ഫീച്ചറുകള്‍

ഓണംവാരാഘോഷ സമാപന ഘോഷയാത്രയില്‍ ശ്രദ്ധ നേടി കുടുംബശ്രീയുടെ ഫ്ളോട്ടും. സ്ത്രീശാക്തീകരണത്തിന്‍റെ കരുത്ത് തെളിയിക്കുന്ന ഫ്ളോട്ടായിരുന്നു സമാപനഘോഷയാത്രയില്‍ കുടുംബശ്രീ ഒരുക്കിയത്. എറൈസ് മള്‍ട്ടി ടാസ്ക് സംഘത്തിന്‍റെയും വനിതാ കെട്ടിട നിര്‍മ്മാണ യൂണിറ്റിന്‍റെയും നേട്ടങ്ങള്‍ കാണികളിലേക്ക് എത്തിക്കുന്ന തരത്തിലായിരുന്നു ഈ നിശ്ചലദൃശ്യം. കെട്ടിട നിര്‍മ്മാണ സംഘങ്ങള്‍ക്കും എറൈസ് ടീമുനമായുള്ള പ്രത്യേകം പ്രത്യേകം യൂണിഫോമുകള്‍ അണഞ്ഞ വനിതകാളാണ് ഫ്ളോട്ടിലുണ്ടായിരുന്നത്.

  നിര്‍മ്മാണ മേഖലയിലെ പെണ്‍കരുത്തായി കുടുംബശ്രീ വനിതാ കെട്ടിട നിര്‍മ്മാണ യൂണിറ്റുകള്‍, ഇലക്ട്രിക്, പ്ലംബിങ് ജോലികള്‍ക്ക് കുടുംബശ്രീ മള്‍ട്ടി ടാസ്ക് ടീം എന്നതായിരുന്നു ഈ നിശ്ചലദൃശ്യത്തിന്‍റെ സന്ദേശം. 2018 ഓഗസ്റ്റില്‍  നേരിട്ട പ്രളയത്തിന് ശേഷം കേരളത്തിന്‍റെ തിരിച്ചുവരവിന് കുടുംബശ്രീ നടത്തുന്ന സാമൂഹ്യ ഇടപെടലുകളില്‍ കേന്ദ്രീകരിച്ചായിരുന്നു ഈ ഫ്ളോട്ട് ഒരുക്കിയത്. ആലപ്പുഴ ജില്ലയിലെ പരിശീലന സംഘമായ എക്സാഥാണ് നിശ്ചലദൃശ്യം അണിയിച്ചൊരുക്കിയത്. സമൂഹത്തിനോട് കുടുംബശ്രീ അയല്‍ക്കൂട്ട വനിതകള്‍ക്കുള്ള സ്നേഹവും കരുതലും ഉത്തരവാദിത്തവും വെളിവാക്കിയ ഈ ഫ്ളോട്ട് കാണികളുടെ മനസ്സില്‍ ഏറെ ആകാംക്ഷ നിറച്ചു.

  ഭാവിയില്‍ കെട്ടിട നിര്‍മ്മാണ മേഖലയില്‍ വിദഗ്ധരായ തൊഴിലാളികളുടെ അഭാവമുണ്ടാകുന്നത് മുന്‍കൂട്ടി കണ്ടാണ് കുടുംബശ്രീ കെട്ടിട നിര്‍മ്മാണ സംഘങ്ങളെന്ന ആശയത്തിന് രൂപം നല്‍കിയത്. ദരിദ്രര്‍ക്കും ഭവനരഹിതര്‍ക്കും വേണ്ടി സര്‍ക്കാര്‍ രൂപം നല്‍കിയിരിക്കുന്ന പല ഭവന നിര്‍മ്മാണ പദ്ധതികളിലും ഇവരുടെ സേവനം ഉപയോഗിക്കാനാകുമെന്ന കണക്കുകൂട്ടലും ഇതിന് പിന്നിലുണ്ടായി. വിവിധ ജില്ലകളിലായി നിര്‍മ്മാണ മേഖലയില്‍ കുടുംബശ്രീ വനിതകള്‍ക്ക് പരിശീലനം നല്‍കുകയും നിര്‍മ്മാണ സംഘങ്ങള്‍ രൂപീകരിക്കുകയും ചെയ്തു.

