ഫീച്ചറുകള്‍

കെ-ലിഫറ്റ് : ഇടമലക്കുടിയില്‍ 100 കുടുംബങ്ങള്‍ക്ക് ഉപജീവനമൊരുക്കാന്‍ കുടുംബശ്രീ

Posted on Wednesday, March 6, 2024

ഇടമലക്കുടി ഗ്രാമപഞ്ചായത്തില്‍ ഇക്കൊല്ലം നൂറു കുടുംബങ്ങള്‍ക്ക് ഉപജീവനമൊരുക്കാന്‍ കുടുംബശ്രീ ഊരുസംഗമത്തില്‍ തീരുമാനം. വിവിധ കുടികളില്‍ നിന്നുള്ള അംഗങ്ങള്‍ പങ്കെടുത്ത ഊരുസംഗമം ഇടമലക്കുടിയുടെ പ്രധാന കാര്‍ഷിക ഉത്പന്നങ്ങളായ കരുമുളകിന്റെയും ഏലത്തിന്റെയും ബ്രാന്‍ഡിംഗ് അടക്കമുള്ള പുതിയ സംരംഭങ്ങളെ കുറിച്ചുള്ള ചര്‍ച്ചകള്‍ കൊണ്ടും ശ്രദ്ധേയമായി. .

ഇക്കൊല്ലം സംസ്ഥാനത്തെ മൂന്ന് ലക്ഷം അയല്‍ക്കൂട്ടാംഗങ്ങള്‍ക്ക് ഉപജീവനം ലക്ഷ്യമിട്ട് കുടുംബശ്രീ ആവിഷ്‌കരിച്ചിരിക്കുന്ന കെ-ലിഫ്റ്റ് (Kudumbashree Livelihood Initiative for Transformation ) പദ്ധതിയുടെ ഭാഗമായാണ് കാനനപഞ്ചായത്തിലെ നൂറ് അംഗങ്ങള്‍ക്ക് വരുമാനമാര്‍ഗ്ഗം ഉറപ്പാക്കാന്‍ തീരുമാനിച്ചിരിക്കുന്നത്. മൃഗസംരക്ഷണം, കൃഷി അനുബന്ധ പ്രവര്‍ത്തനങ്ങള്‍, തയ്യല്‍ യൂനിറ്റ്, പെട്ടിക്കട, മുള ഉത്പന്നങ്ങള്‍, വനവിഭവങ്ങളുടെ ശേഖരണവും വിപണനവും തുടങ്ങിയ മേഖലകളിലാണ് വിവിധ കുടികളിലായി പഞ്ചായത്ത് നിവാസികള്‍ക്ക തൊഴില്‍ ഒരുക്കുന്നത്.

മൃഗസംരക്ഷണ മേഖലയില്‍ ഊന്നല്‍ നല്‍കിക്കൊണ്ട് തദ്ദേശിയ ഇനത്തില്‍പ്പെട്ട ആട്-കോഴി വളര്‍ത്തല്‍ പ്രോത്സാഹിപ്പിക്കും. മത്സ്യം വളര്‍ത്താനുള്ള സൗകര്യങ്ങള്‍ വികസിപ്പിക്കും. വിവിധ സംരംഭങ്ങള്‍ തുടങ്ങുന്നതിന് കുടികളില്‍ നിന്നും ഇതിനകം ലഭിച്ച അപേക്ഷകള്‍ പരിഗണിച്ചുകൊണ്ട് എത്രയും വേഗം പദ്ധതി നടപ്പാക്കും.

ദേവികുളം ബ്ലോക്കില്‍ മൂന്നാര്‍ ഗ്രാമപഞ്ചായത്തിന്റെ ഒന്നാം വാര്‍ഡായിരുന്ന ഇടമുലക്കുടി 2010 നവംബര്‍ ഒന്നിനാണ് കേരളത്തിലെ ഏക ഗോത്രവര്‍ഗ്ഗ പഞ്ചായത്തായി രൂപീകരിക്കുന്നത്. അതിനു മുമ്പ് തന്നെ ഇവിടെ കുടുബശ്രീയുടെ പ്രവര്‍ത്തനങ്ങള്‍ ചെന്നെത്തിയിരുന്നു. പ്രത്യേക

പഞ്ചായത്താക്കിയ ശേഷം പ്രവര്‍ത്തനങ്ങള്‍ കൂടുതല്‍ സജീവമായി. 36 അയല്‍ക്കൂട്ടങ്ങളിലായി ഇപ്പോള്‍ എല്ലാ കുടുംബങ്ങളെയും കുടുംബശ്രീയില്‍ ഉള്‍ക്കൊള്ളിച്ചിട്ടുണ്ട്.

