറിയത് കാസര്‍ഗോഡ് ജില്ലയാണ്.  യോഗ നടത്തിപ്പിനുള്ള സകർമ്മ, കെട്ടിട നിർമ്മാണ പെർമിറ്റുകൾക്ക് വേണ്ടിയുള്ള സങ്കേതം എന്നീ അപ്ലിക്കേഷനുകൾ എല്ലാ ഗ്രാമ പഞ്ചായത്തുകളിലും ആദ്യം ഏർപ്പാടാക്കിയത് കാസറഗോഡ് ജില്ലയാണ്.  സകർമ്മ സംസ്ഥാനത്ത് തന്നെ ഏറ്റവും ആദ്യം തുടങ്ങിയതും കാസര്‍ഗോഡ് ജില്ലയിലാണ്.  

ഇതിന്റെ തുടർച്ചയായി ഇൻഫർമേഷൻ കേരള മിഷൻ പഞ്ചായത്ത് വകുപ്പിന്റെ ഡൊമൈൻ സപ്പോർട്ടോടു കൂടി സൂചിക എന്ന പേരിൽ തയ്യാറാക്കിയ വെബ് അപ്ലിക്കേഷൻ 2018 ഫെബ്രുവരി 5 മുതൽ കാസര്‍ഗോഡ് പഞ്ചായത്ത് ഡെപ്യൂട്ടി ഡയറക്ടറുടെ കാര്യാലയത്തിൽ ട്രയൽ റൺ നടത്തുകയും മാർച്ച് 1 മുതൽ ഓഫീസ് പൂർണ്ണമായും (പഞ്ചായത്ത് അസിസ്റ്റന്റ് ഡയറക്ടറുടെ കാര്യാലയം അടക്കം) ഇലക്ട്രോണിക് ഫയൽ മാനേജ് മെന്റിലേക്ക് മാറുകയും ചെയ്തു. ലഭിക്കുന്ന എല്ലാ കത്തുകളും സ്വീകരിക്കുന്നതിനും രസീത് നൽകുന്നതിനുമായി ഫ്രണ്ട് ഓഫീസ് സംവിധാനം നേരത്തെ തന്നെ ഓഫീസിൽ പ്രവർത്തിച്ചു വരുന്നുണ്ട്. സൂചിക ഉപയോഗിച്ച് തുടങ്ങിയതോടെ ഏത് ഫയലിന്റെ സ്റ്റാറ്റസും ഏതൊരാൾക്കും വെബ് സൈറ്റിൽ  ട്രാക്ക് ചെയ്യാവുന്നതാണ്.

തദ്ദേശ സ്വയം ഭരണ സ്ഥാപനങ്ങളിലെയും പഞ്ചായത്ത് വകുപ്പിലെയും എല്ലാ സേവനങ്ങളും പ്രവർത്തനങ്ങളും കൈവിരൽ തുമ്പിലെത്തിക്കുക എന്ന ലക്ഷ്യത്തോടെ സമഗ്ര ഇ-ഗവേണൻസ് സംവിധാനം ഏർപ്പെടുത്തുന്നതിനുള്ള നടപടികളുമായി സർക്കാർ മുന്നോട്ട് പോവുകയാണ്. 

ഈ സാഹചര്യത്തിൽ കാസര്‍ഗോഡ് ജില്ലയിലെ പഞ്ചായത്ത് ഡെപ്യൂട്ടി ഡയറക്ടർ കാര്യാലയം പേപ്പർലെസ്സ് ഇലക്ട്രോണിക് ഓഫീസായി പ്രഖ്യാപിച്ചു.

2017-18 വാര്‍ഷിക പദ്ധതി പുരോഗതി അവലോകനം നടത്തുന്നതിനായി ബഹു. തദ്ദേശസ്വയംഭരണ വകുപ്പുമന്ത്രി 07/03/2018 ന് രാവിലെ 11മണിയ്ക്ക് ജില്ലാ കളക്റ്ററേറ്റില്‍ വച്ച് വിഡിയോ കോണ്‍ഫറന്‍സ് നടത്തുന്നതിനാല്‍ 07/03/2018ന് 10 മണിയ്ക്ക് നടത്താന്‍ നിശ്ചയിച്ചിരുന്ന സെക്രട്ടറിമാരുടെ പ്രതിമാസ അവലോകനയോഗം മാറ്റിവെച്ച വിവരം അറിയിക്കുന്നു.മാറ്റിവച്ച തിയതിയും സ്ഥലവും പിന്നീട് അറിയിക്കുന്നതാണ്.