   2018ലെ പ്രളയത്തിന് ശേഷം ജീവനോപാധികള്‍ നഷ്ടമായവര്‍ക്ക് പുതിയ ഉപജീവന മാര്‍ഗ്ഗങ്ങള്‍ കണ്ടെത്തി നല്‍കാനുള്ള ചുമതല സര്‍ക്കാര്‍ കുടുംബശ്രീയെ ഏല്‍പ്പിച്ചിരുന്നു. ഇതിനായി രൂപം നല്‍കിയ പദ്ധതിയാണ് എറൈസ് (അരൂൗശൃശിഴ ഞലശെഹശലിരല മിറ കറലിശേ്യേ വേൃീൗഴവ ടൗമെേശിമയഹല ഋാുഹീ്യാലിേ)). പദ്ധതിയിലൂടെ ഇലക്ട്രിക്കല്‍ വര്‍ക്ക്, ഇലക്ട്രോണിക്സ് റിപ്പയറിങ്, പ്ലംബിങ് എന്നീ മേഖലകളില്‍ പരിശീലനം ലഭിച്ചവര്‍ ഉള്‍പ്പെടുന്ന മള്‍ട്ടി ടാസ്ക് ടീമുകള്‍ രൂപീകരിക്കുകയും ചെയ്തിരുന്നു. 2019ലെ പ്രളയക്കെടുതിയില്‍ നാശനഷ്ടം സംഭവിച്ച വീടുകള്‍, പൊതു ഇടങ്ങള്‍ എന്നിവയുടെ അറ്റകുറ്റപ്പണികള്‍ നടത്താനുള്ള ചുമതല എറൈസ് ടീമുകളെ ഏല്‍പ്പിക്കാമെന്ന് തദ്ദേശ സ്ഥാപനങ്ങള്‍ക്ക് സര്‍ക്കാര്‍ ഉത്തരവ് നല്‍കിയിരുന്നു.

ആലപ്പുഴയിലെ പുന്നമടക്കായലില്‍ നടന്ന നെഹ്റു ട്രോഫി വള്ളംകളിയില്‍ അഭിമാന നേട്ടം കൈവരിച്ച് കുടുംബശ്രീ വനിതകള്‍. നെഹ്റു ട്രോഫിയുടെ ചരിത്രത്തില്‍ ആദ്യമായാണ് കുടുംബശ്രീ വനിതകള്‍ മത്സരത്തില്‍ പങ്കെടുക്കുന്നത്. ഓഗസ്റ്റ് 31ന് നടന്ന മത്സരത്തില്‍ തെക്കനോടി വിഭാഗത്തിലെ രണ്ടാം സ്ഥാനവും കുടുംബശ്രീ ടീം തുഴഞ്ഞ കാട്ടില്‍ തെക്കേതില്‍ വള്ളം കരസ്ഥമാക്കി.

  കുടുംബശ്രീ നടത്തുന്ന സ്ത്രീ ശാക്തീകരണ പ്രവര്‍ത്തനങ്ങളുടെ ഭാഗമായാണ് വള്ളം കളിയില്‍ പങ്കെടുക്കണമെന്ന തീരുമാനം കൈക്കൊണ്ടത്.  കന്നി ശ്രമത്തില്‍ തന്നെ രണ്ടാം സ്ഥാനം നേടാന്‍ കുട്ടനാട്ടിലെ കുടുംബശ്രീ വീട്ടമ്മമാര്‍ക്ക് സാധിച്ചു!. കേരള പോലീസ് ടീമിനാണ് ഒന്നാം സ്ഥാനം. ദേവാസ് വള്ളം തുഴഞ്ഞ പുത്തൂരാന്‍ ബോട്ട് ക്ലബ്ബ് വനിതാ ടീം മൂന്നാം സ്ഥാനവും നേടി.