എന്‍.ആര്‍.എല്‍.എം പദ്ധതിയുടെ ഭാഗമായി ഊരില്‍ നിന്നുള്ള തന്നെയുള്ള ആനിമേറ്റര്‍മാരെ നിയോഗിച്ചുകൊണ്ട് ഊരുതല പ്രവര്‍ത്തനങ്ങള്‍ കൂടുതല്‍ ആസൂത്രിതവും വ്യവസ്ഥാപിതവുമായി നടപ്പാക്കി വരികയാണ്. സൊസൈറ്റി കുടിയില്‍ സി.ഡി.എസ് ഓഫീസ് പ്രവര്‍ത്തനമാരംഭിച്ചതും പ്രവര്‍ത്തനങ്ങള്‍ സജീവമാക്കാന്‍ സഹായകമായിട്ടുണ്ട്. കുടിനിവാസികളായ ഇരുപത് ആനിമേറ്റര്‍മാര്‍ സി.ഡി.എസ് ഓഫീസ് കേന്ദ്രീകരിച്ച് പ്രവര്‍ത്തിക്കുന്നുണ്ട്.

പഞ്ചായത്ത് ഓഫീസില്‍ ചേര്‍ന്ന് ഊരുസംഗമത്തില്‍ സി.ഡി.എസ് ചെയര്‍പേഴ്‌സണ്‍ അമരവതി അധ്യക്ഷത വഹിച്ചു. ഗ്രാമപചായത്ത് വൈസ് പ്രസിഡന്റ് മോഹന്‍ദാസ് ഉദ്ഘാടനം ചെയ്തു. കുടുംബശ്രീ പി.ആര്‍.ഒ നാഫി മുഹമ്മദ് മുഖ്യപ്രഭാഷണവും കുടുംബശ്രീ സ്റ്റേറ്റ് ട്രൈബല്‍ പ്രോഗ്രാം ഓഫീസര്‍ മനോജ് പദ്ധതി വശദീകരണവും നടത്തി. സ്റ്റേറ്റ് അസിസ്റ്റന്റ് പ്രോഗ്രാം മാനേജര്‍ ശാരിക, ജില്ലാ പ്രോഗ്രാം മാനേജര്‍ ബിജു ജോസഫ് എന്നിവര്‍ സംസാരിച്ചു അനിമേറ്റര്‍മാരായ സുപ്രിയ സ്വാഗതവും ശരത് നന്ദിയും പറഞ്ഞു. സംഗമത്തില്‍ കുടുംബശ്രീ അംഗങ്ങള്‍ക്ക് പുറമെ ഊരുമൂപ്പന്‍മാര്‍, യൂത്ത് ക്ലബ് പ്രതിനിധികള്‍, അനിമേറ്റര്‍മാര്‍ തുടങ്ങിയവര്‍ സംബന്ധിച്ചു.

സൊസൈറ്റി കുടി, ഷെടുകുടി, ഇഡലിപ്പാറകുടി , അമ്പലപടി കുടി എന്നിവിടങ്ങളില്‍ പ്രതേക ഊരുതല മീറ്റിംഗുകളും സംഗമത്തോടനുബന്ധിച്ച് സംഘടിപ്പിച്ചു. സൊസൈറ്റി കുടിയില്‍ ചെയര്‍പേഴ്‌സണ്‍ അമരവതി, ഷെടുകുടി അനിമേറ്റര്‍ സരിത, സുപ്രിയ അങ്കമ്മ എന്നിവരും, അമ്പലപാടികുടിയില്‍ മുന്‍ ചെയര്‍പേഴ്‌സണ്‍ രമണി, അനിമേറ്റര്‍ ശരത് എന്നിവരും, ഇഡലിപറകുടിയില്‍ അനിമേറ്റര്‍മാരായ ഭാഗ്യലക്ഷ്മി, നീല, സുനിത, ബിജു, ഗോപി, ശശികുമാര്‍, സോക്കര്‍, സി.ഡി.എസ് അക്കൗണ്ടന്റ് രാമകൃഷ്ണന്‍ എന്നിവരും നേതൃത്വ നല്‍കി.