പെരുവന്താനം ഗ്രാമപഞ്ചായത്തിലെ 2 - ാം വാര്‍ഡില്‍ 25.02.2018 ഞായറാഴ്ച്ച പഞ്ചായത്ത് ഹാളില്‍ വച്ച് പ്രവാസിമലയാളികളെ ഉള്‍പ്പെടുത്തി ഓണ്‍ലൈന്‍ ഗ്രാമസഭ നടത്തുകയുണ്ടായി. വിവിധരാജ്യങ്ങളില്‍ഉള്ള 20 ഓളം പ്രവാസികളാണ് ടി ഗ്രാമസഭയില്‍ പങ്കെടുത്ത് അഭിപ്രായങ്ങള്‍ അറിയിച്ചത് . ബഹു പഞ്ചായത്ത് ഡെപ്യൂട്ടി ഡയറക്ടര്‍ ശ്രീ.അബൂബക്കര്‍ സിദ്ധിഖ് ഓണ്‍ലൈനില്‍ ഗ്രാമസഭ ആശംസകള്‍ അറിയിച്ചു.

നവീകരിച്ച വയനാട് പഞ്ചായത്ത് ഡെപ്യൂട്ടി ഡയറക്ടർ ഓഫീസിന്റെ ഉദ്ഘാടനം 2018 ഫെബ്രുവരി 2-ന് രാവിലെ 10 മണിയ്ക്ക് ബഹു. വയനാട് ജില്ലാ കളക്ടർ ശ്രീ. എസ്. സുഹാസ് ഐ.എ.എസ് അവർകൾ നിർവ്വഹിച്ചു. പഞ്ചായത്ത് ഡെപ്യൂട്ടി ഡയറക്ടർ ശ്രീ. ജോയി ജോൺ അദ്ധ്യക്ഷത വഹിച്ച ചടങ്ങിൽ പെർഫോമൻസ് ഓഡിറ്റ് യൂണിറ്റ്-2 സൂപ്പർവൈസർ ശ്രീ. ബെന്നി ജോസഫ് സ്വാഗതം ആശംസിച്ചു. അസി. ജില്ലാ പ്ലാനിംഗ് ഓഫീസർ ശ്രീമതി സുഭദ്രാ നായർ, ജില്ലാ സൈനിക ക്ഷേമ ഓഫീസർ ശ്രീ. അബ്ദുൾ അസീസ്, നാഷണൽ സേവി‌ഗ്സ് അസി. ഡയറക്ടർ ശ്രീ. സുരേഷ് കുമാർ, കെ.എൽ.ജി.എസ്.ഡി.പി ജില്ലാ കോ-ഓർഡിനേറ്റർ ശ്രീ. ഷബീർ എന്നിവർ ആശംസകൾ അർപ്പിച്ച് സംസാരിച്ചു. പഞ്ചായത്ത് ഡെപ്യൂട്ടി ഡയറക്ടർ, പഞ്ചായത്ത് അസി. ഡയറക്ടർ ഓഫീസുകൾ, പെർഫോമൻസ് ഓഡിറ്റ് യൂണിറ്റ് ഓഫീസുകളിലെ ജീവനക്കാരും ഗ്രാമപഞ്ചായത്ത് പ്രസിഡണ്ടുമാരും, സെക്രട്ടറിമാരും സംബന്ധിച്ച ചടങ്ങിൽ ഡി.ഡി.പി. ഓഫീസിലെ സീനിയർ സൂപ്രണ്ട് ശ്രീമതി കെ.എം. സരസ്വതി നന്ദി പ്രകാശിപ്പിച്ചു.