  വള്ളംകളിയില്‍ പങ്കെടുക്കണമെന്ന തീരുമാനം കുട്ടനാട്ടിലെ കുടുംബശ്രീ അംഗങ്ങളെ അറിയിച്ചപ്പോള്‍ മികച്ച പ്രതികരണമാണ് ലഭിച്ചത്. 84 പേരാണ് തുഴയെറിയാനുള്ള തെരഞ്ഞെടുപ്പില്‍ പങ്കാളികളാകാന്‍ മുന്നോട്ടുവന്നത്. രണ്ട് ദിവസം നീണ്ട തെരഞ്ഞെടുപ്പ് പ്രക്രിയയ്ക്ക് ശേഷം 36 പേരെ കുടുംബശ്രീയെ പ്രതിനിധീകരിക്കാന്‍ തെരഞ്ഞെടുത്തു. 35 വയസ്സ് മുതല്‍ 67 വയസ്സ് വരെ പ്രായുള്ളവര്‍ ടീമിലുണ്ടായിരുന്നു. ഇവര്‍ ജൂലൈ 25 മുതല്‍ എല്ലാ ദിവസം 5 മണിക്കൂര്‍ പരിശീലനത്തില്‍ ഏര്‍പ്പെട്ടു. ഓഗസ്റ്റ് 6,7 തിയതികളില്‍ നെഹ്റു ട്രോഫി വള്ളം കളി നടക്കുന്ന ട്രാക്കില്‍ തന്നെയും പരിശീലനം നല്‍കി. ആലപ്പുഴ ജില്ലാ മിഷന്‍ ജെന്‍ഡര്‍ വിഭാഗം പ്രോഗ്രാം മാനേജര്‍ പി. സുനിതയായിരുന്നു ടീം ക്യാപ്റ്റന്‍.

കാലവര്‍ഷക്കെടുതി നാടൊട്ടുക്കും ദുരിതം വിതയ്ക്കുമ്പോള്‍ നിസ്വാര്‍ത്ഥ സേവനത്തിന്റെ മാതൃക സൃഷ്ടിച്ച് മുന്നേറുകയാണ് കുടുംബശ്രീ. ദുരന്തബാധയുണ്ടായ അന്ന് മുതല്‍ സഹജീവികള്‍ക്കായി അക്ഷീണ പ്രവര്‍ത്തനങ്ങളാണ് അയല്‍ക്കൂട്ട വനിതകളും കുടുംബശ്രീ ഉദ്യോഗസ്ഥരുമടങ്ങുന്ന സംഘം ചെയ്തുവരുന്നത്. ദുരിതാശ്വാസ ക്യാമ്പുകളിലേക്ക് അവശ്യവസ്തുക്കളെത്തിച്ചും അവിടെ പ്രളയബാധിതര്‍ക്ക് കൗണ്‍സിലിങ് സേവനങ്ങള്‍ നല്‍കിയും കമ്മ്യൂണിറ്റി കിച്ചണുകള്‍ വഴി ഭക്ഷണം പാകം ചെയ്ത് നല്‍കിയും അവര്‍ ദുരിതാശ്വാസ പ്രവര്‍ത്തനങ്ങളില്‍ നിറഞ്ഞു നില്‍ക്കുന്നു. സ്വന്തം വീടുകളിലേക്ക് തിരികെയെത്തുന്നവര്‍ക്ക് ശുചീകരണ പ്രവര്‍ത്തനങ്ങളില്‍ സഹായ ഹസ്തമേകാനും കുടുംബശ്രീ മുന്‍പന്തിയിലാണ്.

