സുലേഖ സോഫ്റ്റ് വെയറില് പ്രോജക്ട് ഭേദഗതി ചെയ്യുന്നതിനും ഡി.പി.സി ക്ക് അയക്കുന്നതിനും ഉള്ള സൗകര്യം ലഭ്യമാണ്.
സുലേഖ സോഫ്റ്റ് വെയറില് പ്രോജക്ട് ഭേദഗതി ചെയ്യുന്നതിനും ഡി.പി.സി ക്ക് അയക്കുന്നതിനും ഉള്ള സൗകര്യം ലഭ്യമാണ്.
സുലേഖ സോഫ്റ്റ് വെയറില് പ്രോജക്ട് ഭേദഗതി ചെയ്യുന്നതിനും ഡി.പി.സി ക്ക് അയക്കുന്നതിനും ഉള്ള സൗകര്യം ലഭ്യമാണ്.
പ്രാദേശിക സര്ക്കാരുകള് ഫണ്ടുകള് മാറുന്നത് സംബന്ധിച്ചുള്ള മാർഗ്ഗരേഖകൾ ഭേദഗതി ചെയ്ത് ഉത്തരവാകുന്നു.
2018-19 വാർഷിക പദ്ധതി രേഖയ്ക്ക് അംഗീകാരം നേടുന്ന ആദ്യ ജില്ലാ പഞ്ചായത്ത് ആയി തിരുവനന്തപുരം . 152.42 കോടി രൂപ അടങ്കലുള്ള 536 പ്രോജക്ടുകൾക്ക് ഇന്ന് (17/03/2018) ചേർന്ന തിരുവനന്തപുരം ജില്ലാ ആസൂത്രണ സമിതി യോഗം അംഗീകാരം നൽകി. ഇതോടെ 39 തദ്ദേശസ്വയം ഭരണ സ്ഥാപനങ്ങളുടെ വാർഷിക പദ്ധതിയ്ക്ക് ജില്ലാ ആസൂത്രണ സമിതിയുടെ അംഗീകാരം ലഭിച്ചു.
ലൈഫ് മിഷന് പദ്ധതിയുടെ ഭാഗമായി ഗുണഭോക്തൃ പട്ടികയിലുള്പ്പെട്ട ഭൂമിയുള്ള ഭവന രഹിതര്ക്ക് ഭവന നിര്മ്മാണത്തിന് ധനസഹായം നല്കുന്നത് സംബന്ധിച്ച് മാര്ഗ്ഗരേഖ അംഗീകരിച്ച് ഉത്തരവായി
നവീകരിച്ച പഞ്ചായത്ത് ഡയറക്ടറേറ്റ് ഉത്ഘാടനം 16 മാര്ച്ച് 2018 രാവിലെ 10.30 മണിക്ക് മന്ത്രി ഡോ: കെ. ടി. ജലീല് നിര്വഹിക്കുന്നതാണ്.
തദ്ദേശ സ്വയംഭരണ വകുപ്പിന് കീഴിലുളള പഞ്ചായത്ത്, നഗരകാര്യം, ഗ്രാമവികസനം, നഗരഗ്രാമാസൂത്രണം, തദ്ദേശ സ്വയംഭരണ എന്ജിനീയറിംഗ് വിഭാഗം എന്നീ സര്വീസുകളെ ഏകോപിപ്പിച്ച് ഒരു പൊതു സര്വീസ് രൂപീകരിക്കുന്നതിന്റെ ഭാഗമായി തദ്ദേശ സ്വയംഭരണ വകുപ്പ് പ്രിന്സിപ്പല് ഡയറക്ടറേറ്റ് ഓഫീസ് 15ന് രാവിലെ 11ന് നന്തന്കോട് സ്വരാജ് ഭവനില് തദ്ദേശ സ്വയംഭരണ വകുപ്പ് മന്ത്രി ഡോ: കെ.ടി. ജലീല് ഉദ്ഘാടനം ചെയ്തു. അഡീഷണല് ചീഫ് സെക്രട്ടറി ടി.കെ. ജോസ് ഐ.എ.എസ്. അധ്യക്ഷത വഹിച്ചു. തദ്ദേശ സ്വയംഭരണ പ്രിന്സിപ്പല് ഡയറക്ടര് എ. അജിത് കുമാര് ഐ.എ.എസ്. മുഖ്യ പ്രഭാഷണം നടത്തി. യോഗത്തില് പഞ്ചായത്ത്, നഗരകാര്യം, ഗ്രാമവികസനം, നഗരാസൂത്രണം, തദ്ദേശ സ്വയംഭരണ എന്ജിനീയറിംഗ് വിഭാഗം വകുപ്പ് തലവന്മാരും ഉദ്യോഗസ്ഥരും പങ്കെടുത്തു.