Content highlight
idamalakkudi k lift

കുടുംബശ്രീ ഉത്പന്നങ്ങളും കേരള രുചിയും നോയിഡയില്

Posted on Tuesday, February 20, 2024
കേന്ദ്ര ഗ്രാമവികസന മന്ത്രാലയം ഉത്തര്പ്രദേശിലെ നോയിഡ സിറ്റി സെന്ററിലെ നോയിഡ ഹാത് ആന്ഡ് ബങ്കര് ഭവനില് സംഘടിപ്പിച്ചിരിക്കുന്ന ആജീവിക സരസ് മേളയില് ആയുര്വേദ, കരകൗശല ഉത്പന്നങ്ങളും കേരളത്തിന്റെ സ്വന്തം ഭക്ഷണവിഭവങ്ങളും ഒരുക്കി കുടുംബശ്രീയും.
 
എട്ട് സംരംഭ യൂണിറ്റുകളും മൂന്ന് കഫേ യൂണിറ്റുകളുമാണ് ഫെബ്രുവരി 16ന് ആരംഭിച്ച മേളയില് കുടുംബശ്രീ പ്രതിനിധികളായുള്ളത്. മാര്ച്ച് നാല് വരെ നീണ്ടു നില്ക്കുന്ന മേളയില് കരകൗശല ഉത്പന്നങ്ങളുമായി ശ്രീഭദ്ര (പത്തനംതിട്ട), സ്‌നേഹ (മലപ്പുറം), കൈത്തറി ഉത്പന്നങ്ങളോടെ അമൃതകിരണം (തൃശ്ശൂര്), ശ്രേയസ്സ് (കോഴിക്കോട്) ഭക്ഷ്യ ഉത്പന്നങ്ങളുായി ഉദയം (അട്ടപ്പാടി, പാലക്കാട്), മേഘ (എറണാകുളം) ആയുര്വേദ ഉത്പന്നങ്ങളോടെ ഇന്സാറ്റ് (എറണാകുളം) എന്നീ യൂണിറ്റുകളാണ് പങ്കെടുക്കുന്നത്.
 
അട്ടപ്പാടിയിലെ തനത് വിഭവങ്ങള് ലഭ്യമാക്കി ജീവ കഫേ യൂണിറ്റും കാസര്ഗോഡെ സുകൃതം യൂണിറ്റും എറണാകുളത്തെ ലക്ഷ്യ ജ്യൂസും നോയിഡ ഫുഡ് കോര്ട്ടിലെ സാന്നിധ്യമാണ്.
Content highlight
nodia saras mela

സംസ്ഥാന ബഡ്സ് കലോത്സവം തില്ലാന : വരക്കൂട്ടം സംഘടിപ്പിച്ചു

Posted on Wednesday, January 17, 2024

സംസ്ഥാന ബഡ്‌സ് കലോത്സവം തില്ലാനയുടെ പ്രചാരണാര്‍ത്ഥം കണ്ണൂര്‍ തലശ്ശേരി ഗവണ്‍മെന്റ് ബ്രണ്ണന്‍ കോളേജ് പരിസരത്ത്  'വരക്കൂട്ടം ' ചിത്രരചന പരിപാടി സംഘടിപ്പിച്ചു.

ബ്രണ്ണന്‍ കോളേജിലെ 4 വേദികളില്‍ ജനുവരി 20,21 തീയതികളില്‍ സംഘടിപ്പിക്കുന്ന കലോത്സവത്തില്‍ 400 ഓളം ബഡ്സ് പരിശീലനാര്‍ത്ഥികളാണ് പങ്കെടുക്കുക.
 
  ധര്‍മ്മടം ഗ്രാമപഞ്ചായത്ത് വികസനകാര്യ സ്റ്റാന്‍ഡിങ് കമ്മിറ്റി ചെയര്‍മാന്‍ മോഹനന്‍ എം.പി പരിപാടി ഉദ്ഘാടനം ചെയ്തു. കുടുംബശ്രീ കണ്ണൂര്‍ ജില്ലാ മിഷന്‍ കോര്‍ഡിനേറ്റര്‍ ഡോ.എം സുര്‍ജിത് അധ്യക്ഷത വഹിച്ചു. പ്രശസ്ത ചിത്രകാരന്‍ സെല്‍വന്‍ മേലൂര്‍ പരിപാടിക്ക് നേതൃത്വം നല്‍കി.
 
  ആരോഗ്യ വിദ്യാഭാസ സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ പുഷ്പ. സി. വി, ക്ഷേമകാര്യ സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ ബിന്ദു. കെ, വാര്‍ഡ് മെമ്പര്‍ ലതിക, സി.ഡി.എസ് ചെയര്‍പേഴ്‌സണ്‍ എമിലി ജെയിംസ് തുടങ്ങിയവര്‍  പങ്കെടുത്തു.