കണ്ണൂര്‍
സിഡിഎസ് ചെയര്‍പേഴ്‌സണ്‍മാരുടെ നേതൃത്വത്തില്‍ മികച്ച ദുരിതാശ്വാസ പ്രവര്‍ത്തനങ്ങളാണ് ജില്ലയില്‍ നടന്നുവരുന്നത്. 13500 രൂപയുടെ ബെഡ്ഷീറ്റും തുണികളുമാണ് ചിറക്കല്‍ സിഡിഎസ് ദുരിതാശ്വാസ ക്യാമ്പുകളിലെത്തിച്ച് നല്‍കിയത്. ജില്ലയിലെ സ്‌നേഹിത കേന്ദ്രത്തിന്റെ നേതൃത്വത്തില്‍ ഭക്ഷ്യവസ്തുക്കളും മറ്റ് അവശ്യവസ്തുക്കളും ശേഖരിച്ച് ക്യാമ്പുകളില്‍ വിതരണം ചെയ്തു. അഞ്ചരക്കണ്ടി സിഡിഎസ് 13600 രൂപയുടെയും കോട്ടയം സിഡിഎസ് 15325 രൂപയുടെയും വസ്ത്രങ്ങളാണ് വാങ്ങി നല്‍കിയത്. 24219 രൂപ വിലമതിക്കുന്ന വസ്ത്രങ്ങളും ശുചീകരണ ഉപകരണങ്ങളുമാണ് കടമ്പൂര്‍ സിഡിഎസ് നല്‍കിയത്. ആന്തൂര്‍, ഇരിട്ടി എന്നിവിടങ്ങളില്‍ ശുചീകരണ പ്രവര്‍ത്തനങ്ങളും ആരംഭിച്ചു കഴിഞ്ഞു. സാന്ത്വനം വോളന്റിയര്‍മാരും സജീവമായി പ്രവര്‍ത്തിക്കുന്നു.  

കോഴിക്കോട്
ഓഗസ്റ്റ് 11 വരെയുള്ള കണക്കുകള്‍ അനുസരിച്ച് ജില്ലയില്‍ 318 ദുരിതാശ്വാസ ക്യാമ്പുകളിലായി 60000 പേരെയാണ് താമസിപ്പിച്ചിരിക്കുന്നത്. 284 ക്യാമ്പുകളിലെ കമ്മ്യൂണിറ്റി കിച്ചണുകളുടെ പ്രവര്‍ത്തനം ഏറ്റെടുത്തു കഴിഞ്ഞു. ഇത് വഴി 51360 പേര്‍ക്ക് ഭക്ഷണം നല്‍കി. 2725 കിലോഗ്രാം ഭക്ഷ്യവസ്തുക്കളും 360 കിലോഗ്രാം പച്ചക്കറിയും 6000 ജോടി തുണിത്തരങ്ങളും ബെഡ്ഷീറ്റുകളും ചവിട്ടിയും 1600 പാക്കറ്റ് സാനിറ്ററി നാപ്കിനും വിതരണം ചെയ്തു. 48 ക്യാമ്പുകളിലായി 10681 പേര്‍ക്ക് കമ്മ്യൂണിറ്റി കൗണ്‍സിലര്‍മാര്‍ സേവനം നല്‍കി. അയല്‍ക്കൂട്ട അംഗങ്ങളുടെ വീടുകളില്‍ 1747 കുടുംബങ്ങള്‍ക്ക് താമസമൊരുക്കി. 1079 ഇടങ്ങളില്‍ ശുചീകരണ പ്രവര്‍ത്തനങ്ങളും നല്‍കി. ജില്ലാ കളക്ടറുടെ നിര്‍ദ്ദേശ പ്രകാരം ശുചീകരണത്തിനായി ഓരോ സിഡിഎസില്‍ നിന്നും 200 പേരെ തെരഞ്ഞെടുത്തു.