തദ്ദേശ സ്വയം ഭരണ വകുപ്പ് പ്രിന്സിപ്പല് ഡയറക്ടറേറ്റ്
സ്വരാജ് ഭവന്, അഞ്ചാം നില,
നന്തന്കോട് , കവടിയാര് പി.ഒ,
തിരുവനന്തപുരം 695003
വെബ് സൈറ്റ് : principaldirectorate.lsgkerala.gov.in
ഒറ്റനോട്ടത്തില്
2018-19 വാർഷിക പദ്ധതി രേഖയ്ക്ക് അംഗീകാരം നേടുന്ന ആദ്യ ബ്ലോക്ക് പഞ്ചായത്ത് ആയി വെള്ളനാട്. 1127.14 ലക്ഷം രൂപ അടങ്കലുള്ള 91 പ്രോജക്ടുകൾക്ക് 06/03/2018 ല് ചേർന്ന തിരുവനന്തപുരം ജില്ലാ ആസൂത്രണ സമിതി യോഗം അംഗീകാരം നൽകി.
ഉഴമലയ്ക്കൽ ഗ്രാമ പഞ്ചായത്തിന്റെ 547.61 ലക്ഷം രൂപ അടങ്കലുള്ള 106 പ്രോജക്ടുകൾക്കും കിളിമാനൂർ ഗ്രാമ പഞ്ചായത്തിന്റെ 543.06 ലക്ഷം രൂപ അടങ്കലുള്ള 106 പ്രോജക്ടുകൾക്കും പൂവാർ ഗ്രാമ പഞ്ചായത്തിന്റെ 504.57 ലക്ഷം രൂപ അടങ്കലുള്ള 100 പ്രോജക്ടുകൾക്കും മുദാക്കൽ ഗ്രാമ പഞ്ചായത്തിന്റെ 879.47 ലക്ഷം രൂപ അടങ്കലുള്ള 118 പ്രോജക്ടുകൾക്കും യോഗം അംഗീകാരം നൽകി.
സംസ്ഥാനത്ത് കെട്ടിടനിര്മ്മാണചട്ടം ലംഘിച്ച് നിര്മ്മിച്ച കെട്ടിടങ്ങള് പിഴയടച്ച് ക്രമവത്ക്കരിക്കുന്നതിനുള്ള ഉത്തരവ് പുറത്തിറങ്ങി. മുനിസിപ്പാലിറ്റി/കോര്പ്പറേഷന് പരിധിയില് GO(P)11/2018/LSGD യായും ഗ്രാമപഞ്ചായത്ത് പരിധിയില് GO(P)12/2018/LSGD ആയുമാണ് സര്ക്കാര് ഉത്തരവായിട്ടുള്ളത്. രണ്ട് ഉത്തരവുകളും സര്ക്കാര് ഗസറ്റിലും തദ്ദേശ വകുപ്പിന്റെ വെബ് സൈറ്റിലും പ്രസിദ്ധീകരിച്ചിട്ടുണ്ട്. കെട്ടിട നിര്മ്മാണചട്ടം ലംഘിച്ച് 2017 ജൂലൈ 31 വരെ നിര്മ്മാണം പൂര്ത്തിയാക്കിയിട്ടുള്ള വീടുകള്ക്കും മറ്റു കെട്ടിടങ്ങള്ക്കുമാണ് ഈ ഉത്തരവ് വഴി പിഴയടച്ച് ക്രമീകരിക്കാനാകുന്നത്. വാണിജ്യ കെട്ടിടങ്ങളുടെ FAR, Coverage, Setback, Parking, Access എന്നിവ ഇതുമൂലം ക്രമവത്ക്കരിക്കാനാകും. കെട്ടിട ഉടമകള് 90 ദിവസത്തിനകം അപേക്ഷ ബന്ധപ്പെട്ട