  ചിത്രകാരന്‍മാരായ എ. സത്യനാഥ്, എ. രവീന്ദ്രന്‍, സുരേഷ് ബാബു പാനൂര്‍ , പ്രിയങ്ക പിണറായി എന്നിവര്‍ക്കൊപ്പം സേക്രഡ് ഹാര്‍ട്ട് വിദ്യാര്‍ത്ഥികളും വരക്കൂട്ടത്തിന്റെ ഭാഗമായി.

Content highlight
'Varakoottam' Painting Programme organized for the promotion of 'Thillana', the State Level BUDS Festivalml

കാർഷിക വിപണന മേഖല: കോഴിക്കോട്ട് കുടുംബശ്രീയുടെയും ജില്ലാ പഞ്ചായത്തിന്റെയും 'എ പ്ലസ്'

Posted on Tuesday, January 16, 2024
കാർഷിക ഉൽപ്പന്നങ്ങളുടെ മൂല്യ വർദ്ധിത വിപണനത്തിൻ്റെ ഭാഗമായി ജില്ലാ പഞ്ചായത്തുമായി സംയോജിച്ച് ചിപ്സ് യൂണിറ്റുകളുമായി കോഴിക്കോട് കുടുംബശ്രീ ജില്ലാ മിഷൻ. ' എ പ്ലസ് ' എന്ന് പേരിട്ട
കാർഷിക മൂല്യവർദ്ധിത യൂണിറ്റിന്റെ ഉദ്ഘാടനം കോഴിക്കോട് നളന്ദ ഓഡിറ്റോറിയത്തിൽ  ജനുവരി 13ന് സംഘടിപ്പിച്ച ചടങ്ങിൽ കുടുംബശ്രീ എക്സിക്യൂട്ടീവ് ഡയറക്ടർ ജാഫർ മാലിക് ഐ.എ. എസി ന്റെ സാന്നിധ്യത്തിൽ ജില്ലാ പഞ്ചായത്ത് പ്രസിഡന്റ്‌ ഷീജ ശശി നിർവഹിച്ചു.
 
ജിലയിലെ 7 സി.ഡി.എസുകളിലെ 14 അയൽക്കൂട്ടാംഗങ്ങൾ ഉത്പാദിപ്പിക്കുന്ന ഏത്തക്ക ചിപ്സ് , കപ്പ ചിപ്സ്, ചക്ക ചിപ്സ്, ശർക്കര വരട്ടി തുടങ്ങിയ വിവിധ ഉത്പന്നങ്ങളാണ് ' എ പ്ലസ് ' ബ്രാൻഡിൽ വിപണിയിലിറക്കുക. തിരുവമ്പാടി, ചക്കിട്ടപ്പാറ, മൂടാടി, തിരുവള്ളൂർ, കീഴരിയൂർ, കടലുണ്ടി, കൂരാച്ചുണ്ട് എന്നീ സി.ഡി.എസുകളിലാണ് ഉത്പാദനം.
 
ജില്ലാ പഞ്ചായത്ത് വൈസ് പ്രസിഡന്റ് അഡ്വ. പി. ഗവാസ് ആധ്യക്ഷത വഹിച്ച ഉദ്ഘാടന ചടങ്ങിൽ ജില്ലാ മിഷൻ കോർഡിനേറ്റർ ആർ. സിന്ധു സ്വാഗതം ആശംസിച്ചു. ജില്ലാ പഞ്ചായത്ത് ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ നിഷ പുത്തൻപുരയിൽ, കുടുംബശ്രീ സ്റ്റേറ്റ് പ്രോഗ്രാം മാനേജർ നിഷാദ് സി. സി, ചേമഞ്ചേരി പഞ്ചായത്ത്‌ പ്രസിഡന്റ്‌ സതി കിഴക്കയിൽ, അഴിയൂർ സി.ഡി.എസ് ചെയർപേഴ്സൺ ബിന്ദു ജെയ്സൺ എന്നിവർ സംസാരിച്ചു. കുടുംബശ്രീ ജില്ലാ പ്രോഗ്രാം മനേജർ ആരതി പി.വി നന്ദിയർപ്പിച്ചു സംസാരിച്ചു.
Content highlight
a plus of kozhikkode

‘വനസുന്ദരി’, ‘സൊലൈ മിലൻ’ എന്നീ വിഭവങ്ങൾക്ക് ശേഷം ‘കൊച്ചി മൽഹാർ’ അവതരിപ്പിച്ച് കുടുംബശ്രീ സംരംഭകർ

Posted on Wednesday, December 27, 2023

‘വനസുന്ദരി’, ‘സൊലൈ മിലൻ’ എന്നീ  വിഭവങ്ങൾക്ക്  ശേഷം  ‘കൊച്ചി മൽഹാർ’ എന്ന പുതിയ വിഭവം അവതരിപ്പിച്ചിരിക്കുകയാണ് കുടുംബശ്രീ സംരംഭകർ. വനസുന്ദരിയും സോളായി മിലാനും കുടുംബശ്രീ ഭക്ഷ്യമേളകളിലെ മിന്നും താരങ്ങളാണ്.  പ്രത്യേക രുചികളോടെ തയ്യാറാക്കിയ സ്വാദിഷ്ടമായ ചിക്കൻ വിഭവങ്ങളാണ് ഇവ.

