ഏറ്റവും മികച്ച കോര്‍പ്പറേഷനുള്ള മഹാനഗരപാലിക അവാര്‍ഡ് തിരുവനന്തപുരം നഗരസഭയ്ക്ക്.
സംസ്ഥാന സര്‍ക്കാരിന്‍റെ 2016-17 സാമ്പത്തിക വര്‍ഷത്തെ ഏറ്റവും മികച്ച കോര്‍പ്പറേഷനുള്ള മഹാനഗരപാലിക അവാര്‍ഡ് തിരുവനന്തപുരം നഗരസഭയ്ക്ക് ലഭിച്ചു. വയനാട് സുല്‍ത്താന്‍ ബത്തേരിയില്‍ നടക്കുന്ന മുനിസിപ്പല്‍ ദിനാഘോഷ പരിപാടിയിലാണ് അവാര്‍ഡ് പ്രഖ്യാപനമുണ്ടായത്. മേയര്‍ അഡ്വ. വി.കെ.പ്രശാന്ത്, അഡീഷണല്‍ സെക്രട്ടറി കെ.ഹരികുമാര്‍ എന്നിവര്‍ ചേര്‍ന്ന് തദ്ദേശസ്വയംഭരണ വകുപ്പ് മന്ത്രി ശ്രീ. കെ.ടി.ജലീലില്‍ നിന്ന് അവാര്‍ഡ് ഏറ്റുവാങ്ങി. പദ്ധതി നിര്‍വ്വഹണം, ജനങ്ങള്‍ക്ക് നല്‍കുന്ന സേവനം, തനത് ഫണ്ട് ശേഖരണം, കേന്ദ്ര-സംസ്ഥാന ആവിഷ്കൃത പദ്ധതികളുടെ നിര്‍വ്വഹണം, അനിവാര്യ ചുമതലകളുടെ നിര്‍വ്വഹണം 20 ഓളം മാനദണ്ഡങ്ങള്‍ പരിഗണിച്ചാണ് അവാര്‍ഡ് നിര്‍ണ്ണയിക്കപ്പെട്ടത്. സ്മാര്‍ട്ട്സിറ്റി, ഖരമാലിന്യ സംസ്കരണം തുടങ്ങിയ പ്രവര്‍ത്തനങ്ങള്‍ അവാര്‍ഡ് ലഭിക്കുന്നതില്‍ നിര്‍ണ്ണായകമായി. മഹാനഗര പാലിക ട്രോഫിയും 25 ലക്ഷം രൂപയുമാണ് അവാര്‍ഡ്.
- 104 views