കോര്പ്പറേഷന്/മുനിസിപ്പാലിറ്റി/ഗ്രാമപഞ്ചായത്ത് എന്നിവയുടെ സെക്രട്ടറിക്കാണ് നല്കേണ്ടത്. അപേക്ഷയുടെ മാതൃക ഉത്തരവിനോടൊപ്പം ഡൗണ്ലോഡ് ചെയ്തെടുക്കാവുന്നതാണ്. മുനിസിപ്പാലിറ്റി/കോര്പ്പറേഷന് പരിധിയില് ജില്ലാ ടൗണ് പ്ലാനര്, റീജിയണല് ജോയിന്റ് ഡയറക്ടര്, ബന്ധപ്പെട്ട സെക്രട്ടറി എന്നിവരടങ്ങുന്ന ഒരു സമിതി ഇത് പരിശോധിച്ച് ലംഘനത്തിന്റെ തോത് കണക്കാക്കി ഉത്തരവ് പ്രകാരമുള്ള പിഴ നിശ്ചയിക്കും. നിശ്ചയിക്കപ്പെടുന്ന പിഴയുടെ 50% ട്രഷറിയിലും ബാക്കി 50% തദ്ദേശ സ്ഥാപനത്തിലുമാണ് അടയ്ക്കേണ്ടത്. നെല്വയല് സംരക്ഷണ നിയമം, പരിസ്ഥിതി നിയമങ്ങള്, കോസ്റ്റല് റഗുലേഷന് സോണ് നിയമങ്ങള്, ഫയര് & റസ്ക്യൂ നിയമങ്ങള് തുടങ്ങിയവ ഈ ചട്ടം വഴി ക്രമവത്ക്കരിക്കാന് കഴിയില്ല. അപേക്ഷകര് 90 ദിവസ ത്തിനകം ബന്ധപ്പെട്ട തദ്ദേശ സ്ഥാപനത്തില് അപേക്ഷ സമര്പ്പിക്കുവാന് പ്രത്യേകം ശ്രദ്ധിക്കേണ്ടതാണ്. ജില്ലാതല സമിതി ചുമത്തുന്ന പിഴയിലോ ഉത്തരവുകളിലോ സംതൃപ്തരല്ലായെങ്കില് നിയമാനുസൃത അപേക്ഷ വഴി അപേക്ഷകന് സര്ക്കാരില് അപ്പീല് നല്കാവുന്നതാണ്.
അധികാര വികേന്ദ്രീകരണ പ്രക്രിയയില് ജനങ്ങളുടെ പങ്കാളിത്തം കൂടുതല് ഉറപ്പുവരുത്തുന്നതിനായി പഞ്ചായത്ത് വകുപ്പ് ഐ.കെ.എം ന്റെ സാങ്കേതിക സഹായത്തോടെ തയ്യാറാക്കിയ ഗ്രാമസഭാ പോര്ട്ടല് പ്രവര്ത്തന സജ്ജമാക്കിയിട്ടുണ്ട്. ഗ്രാമസഭകളില് നേരിട്ട് ഹാജരാകുന്നതിന് സാധിക്കാത്ത പൊതുജനങ്ങള്ക്ക് തങ്ങളുടെ അഭിപ്രായങ്ങളും നിര്ദ്ദേശങ്ങളും ഓണ് ലൈനായി ഗ്രാമസഭകളില് എത്തിക്കുന്നതിനുള്ള സംവിധാനമാണ് ഗ്രാമസഭാ പോര്ട്ടല് വഴി പ്രധാനമായും ഉദ്ദേശിക്കുന്നത് .പൊതു ജനങ്ങള്, ജനപ്രതിനിധികള്, ഉദ്യോഗസ്ഥന് എന്നിവര്ക്ക് ഉപയോഗിക്കാന് കഴിയുന്ന വിധത്തിലാണ് സോഫ്റ്റ് വെയര് തയ്യാറാക്കിയിട്ടുള്ളത്.
പഞ്ചായത്ത് ഡയറക്ടറുടെ സര്ക്കുലര് നമ്പര് J8-30247/17 തീയതി 06.03.2018