കൊച്ചി ദേശീയ സരസ് മേളയുടെ ഭാഗമായി കുടുംബശ്രീ ഇപ്പോൾ ഒരു പുതിയ സിഗ്നേച്ചർ വിഭവം അവതരിപ്പിക്കുകയും അതിന് ‘കൊച്ചി മൽഹാർ’ എന്ന് നാമകരണം ചെയ്യുകയും ചെയ്തു. കാന്താരി, പച്ചമുളക്, പച്ചമാങ്ങ, കുടംപുളി, കറിവേപ്പില, ചെറിയ ഉള്ളി, ഉലുവപ്പൊടി, തേങ്ങാപ്പാൽ, ടൈഗർ പ്രോൺസ്, കരിമീൻ, വെളുത്ത മാംസമുള്ള മീനുകൾ എന്നിവ ഉപയോഗിച്ചാണ് കൊച്ചി മൽഹാർ തയ്യാറാക്കുന്നത്. എണ്ണ ഉപയോഗിക്കാതെയാണ് പാചകം ചെയ്യുന്നത്. നിർഭയ കുടുംബശ്രീ യൂണിറ്റ് തയ്യാറാക്കിയ ഈ ഭക്ഷണം 2023 ഡിസംബർ 26 മുതൽ എറണാകുളത്ത് നടക്കുന്ന സരസ് മേളയുടെ ഫുഡ് കോർട്ടിൽ ലഭ്യമാണ്. 2023 ഡിസംബർ 23ന് സരസ് മേളയിൽ നടന്ന ചടങ്ങിൽ പ്രമുഖ ചലച്ചിത്രതാരവും നർത്തകിയുമായ ശ്രീമതി ആശാ ശരത്താണ് കൊച്ചി മൽഹാറിനെ പരിചയപ്പെടുത്തിയത്.

Content highlight
Kudumbashree entrepreneurs launches 'Kochi Malhar' after 'Vanasundari' and 'Solai Milan' m

അട്ടപ്പാടിയെ സമ്പൂര്‍ണ്ണ സാക്ഷരതയിലേക്ക് നയിക്കാന്‍ ഒത്തുചേര്‍ന്ന് കുടുംബശ്രീയും തുല്യതാ പരീക്ഷയെഴുതിയത് 2000ത്തോളം പേര്‍

Posted on Saturday, December 23, 2023
പാലക്കാട് ജില്ലയിലെ അട്ടപ്പാടിയിലെ ഊരുകളില് സമ്പൂര്ണ്ണ സാക്ഷരത ഉറപ്പാക്കാന് സാക്ഷരതാ മിഷനുമായി കൈകോര്ത്തുള്ള കുടുംബശ്രീയുടെ പ്രവര്ത്തനങ്ങള് മികവോടെ മുന്നേറുന്നു. ഡിസംബര് പത്തിന് നടന്ന തുല്യതാ പരീക്ഷയ്ക്കിരുന്നത് 1925 പഠിതാക്കളാണ്. മികവുത്സവം എന്ന് പേരിട്ട ഈ തുല്യതാ പരീക്ഷയ്ക്കായെത്തിയത് 179 ഊരുകളില് നിന്നുള്ളവരാണ്. ഈ ഘട്ടത്തില് പരീക്ഷ എഴുതാന് കഴിയാത്തവരെ 2024 മാര്ച്ചില് തുല്യതാ പരീക്ഷ എഴുതിക്കാനാണ് ലക്ഷ്യമിട്ടിരിക്കുന്നത്.
 