കോട്ടയം ജില്ലയിലെ 71 ഗ്രാമപഞ്ചായത്തുകളിലും എസ്.എം.എസ് സൗകര്യം ഏര്‍പ്പെടുത്തിയത്തിന്റെ ഉദ്ഘാടനം ഞീഴൂര്‍ ഗ്രാമപഞ്ചായത്ത്‌ കമ്മ്യൂണിറ്റി ഹാളില്‍ വച്ച് 28.02.2018 ബുധനാഴ്ച്ച രാവിലെ 10 മണിക്ക് ബഹു. കോട്ടയം ജില്ലാ കളക്ടര്‍ ഡോ.ബി.എസ്.തിരുമേനി നിര്‍വ്വഹിക്കുന്നു. എല്ലാ ഗ്രാമപഞ്ചായത്തുകളെയും ഇ-ഗവേണന്‍സ് സ്ഥാപനങ്ങളായും തദവസരത്തില്‍ പ്രഖ്യാപിക്കുന്നതാണ്.

19/03/2018 തിങ്കളാഴ്ച പകല്‍ 12 മണിക്ക് തിരുവനന്തപുരം ഡിഡി പി ഓഫീസില്‍ വച്ച് നടക്കുന്ന റോഡ്‌ റോളര്‍ ലേലം അറിയിപ്പ്

കേരളത്തിലെ തദ്ദേശസ്വയംഭരണസ്ഥാപനങ്ങളുടെയും അനുബന്ധ സംസ്ഥാനതല ജില്ലാതല ഓഫീസുകളുടെയും  ഭൗതിക സാഹചര്യങ്ങള്‍ മെച്ചപ്പെടുത്തി സേവനപ്രദാനസംവിധാനങ്ങള്‍ കാര്യക്ഷമമാക്കുന്നതിന്റെ  ഭാഗമായി ആധുനിക രീതിയില്‍ നവീകരിച്ച കൊല്ലം പഞ്ചായത്ത് ഡെപ്യൂട്ടി ഡയറക്ടറാഫീസിന്‍റെ ഉദ്ഘാടനം പഞ്ചായത്ത് ഡയറക്ടര്‍ ശ്രീമതി.പി.മേരിക്കുട്ടി, ഐഎഎസ് നിര്‍വ്വഹിച്ചു. ഗ്രാമപഞ്ചായത്ത് അസോസിയേഷന്‍ ജില്ലാ പ്രസിഡന്‍റ് അദ്ധ്യക്ഷ ശ്രീമതി.ഷൈലാ സലിംലാല്‍ അദ്ധ്യക്ഷത വഹിച്ച ചടങ്ങില്‍ കൊല്ലം ജില്ലാ കളക്ടര്‍ ഡോ.എസ്.കാര്‍ത്തികേയന്‍ മുഖ്യാതിഥി ആയിരുന്നു. ഗ്രാമപഞ്ചായത്ത് അസോസിയേഷന്‍ ജില്ലാ ഭാരവാഹികള്‍, സര്‍വ്വീസ് സംഘടനാ നേതാക്കള്‍, വകുപ്പിലെ ഉദ്യോഗസ്ഥര്‍ എന്നിവര്‍ സംബന്ധിച്ചു