മലപ്പുറം
കാലവര്‍ഷക്കെടുതി ഏറ്റവും കൂടുതല്‍ ബാധിച്ച ജില്ലകളിലൊന്നാണ് മലപ്പുറം. 204 ദുരിതാശ്വാസ ക്യാമ്പുകളാണുള്ളത്. കുടുംബശ്രീയുടെ 65 സിഡിഎസുകളിലും പ്രളയബാധയുണ്ടായി. ഓരോ സിഡിഎസിലും കുറഞ്ഞത് 9 ദുരിതാശ്വാസ ക്യാമ്പുകള്‍ വീതം പ്രവര്‍ത്തിക്കുന്നു. പരമാവധി ക്യാമ്പുകളില്‍ കമ്മ്യൂണിറ്റി കിച്ചണ്‍ പ്രവര്‍ത്തനം കുടുംബശ്രീ ഏറ്റെടുത്ത് നടപ്പിലാക്കി വരുന്നു. സ്‌നേഹിത സെന്ററില്‍ വെള്ളം കയറിയത് മൂലം പ്രവര്‍ത്തിക്കുന്നില്ല. എന്നാല്‍ ജെന്‍ഡര്‍ ടീം അംഗങ്ങളും റിസോഴ്‌സ് പേഴ്‌സണ്‍മാരുമെല്ലാം തങ്ങളാലാവും വിധമുള്ള സഹായങ്ങള്‍ നല്‍കുന്നു. ഉരുള്‍പ്പൊട്ടലുണ്ടായ കവളപ്പാറയിലടക്കമുള്ളിടങ്ങളില്‍ ശുചീകരണ പ്രവര്‍ത്തനങ്ങള്‍ നടത്തുന്നതിന് ജില്ലാ കളക്ടര്‍ ആവശ്യപ്പെട്ടതനുസരിച്ച് സന്നദ്ധ പ്രവര്‍ത്തകരെയും തെരഞ്ഞെടുത്തു കഴിഞ്ഞു.

പാലക്കാട്
ഓഗസ്റ്റ് 13 വരെയുള്ള കണക്കുകള്‍ അനുസരിച്ച് ജില്ലയില്‍ 81 ദുരിതാശ്വാസ ക്യാമ്പുകള്‍ പ്രവര്‍ത്തിക്കുന്നുണ്ട്. 3765 വനിതകളും 2843 പുരുഷന്മാരും ഈ ക്യാമ്പുകളിലുണ്ട്. 26 കമ്മ്യൂണിറ്റി കിച്ചണുകള്‍ ഇവിടെ കുടുംബശ്രീ ഏറ്റെടുത്ത് നടക്കുന്നു. ഇതുവഴി 3098 പേര്‍ക്ക് ആഹാരം നല്‍കി. 200 കിലോഗ്രാം ഭക്ഷ്യവസ്തുക്കള്‍ കുടുംബശ്രീ മുഖേന എത്തിച്ചു നല്‍കി. 570 ജോടി വസ്ത്രങ്ങളും 155 പാക്കറ്റ് സാനിട്ടറി നാപ്കിനുകളും വിതരണം ചെയ്തു. 925 പേര്‍ക്ക് കമ്മ്യൂണിറ്റി കൗണ്‍സിലര്‍മാര്‍ വഴി കൗണ്‍സിലിങ് സേവനങ്ങളും നല്‍കി. സാന്ത്വനം വോളന്റിയര്‍മാര്‍ മുഖേന 1253 പേരുടെ ആരോഗ്യ പരിശോധനയും അനുബന്ധ സേവനങ്ങളും നല്‍കി. അയല്‍ക്കൂട്ട അംഗങ്ങളുടെ വീടുകളില്‍ 35 കുടുംബങ്ങള്‍ക്ക് താത്ക്കാലിക താമസവും ജില്ലയില്‍ ഒരുക്കി നല്‍കി. 1457 കുടുംബശ്രീ സന്നദ്ധ പ്രവര്‍ത്തകര്‍ ജില്ലയിലാകെ പ്രവര്‍ത്തിക്കുന്നു. ഇതുവരെ 916 വീടുകളും 18 പൊതു നിരത്തുകളും വൃത്തിയാക്കി കഴിഞ്ഞു. അട്ടപ്പാടിയിലെ ദുരിതാശ്വാസ പ്രവര്‍ത്തനങ്ങള്‍ 13 ടീമുകളാണ് ഏകോപിപ്പിക്കുന്നത്.