അട്ടപ്പാടിയില് കുടുംബശ്രീ മുഖേന നടപ്പിലാക്കിവരുന്ന ആദിവാസി പ്രത്യേക പദ്ധതിയും സാക്ഷരതാ മിഷനുമായി ചേര്ന്നുള്ള പ്രവര്ത്തനങ്ങള്ക്ക് ഈ വര്ഷം ഫെബ്രുവരി ഏഴിന് സംഘടിപ്പിച്ച പ്രാഥമിക യോഗത്തോടെയാണ് തുടക്കമായത്. പിന്നീട് പദ്ധതി വിശദീകരണ - സര്വ്വേ പരിശീലന ഉദ്ഘാടനം അതേമാസം പാലക്കാട് ജില്ലാ പഞ്ചായത്ത് പ്രസിഡന്റ് ബിനുമോള് നിര്വഹിച്ചു.
പിന്നീട് ഫെബ്രുവരി, മാര്ച്ച് മാസങ്ങളിലായി കുടുംബശ്രീ സ്‌പെഷ്യല് പ്രോജക്ട് ആനിമേറ്റര്മാരുടെയും ബ്രിഡ്ജ് കോഴ്‌സ് അധ്യാപകരുടെയും നേതൃത്വത്തില് സാക്ഷരതാ സര്വ്വേ നടത്തി 4273 പേരെ നിരക്ഷരരായി കണ്ടെത്തി. പിന്നീട് സര്വ്വേ ക്രോഡീകരണം നടത്തിയതിന് ശേഷം സാക്ഷരതാ പ്രവര്ത്തനങ്ങള്ക്ക് തുടക്കമിടുകയായിരുന്നു.
 
ഓരോ ഊരുകളിലെയും ആനിമേറ്റര്മാര്, ബ്രിഡ്ജ് കോഴ്‌സ് അധ്യാപകര്, അഭ്യസ്തവിദ്യരായ കുടുംബശ്രീ പ്രവര്ത്തകര് എന്നിവരെ വോളന്ററി അധ്യാപകരായി ഊരുകളില് കണ്ടെത്തുകയും നിരക്ഷരരായവരെ സാക്ഷരതാ പരീക്ഷയ്ക്ക് പ്രാപ്തരാക്കുകയുമായിരുന്നു. അധ്യാപകര്ക്കുള്ള പഠന സഹായികള് സാക്ഷരതാ മിഷനും പഠിതാക്കള്ക്കുള്ള പഠനോപകരണങ്ങള് കുടുംബശ്രീയും നല്കി.
 
അട്ടപ്പാടിയിലെ സാക്ഷരതാ പ്രവര്ത്തനങ്ങള്ക്ക് കുടുംബശ്രീ അസിസ്റ്റന്റ് പ്രോജക്ട് ഓഫീസര് ബി.എസ്. മനോജ്, കോര്ഡിനേറ്റര് ജോമോന് കെ.ജെ, സാക്ഷരതാ മിഷന് കോര്ഡിനേറ്റര് മനോജ് സെബാസ്റ്റ്യന്, അസിസ്റ്റന്റ് കോര്ഡിനേറ്റര് പാര്വ്വതി എന്നിര് നേതൃത്വം നല്കുന്നു.
Content highlight
Kudumbashree join hands with Saksharatha Mission; Around 2000 people writes Equivalency Test in Attappady

ചലനം 2023 മെന്ററിങ് ക്യാമ്പ് പത്തനംതിട്ടയിൽ സംഘടിപ്പിച്ചു

Posted on Monday, November 20, 2023
നഗര കുടുംബശ്രീ സിഡിഎസ്സുകളുടെ സംഘടനാ സംവിധാനം ശക്തിപ്പെടുത്തുന്നതിനുള്ള ചലനം ജില്ലാതല മെന്ററിങ് ക്യാമ്പ് പത്തനംതിട്ടയിൽ നവംബർ 13 മുതൽ 16 വരെ സംഘടിപ്പിച്ചു. കുന്നന്താനം സിയോൻ റിട്രീറ്റ് സെന്ററിൽ കുടുംബശ്രീ പത്തനംതിട്ട ജില്ലാ മിഷൻ കോ- ഓർഡിനേറ്റർ ആദില ക്യാമ്പിൻ്റെ ഉദ്ഘാടനം നിർവഹിച്ചു. 
 
   പത്തനംതിട്ട, അടൂർ, പന്തളം, തിരുവല്ല നഗരസഭകളിലെ കുടുംബശ്രീ സി.ഡി. എസ് ചെയർപേഴ്സൺമാരും ഉപസമിതി കൺവീനർമാരുമാണ് പരിശീലനത്തിൽ പങ്കെടുത്തത്. 
 
