കുടുംബശ്രീ അയല്ക്കൂട്ടാംഗങ്ങള്ക്ക് വ്യക്തിഗത സംരംഭ വായ്പാ സേവനങ്ങള് എത്തിക്കുന്നതിനായി കുടുംബശ്രീയും സെന്ട്രല് ബാങ്ക് ഓഫ് ഇന്ത്യയും ധാരണയിലെത്തി. കുടുംബശ്രീ സംസ്ഥാന മിഷന് ഓഫീസില് 21ന് സംഘടിപ്പിച്ച ചടങ്ങില് കുടുംബശ്രീ എക്സിക്യൂട്ടീവ് ഡയറക്ടര് എച്ച്. ദിനേശന് ഐ.എ.എസും സെന്ട്രല് ബാങ്ക് ഓഫ് ഇന്ത്യ റീജിയണല് ഓഫീസ് മേധാവി അഭിജീത് കുമാര് ഝായും ധാരണാപത്രത്തില് ഒപ്പിട്ടു.
ഈ ധാരണപ്രകാരം സംരംഭ പ്രവര്ത്തനങ്ങളില് ഏര്പ്പെട്ടിട്ടുള്ള കുടുംബശ്രീ അയല്ക്കൂട്ട അംഗങ്ങള്ക്ക് അവരുടെ സംരംഭങ്ങള് വിപുലീകരിക്കാനുള്ള വായ്പകള് ‘സെന്റ് നാരീ ശക്തി ‘ എന്ന പേരിൽ സെന്ട്രല് ബാങ്ക് ഓഫ് ഇന്ത്യ മുഖേന ലഭ്യമാക്കും. ചടങ്ങില് കുടുംബശ്രീ പ്രോഗ്രാം ഓഫീസര് നവീന്.സി, സെന്ട്രല് ബാങ്ക് ഓഫ് ഇന്ത്യ ചെന്നൈ സോണല് ഓഫീസ് മേധാവി കെ. ധാരാസിങ് നായിക്, സെന്ട്രല് ബാങ്ക് ഓഫ് ഇന്ത്യ ചീഫ് മാനേജര് എ. ശ്രീക്കുട്ടന് എന്നിവര് പങ്കെടുത്തു.
- 4 views