എറണാകുളം
ഓഗസ്റ്റ് 12 വരെയുള്ള കണക്കുകള്‍ അനുസരിച്ച് 69 ദുരിതാശ്വാസ ക്യാമ്പുകളാണ് ജില്ലയില്‍ പ്രവര്‍ത്തിക്കുന്നത്. 4673 സ്ത്രീകളും 4245 പുരുഷന്മാരും ക്യാമ്പുകളിലുണ്ട്. 25 കമ്മ്യൂണിറ്റി കിച്ചണുകള്‍ കുടുംബശ്രീ പ്രവര്‍ത്തിക്കുന്നു, ഇതുവഴി 6393 പേര്‍ക്ക് ആഹാരവും നല്‍കി വരുന്നു. കമ്മ്യൂണിറ്റി കൗണ്‍സിലര്‍മാര്‍ വഴി 283 പേര്‍ക്ക് കൗണ്‍സിലിങ് സേവനങ്ങളും സാന്ത്വനം വോളന്റിയര്‍മാര്‍ വഴി 152 പേര്‍ക്ക് അനുബന്ധ സേവനങ്ങളും നല്‍കി. 20 കുടുംബങ്ങള്‍ക്ക് അയല്‍ക്കൂട്ട അംഗങ്ങളുടെ വീടുകളില്‍ താമസ സൗകര്യം ഒരുക്കി നല്‍കി. 206 സന്നദ്ധ സേവകര്‍ സജീവമായി ദുരിതാശ്വാസ പ്രവര്‍ത്തനങ്ങളില്‍ പങ്കെടുത്തു.

ആലപ്പുഴ
ഓഗസ്റ്റ് 12 വരെയുള്ള കണക്കുകള്‍ അനുസരിച്ച് 40 ദുരിതാശ്വാസ ക്യാമ്പുകള്‍ തുറന്ന് പ്രവര്‍ത്തിക്കുന്നു. 3025 സ്ത്രീകളും 2589 പുരുഷന്മാരുമുണ്ട്. 30 കമ്മ്യൂണിറ്റി കിച്ചണുകളുടെ പ്രവര്‍ത്തനം കുടുംബശ്രീയാണ് നടത്തുന്നത്. 4000 പേര്‍ക്ക് ഭക്ഷണവും നല്‍കുന്നു. 775 പേര്‍ക്ക് കൗണ്‍സിലിങ് സേവനങ്ങളും സാന്ത്വനം വോളന്റിയര്‍മാര്‍ വഴി 100 പേര്‍ക്ക് സേവനങ്ങളും നല്‍കി.

കേരള പോലീസിന്റെ പാരാമിലിട്ടറി വിഭാഗമായ മലബാര്‍ സ്‌പെഷ്യല്‍ പോലീസ് വിഭാഗത്തിലെ ഓഫീസര്‍മാര്‍ക്കായി മലപ്പുറം ജില്ലാ മിഷന്‍ ജെന്‍ഡര്‍ സെന്‍സിറ്റൈസേഷന്‍ പരിപാടി സംഘടിപ്പിച്ചു. ലിംഗപദവി സ്വയം പഠന പ്രക്രിയയുടെ ഭാഗമായാണ് ജൂണ്‍ 18നും 26നും കുടുംബശ്രീ ടീം ക്ലാസ്സുകള്‍ സംഘടിപ്പിച്ചത്. 102 ഓഫീസര്‍മാര്‍ പങ്കെടുത്തു. കുടുംബശ്രീ സംസ്ഥാന ജെന്‍ഡര്‍ പൂളില്‍ ഉള്‍പ്പെട്ട സാവിത്രി, രേഷ്മ, ഫെബിന എന്നിവര്‍ ക്ലാസ്സുകള്‍ നയിച്ചു.