   ഉദ്ഘാടന ചടങ്ങിൽ കുന്നന്താനം സി.ഡി.എസ് ചെയർപേഴ്സൺ രഞ്ജിനി അജിത് അധ്യക്ഷയായി. കുടുംബശ്രീ സംസ്ഥാന മിഷൻ മാനേജർ ബീന, സിറ്റി മിഷൻ മാനേജർമാരായ അജിത് കുമാർ. എം, അജിത്. എസ്, സുനിത. വി, ട്രെയിനിങ് കോർ ടീം അംഗങ്ങളായ സീമ, അനിൽ എന്നിവർ സംസാരിച്ചു.
Content highlight
chalanam mentoring camp held at pathanamthitta

ചലനം ജില്ലാതല മെന്ററിങ് ക്യാമ്പ് പാലക്കാട് സംഘടിപ്പിച്ചു

Posted on Monday, November 20, 2023
നഗര സിഡിഎസുകളിലെ കുടുംബശ്രീ സംഘടനാ സംവിധാനത്തിലെ ഭാരവാഹികള്‍ക്ക് വിവിധ സര്‍ക്കാര്‍ പദ്ധതികള്‍ പരിചയപ്പെടുത്തുക, ചലനം, ചുവട് ആദ്യഘട്ട പരിശീലനങ്ങളുടെ നേട്ടങ്ങള്‍ വിലയിരുത്തുക, സിഡിഎസുകളുടെ മുന്നോട്ടുള്ള പ്രവര്‍ത്തനങ്ങള്‍ക്ക് വിഷയാധിഷ്ഠിത ആക്ഷന്‍ പ്ലാന്‍ തയാറാക്കുക എന്നിവയാണ് സംസ്ഥാനമൊട്ടാകെ നടത്തുന്ന ഈ ക്യാമ്പിന്റെ ലക്ഷ്യം. 
 
നവംബര്‍ 7 മുതല്‍ 10 വരെയായിരുന്നു ക്യാമ്പ്. മുണ്ടൂര്‍ ഐ.ആര്‍.ടി.സി യില്‍ പാലക്കാട് നഗരസഭാ ചെയര്‍ പേഴ്‌സണ്‍ പ്രിയ അജയന്‍ ഉദ്ഘാടനം നിര്‍വഹിച്ചു. മുണ്ടൂര്‍ സിഡിഎസ് ചെയര്‍ പേഴ്‌സണ്‍ രാധാഭായ് ടി അദ്ധ്യക്ഷയായ ചടങ്ങില്‍ ഒറ്റപ്പാലം നഗരസഭാ ചെയര്‍പേഴ്‌സണ്‍ ജാനകി ദേവി മുഖ്യാതിഥി ആയിരുന്നു.
 
 കുടുംബശ്രീ പാലക്കാട് ജില്ലാ മിഷന്‍ കോഓര്‍ഡിനേറ്റര്‍ കെ. കെ. ചന്ദ്രദാസ്, സംസ്ഥാന മിഷന്‍ മാനേജര്‍ ബീന. ഇ, പാലക്കാട് സൗത്ത് സി.ഡി.എസ് ചെയര്‍പേഴ്‌സണ്‍ റീത്ത എന്നിവര്‍ സംസാരിച്ചു. 
Content highlight
Chalanam District Level Mentoring Camp held at Palakkad

കാരുണ്യത്തിന്റെ 'കൈത്താങ്ങു'മായി മലപ്പുറം

Posted on Friday, November 10, 2023
അയല്ക്കൂട്ടാംഗങ്ങളിലേക്ക് മാത്രം ഒതുങ്ങി നില്ക്കാതെ സമൂഹത്തിലെ അശരണര്ക്കും ആലംബഹീനര്ക്കും സഹായമാവശ്യമുള്ള ഏവരിലേക്കും കാരുണ്യത്തിന്റെ കരങ്ങള് നീട്ടുകയാണ് കുടുംബശ്രീ മലപ്പുറം ജില്ലാ മിഷന്, 'കൈത്താങ്ങി'ലൂടെ. നവംബര് ഒന്നിന് കേരളപ്പിറവി ദിനത്തില് ജില്ലയിലെ ആകെയുള്ള 111 സി.ഡി.എസുകളില് 90 സി.ഡി.എസുകളിലും ഈ പദ്ധതിക്ക് തുടക്കമിട്ടു കഴിഞ്ഞു. ഒരാഴ്ചയ്ക്കുള്ളില് ശേഷിക്കുന്ന സി.ഡി.എസുകളിലും പദ്ധതി ആരംഭിക്കും.
 
