കുടുംബശ്രീയുടെ നേതൃത്വത്തില്‍ കോഴിക്കോട് ജില്ലയില്‍ ഇതാദ്യമായി സംഘടിപ്പിക്കുന്ന ദേശീയ സരസ് മേളയുടെ സംഘാടകസമിതി രൂപീകരിച്ചു. ഏപ്രില്‍ അവസാനം കോഴിക്കോട് കടപ്പുറത്താണ് മേള സംഘടിപ്പിക്കുക. സംഘാടക സമിതിയുടെ രൂപീകരണ യോഗം ഫെബ്രുവരി 24ന്‌ കോഴിക്കോട് നളന്ദ ഓഡിറ്റോറിയത്തില്‍ പൊതുമരാമത്ത്, ടൂറിസം വകുപ്പ് മന്ത്രി അഡ്വ. പി.എ. മുഹമ്മദ് റിയാസ് ഉദ്ഘാടനം ചെയ്തു. 201 അംഗ എക്‌സിക്യൂട്ടീവ് കമ്മറ്റിയും 2001 അംഗ സംഘാടകസമിതിയുമാണ് രൂപീകരിച്ചത്.
ഇന്ത്യയിലെ വിവിധ സംസ്ഥാനങ്ങളിലെ ഗ്രാമീണ സംരംഭകര്‍ ഉത്പാദിപ്പിക്കുന്ന വൈവിധ്യമാര്‍ന്ന ഉത്പന്നങ്ങള്‍ ലഭിക്കുന്ന 250-ലധികം ഉത്പന്ന വിപണന സ്റ്റാളുകള്‍ മേളയോട് അനുബന്ധിച്ച് സജ്ജീകരിക്കും. ഇതര സംസ്ഥാനങ്ങളിലെ രുചിവൈവിധ്യം വിളമ്പുന്ന ഫുഡ്‌കോര്‍ട്ട്, കലാ - സാംസ്‌കാരിക രംഗത്തെ പ്രഗത്ഭര്‍ പങ്കെടുക്കുന്ന കലാപരിപാടികള്‍, വിവിധ വിഷയങ്ങളെ അധികരിച്ചുള്ള സെമിനാറുകള്‍ എന്നിവയും ദിവസേനയുണ്ടാകും.
സംഘാടക സമിതി രൂപീകരണ യോഗത്തില്‍ ഗ്രാമപഞ്ചായത്ത് അസോസിയേഷന്‍ പ്രസിഡന്റ് പി.ജി. ജോര്‍ജ്ജ് മാസ്റ്റര്‍ അധ്യക്ഷത വഹിച്ചു. കോര്‍പ്പറേഷന്‍ ഡെപ്യൂട്ടി മേയര്‍ സി.പി. മുസാഫര്‍ അഹമ്മദ്, കുടുംബശ്രീ ഗവേണിങ് ബോഡി എക്‌സിക്യൂട്ടീവ് അംഗവും മുന്‍ എം.എല്‍.എയുമായ കെ. കെ. ലതിക ജില്ലാമിഷന്‍ കോര്‍ഡിനേറ്റര്‍ പി.സി. കവിത എന്നിവര്‍ സംസാരിച്ചു. കുടുംബശ്രീ എക്‌സിക്യൂട്ടീവ് ഡയറക്ടര്‍ എച്ച്. ദിനേശന്‍ ഐ.എ.എസ് സ്വാഗതവും അഴിയൂര്‍ സി.ഡി.എസ് ചെയര്‍പേഴ്‌സണ്‍ ബിന്ദു ജയ്‌സണ്‍ നന്ദിയും പറഞ്ഞു.
രക്ഷാധികാരികള്‍ - എം.ബി. രാജേഷ് (തദ്ദേശ സ്വയംഭരണ, എക്‌സൈസ്, പാര്‍ലമെന്ററികാര്യ വകുപ്പുമന്ത്രി), എ.കെ. ശശീന്ദ്രന്‍ (വനം വന്യജീവി വകുപ്പുമന്ത്രി), ഡോ. ബീന ഫിലിപ്പ് (കോര്‍പ്പറേഷന്‍ മേയര്‍), എം. പിമാരായ എം.കെ. രാഘവന്‍, ഷാഫി പറമ്പില്‍, പ്രിയങ്കാ ഗാന്ധി, കുടുംബശ്രീ ഗവേണിംഗ് ബോഡി എക്‌സിക്യൂട്ടീവ് അംഗങ്ങളായ കെ.കെ. ലതിക, പി.കെ. സൈനബ.
ചെയര്‍മാന്‍ - അഡ്വ. പി.എ മുഹമ്മദ് റിയാസ് (പൊതുമരാമത്ത്, ടൂറിസം വകുപ്പ് മന്ത്രി)
വൈസ് ചെയര്‍മാന്‍മാര്‍ - എം. മെഹബൂബ്, അഡ്വ. കെ. പ്രവീണ്‍കുമാര്‍, കെ.കെ. ബാലന്‍, അഡ്വ. വി.കെ. സജീവന്‍, എം.എ. റസാഖ് മാസ്റ്റര്‍, മുക്കം മുഹമ്മദ്, ബഷീര്‍ പാണ്ടികശാല, ടി.എം. ജോസഫ്, ഗോപാലന്‍ മാസ്റ്റര്‍
ജനറല്‍ കണ്‍വീനര്‍- സ്‌നേഹില്‍കുമാര്‍ സിങ് ഐ.എ.എസ് (ജില്ലാ കളക്ടര്‍)
- 90 views
Content highlight
national saras mela at kozhikode