53.13 കോടി രൂപ. കുടുംബശ്രീയും നഗരസഭകളും സംയുക്തമായി സംസ്ഥാനത്തെ നഗരപ്രദേശങ്ങളില്‍ നടപ്പാക്കുന്ന ദേശീയ നഗര ഉപജീവന ദൗത്യം പദ്ധതി വഴിയാണ് ഈ നേട്ടം. അയല്‍ക്കൂട്ടങ്ങള്‍ക്ക് 36.35 കോടിയും ഏരിയ ഡെവലപ്മെന്‍റ് സൊസൈറ്റികള്‍ക്ക് 16.78 കോടി രൂപയുമാണ് ഈയിനത്തില്‍ നല്‍കിയത്.
ഓരോ അയല്‍ക്കൂട്ടത്തിനും പതിനായിരം രൂപ വീതമാണ് റിവോള്‍വിങ്ങ് ഫണ്ട് ഇനത്തില്‍ നല്‍കിയത്. നഗരമേഖലയിലെ 36349 അയല്‍ക്കൂട്ടങ്ങള്‍ക്ക് ഇതിന്‍റെ പ്രയോജനം ലഭിച്ചു. അയല്‍ക്കൂട്ട പ്രവര്‍ത്തനങ്ങള്‍ മെച്ചപ്പെടുത്താനും പ്രവര്‍ത്തനക്ഷമല്ലാത്തവയെ പുനരുജ്ജീവിപ്പിക്കുന്നതിനുമാണ് തുക വിനിയോഗിക്കുക.
3356 കുടുംബശ്രീ എ.ഡി.എസുകള്‍ക്കും റിവോള്‍വിങ്ങ് ലഭ്യമായി. 16.78 കോടി രൂപയാണ് എ.ഡി.എസുകള്‍ക്ക് വിതരണം ചെയ്തത്. ഇരുവിഭാഗങ്ങളിലും കഴിഞ്ഞ ഒമ്പതു വര്‍ഷങ്ങളില്‍ വിതരണം ചെയ്ത തുകയാണിത്.
അസംഘടിതരായി കഴിയുന്ന നഗരദരിദ്രരെ കുടുംബശ്രീയുടെ കുടക്കീഴില്‍ കൊണ്ടുവരുന്നതിനും അവര്‍ക്ക് ജീവിത പുരോഗതി കൈവരിക്കുന്നതിനാവശ്യമായ തൊഴില്‍ നൈപുണ്യ വികസന പരിശീലനങ്ങളടക്കമുളള പിന്തുണകളുമാണ് പദ്ധതി വഴി ലഭ്യമാക്കുക. നഗരപ്രദേശങ്ങളിലെ വാര്‍ഷിക വരുമാനം ഒരു ലക്ഷമോ അതില്‍ താഴെയോ ഉള്ള കുടുംബങ്ങളെയാണ് ഗുണഭോക്താക്കളായി തിരഞ്ഞെടുക്കുന്നത്.
- 13 views