അടിയന്തര ആവശ്യങ്ങള് നിറവേറ്റുന്നതിനും അടിയന്തര ജീവകാരുണ്യ പ്രവര്ത്തനങ്ങള് നടത്തുന്നതിനുമായുള്ള ജില്ലാ മിഷന്റെ തനത് പദ്ധതിയായ 'കൈത്താങ്ങി'ന്റെ ജില്ലാതല ഉദ്ഘാടനം ഒക്ടോബര് 16ന് തവനൂര് പഞ്ചായത്തില് സംഘടിപ്പിച്ച ചടങ്ങില് ജില്ലാ പഞ്ചായത്ത് പ്രസിഡന്റ് സി.പി. നസീറ നിര്വഹിച്ചിരുന്നു. പഞ്ചായത്തിലെ കാഴ്ച പരിമിതിയുള്ള ഒരു വിദ്യാര്ത്ഥിയുടെ ചികിത്സയുടെ ഭാഗമായി കാഴ്ച പരിമിതി മറികടക്കാനുള്ള പരിശീലനം നല്കുന്നതിന് ലാപ്‌ടോപ്പ് നല്കിക്കൊണ്ടായിരുന്നു ഉദ്ഘാടനം.
 
എല്ലാ സി.ഡി.എസുകളില് നിന്നും കുറഞ്ഞത് ഓരോ ലക്ഷം രൂപ വീതമെങ്കിലും കൂട്ടിച്ചേര്ത്ത് 1.11 കോടി രൂപയുടെ ഫണ്ട് പ്രാഥമികമായി സമാഹരിച്ച് പദ്ധതി നടപ്പാക്കാനാണ് കുടുംബശ്രീ ജില്ലാ മിഷന് ലക്ഷ്യമിട്ടിരിക്കുന്നത്. ആവശ്യക്കാര്ക്ക് സഹായം നൽകിയതിന് ശേഷം സി.ഡി.എസ് യോഗത്തിൽ അംഗീകാരം നേടിയാൽ മതിയാകും.
 
അയല്ക്കൂട്ടം, എ.ഡി.എസ്, സി.ഡി.എസ് തലങ്ങളില് ഒട്ടേറെ സാമൂഹ്യ ഇടപെടലുകളും സന്നദ്ധ, ജീവകാരുണ്യ പ്രവര്ത്തനങ്ങളും ഓരോ വര്ഷവും കുടുംബശ്രീ നടത്തിവരുന്നുണ്ട്. കുടുംബശ്രീ സി.ഡി.എസുകളുടെ നേതൃത്വത്തില് ഈ പ്രവര്ത്തനങ്ങള് ഏകീകൃതമാക്കുന്നതിനും വ്യവസ്ഥാപിതമാക്കുന്നതിനും കൈത്താങ്ങിലൂടെ ജില്ലാമിഷന് ലക്ഷ്യമിടുന്നു.
Content highlight
Kudumbashree Malappuram District Mission lends the arms of mercy through 'Kaithangu'

ദേശീയ സരസ്മേള – തീം സോങ്ങ് അയയ്ക്കാം, നവംബർ 15 വരെ

Posted on Tuesday, November 7, 2023

അടുത്തമാസം എറണാകുളത്ത് കുടുംബശ്രീയുടെ ആഭിമുഖ്യത്തിൽ സംഘടിപ്പിക്കുന്ന ദേശീയ സരസ് മേളയ്ക്ക്, സരസ്സ് തീം സോങ് രചനകൾ നവംബർ 15 വരെ അയക്കാം. ഇന്ത്യയിലെ വിവിധ സംസ്ഥാനങ്ങളിലെ ഗ്രാമീണ സംരംഭകർക്കായി ഒരുക്കുന്ന മേളയാണ് സരസ്മേള.

നിബന്ധനകൾ :
സംരംഭകത്വം, വിപണി, വൈവിദ്ധ്യങ്ങൾ, കല, സംസ്കാരം, സ്ത്രീ ശാക്തീകരണം, കൂട്ടായ്മ എന്നിവ പ്രതിഫലിക്കണം
ആർക്കും ആലപിക്കാനാവുന്നതും, 4 മിനിറ്റിൽ തീർക്കാനാവുന്നതും കാവ്യ – സംഗീത ഭംഗി തുളുമ്പുന്നതുമായിരിക്കണം.
രചനകൾ മാത്രമാണ് ആവശ്യം, സംഗീതം നിർവഹിക്കേണ്ടതില്ല.

വിലാസം
ജില്ലാമിഷൻ കോ-ഓർഡിനേറ്റർ, കുടുംബശ്രീ മിഷൻ, സിവിൽ സ്റ്റേഷൻ, രണ്ടാം നില, കാക്കനാട്, എറണാകുളം
പിൻ -682030
കവറിന് പുറത്ത് ‘സരസ്സ് തീം സോങ്’ എന്ന്‌ രേഖപ്പെടുത്തേണ്ടതാണ്.

കൂടുതൽ വിവരങ്ങൾക്ക് : 9987183338

Content highlight
National Saras Fair - Theme Song can be sent till 15 November 2023