തിരുവനന്തപുരം നഗരസഭ ലേല നടപടികള്‍ ജനുവരി 30 മുതല്‍ ഫെബ്രുവരി 2 വരെ

തിരുവനന്തപുരം നഗരസഭയുടെ അധീനതയിലുള്ള പാര്‍ക്കിംഗ് ഏരിയകള്‍, പൊതുശൗചലായങ്ങള്‍, ഗാന്ധിപാര്‍ക്ക്, കല്യാണമണ്ഡപങ്ങള്‍, കമ്മ്യൂണിറ്റി ഹാളുകള്‍, ഫലവൃക്ഷങ്ങളില്‍ നിന്ന് ആദായം എടുക്കല്‍, തൈയ്ക്കാട് മിനി ശ്മശാനം എന്നിവയുടെ 2018-19 വര്‍ഷത്തേയ്ക്കുള്ള ലേല നടപടികള്‍ ജനുവരി 30 മുതല്‍ ഫെബ്രുവരി 2 വരെയുള്ള തീയതികളില്‍ തിരുവനന്തപുരം മെയിന്‍ ഓഫീസില്‍ വച്ച് നടക്കും. പാര്‍ക്കിംഗ് ഏരിയകള്‍ക്കുള്ള ക്വട്ടേഷനുകള്‍ 30.01.2018 ന് വൈകുന്നേരം 3 മണിവരെയും പൊതു ശൗചാലയങ്ങള്‍ നടത്തുന്നതിനുള്ള അവകാശം ലഭിക്കുന്നതിനുള്ള ക്വട്ടേഷനുകളും ഗാന്ധിപാര്‍ക്ക് നടത്തിപ്പിനുള്ള ക്വട്ടേഷനുകള്‍, കല്യാണ മണ്ഡപങ്ങളും കമ്മ്യൂണിറ്റിഹാളുകളും നടത്തുന്നതിനുള്ള ക്വട്ടേഷനുകള്‍, വിളപ്പില്‍ശാല ജൈവഫാക്ടറി കോമ്പൗണ്ടില്‍ നില്‍ക്കുന്ന ഫവലൃക്ഷങ്ങളില്‍ നിന്നുള്ള ആദായം എടുക്കുന്നതിനുള്ള ക്വട്ടേഷനുകളും, തൈയ്ക്കാട് മിനി ശ്മശാനം (വിറക്) ഏറ്റെടുക്കുന്നതിനുള്ള  ഫെബ്രുവരി 1 ന് വൈകുന്നേരം 3 മണിവരെയും നഗരസഭാവക സ്ഥലത്തുള്ള ഫവലൃക്ഷങ്ങളില്‍ നിന്ന് ആദായം എടുക്കുന്നതിനുള്ള ക്വട്ടേഷനുകള്‍ ഫെബ്രുവരി 2-ാം തീയതി വരെയും നഗരസഭയില്‍ സ്വീകരിക്കുന്നതാണ്. ക്വട്ടേഷന്‍ സ്വീകരിക്കുന്നതിന്‍റെ അവസാന തീയതിയ്ക്ക് തൊട്ടടുത്ത ദിവസം രാവിലെ 11 മണിയ്ക്ക് ക്വട്ടേഷനുകള്‍ പരസ്യമായി തുറന്ന് പരിശോധിച്ച് ലേലം ഉറപ്പിക്കുന്നതാണ്. വിശദവിവരങ്ങള്‍ക്ക് നഗരസഭയിലെ റവന്യൂ (നോണ്‍ ടാക്സ്) വിഭാഗവുമായി  ബന്ധപ്പെടേണ്ടതാണ്. 

ഫെബ്രുവരി 18, 19 തിയ്യതികളിൽ നടക്കുന്ന സംസ്ഥാന തല പഞ്ചായത്ത് ദിനാഘോഷത്തിനായുള്ള പ്രത്യേക വെബ്ബ്സൈറ്റ് തദ്ദേശ ഭരണ വകുപ്പ് മന്ത്രി ഡോ.കെ .ടി ജലീൽ പ്രകാശനം ചെയ്തു. മലപ്പുറം ജില്ലയിലെ പെരിന്തൽമണ്ണ ഷിഫ കൺവെൻഷൻ സെന്ററിലാണ് പരിപാടി. സംസ്ഥാനത്തെ ഗ്രാമ / ബ്ലോക്ക് / ജില്ലാ പഞ്ചായത്തുകളുടെ അദ്ധ്യക്ഷന്മാരും സെക്രട്ടറിമാരുമാണ് പഞ്ചായത്ത് ദിനാഘോഷത്തിൽ പ്രധാനമായും പങ്കെടുക്കേണ്ടത്. പ്രതിനിധികൾക്കുള്ള രജിസ്ട്രേഷൻ, താമസ സൗകര്യം ഇവ വെബ്ബ്സൈറ്റ് വഴി സാധിക്കും. ഇൻഫർമേഷൻ കേരളാ മിഷനാണ് വെബ്ബ്സൈറ്റ് തയ്യാറാക്കിയത്.

മലപ്പുറം ജില്ലാ പഞ്ചായത്ത് പ്രസിഡന്റ് എ.പി ഉണ്ണിക്കൃഷണൻ അദ്ധ്യക്ഷനായി. എം.എൽ എ മാരായ അഡ്വ കെ എൻ എ ഖാദർ, പി.ഉബൈദുള്ള, ടി.വി ഇബ്രാഹിം, പ്രൊഫ. ആബിദ് ഹുസൈൻ തങ്ങൾ, DPC സർക്കാർ നോമിനി ഇ എൻ മോഹൻ ദാസ്' തുടങ്ങിയവർ സംബസിച്ചു . ഐ കെ.എം ജില്ലാ കോര്‍ഡിനേറ്റര്‍ എം പി രാജൻ സ്വാഗതവും സീനിയർ സൂപ്രണ്ട് സദാനന്ദൻ നന്ദിയും പറഞ്ഞു.

https://panchayatday.lsgkerala.gov.in

കോട്ടയം കൈവരിച്ചത് ചരിത്രനേട്ടം: കോട്ടയം ജില്ലയിലെ 71 ഗ്രാമപഞ്ചായത്തുകളും ജനസൗഹൃദ സദ്ഭരണ ഓഫീസുകളായി ബഹു.കേരള നിയമസഭാ സ്പീക്കര്‍ ശ്രീ.പി.ശ്രീരാമകൃഷ്ണന്‍ 2017 ഒക്ടോബര്‍ മാസം 26-ാം തീയതി കടുത്തുരുത്തി ഗൗരീശങ്കരം ഓഡിറ്റോറിയത്തില്‍ വച്ച് നടന്ന യോഗത്തില്‍ പ്രഖ്യാപിച്ചു.ജില്ലയിലെ 71 ഗ്രാമപഞ്ചായത്തുകളെയും ജനസൗഹൃദ ഗ്രാമപഞ്ചായത്തുകളായി മാറ്റിക്കൊണ്ട് ജില്ലയെ ഇന്ത്യയിലെ ആദ്യത്തെ ജനസൗഹൃദ സദ്ഭരണ ജില്ലയാക്കി മാറ്റുകയെന്ന പ്രവര്‍ത്തനമാണ് ജില്ലയിലെ ഗ്രാമപഞ്ചായത്ത് ജനപ്രതിനിധികളെയുംജീവനക്കാരേയും ചേര്‍ത്തുകൊണ്ട് പഞ്ചായത്ത് ഡെപ്യൂട്ടി ഡയറക്ടര്‍ ഓഫീസ് ഏറ്റെടുത്തത്. ജനങ്ങളെ അവരുടെ അവകാശങ്ങളെക്കുറിച്ച് ബോധവാന്മാരാക്കിക്കൊണ്ട് ജനങ്ങള്‍ക്ക് ലഭ്യമാകേണ്ട സേവനം ശുപാര്‍ശകളില്ലാതെ ക്രമപ്രകാരം കൃത്യമായ കൈകളിലേക്ക് എത്തിക്കുകയെന്നതും, ഓഫീസുകളുടെ ഭൗതിക സൗകര്യം വര്‍ദ്ധിപ്പിച്ചുകൊണ്ടും ഫ്രണ്ട് ഓഫീസ് പ്രവര്‍ത്തനം കൂടുതല്‍ മെച്ചപ്പെടുത്തിക്കൊണ്ടും പൊതുജനങ്ങളോടുളള ജീവനക്കാരുടെ മനോഭാവം മാറ്റി എടുത്തുകൊണ്ടും ഓരോ ഫയലിലും ഓരോ ജീവിതം ഉണ്ട് എന്നുളള ബോധത്തിലേക്ക് ജീവനക്കാരുടേയും ജനപ്രതിനിധികളുടേയും കാഴ്ചപ്പാട് എത്തിച്ചുകൊണ്ടും ജനസൗഹൃദസദ്ഭരണം എന്ന ലക്ഷ്യം കൈവരിക്കാന്‍ ജില്ലക്ക് സാധിച്ചു.