  പോലീസ് ഓഫീസര്‍മാരെ നാല് സംഘങ്ങളായി തിരിക്കുകയും ചര്‍ച്ചകള്‍ നടത്തുകയും ചെയ്തു. സെക്‌സ്, ജെന്‍ഡര്‍ എന്നിവ എന്താണെന്നുള്ള അവബോധവും നല്‍കി. ലൈംഗിക ആകര്‍ഷണത്വം, സാമൂഹ്യവത്ക്കരണം, ലൈംഗിക സ്വത്വം, പുരുഷ മേല്‍ക്കോയ്മ തുടങ്ങിയ വിഷയങ്ങളില്‍ ഓഫീസര്‍മാര്‍ക്ക് വിശദമായ പരിശീലനങ്ങളും നല്‍കി.

  ട്രാന്‍സ്‌ജെന്‍ഡര്‍ എന്ന വിഷയത്തിലും പ്രത്യേക ക്ലാസ്സുകള്‍ നല്‍കിയതിനൊപ്പം വനിതാ സംവരണത്തെക്കുറിച്ച് പ്രത്യേക സംഘസംവാദവും നടത്തി. ഈ ജെന്‍ഡര്‍ സെന്‍സിറ്റൈസേഷന്‍ പരിശീലനം തങ്ങളുടെ കണ്ണ് തുറപ്പിച്ചെന്ന അഭിപ്രായമാണ് പല ഓഫീസര്‍മാരും രേഖപ്പെടുത്തിയത്. സ്‌നേഹിത ജെന്‍ഡര്‍ ഹെല്‍പ്പ് ഡെസ്‌ക്കിന്റെ സേവനങ്ങളെക്കുറിച്ചുള്ള ധാരണയും പോലീസ് ഓഫീസര്‍മാര്‍ക്ക് നല്‍കി.

പട്ടികജാതി വികസന വകുപ്പിന്റെ കീഴില്‍ കണ്ണൂര്‍ ജില്ലയിലുള്ള പ്രീമെട്രിക് ഹോസ്റ്റലുകളില്‍ സ്‌നേഹിത കൗണ്‍സിലിങ് സെന്ററുകള്‍ ആരംഭിച്ചു. സുഹൃത്ത് എന്ന അര്‍ത്ഥം വരുന്ന സഖേയ എന്ന പേരിലാണ് ഹോസ്റ്റലുകളില്‍ താമസിക്കുന്ന കുട്ടികള്‍ക്ക് കൗണ്‍സിലിങ് സേവനങ്ങള്‍ നല്‍കുന്നതിനായുള്ള ഈ പദ്ധതി അവതരിപ്പിച്ചിരിക്കുന്നത്. പദ്ധതിയുടെ ഔദ്യോഗിക ഉദ്ഘാടനം ജൂലൈ ആറിന് തളിപ്പറമ്പയിലെ ഗവണ്‍മെന്റ് പ്രീമെട്രിക് ഹോസ്റ്റലില്‍ നടന്നു.

  മാസത്തില്‍ രണ്ട് തവണ വീതം കൗണ്‍സിലിങ് നല്‍കുന്നതിനായി സ്‌നേഹിത പ്രവര്‍ത്തകര്‍ ഹോസ്റ്റലുകളില്‍ എത്തും. ശരിയായ വഴി തെരഞ്ഞെടുത്ത് കുട്ടികളെ ജീവിതത്തില്‍ വിജയം കൈവരിക്കാന്‍ സഹായിക്കുകയാണ് കൗണ്‍സിലിങ് സേവനങ്ങള്‍ നല്‍കുന്നത് കൊണ്ട് ലക്ഷ്യമിട്ടിരിക്കുന്നത്. തലമുറകളില്‍ നിന്ന് തലമുറകളിലേക്ക് ദാരിദ്ര്യം കൈമാറുന്നത് തടയുക ലക്ഷ്യമിട്ടുള്ള കുടുംബശ്രീ പദ്ധതിയായ ബാലസഭകള്‍ ഹോസ്റ്റലുകള്‍ കേന്ദ്രീകരിച്ച് ആരംഭിക്കാനും പദ്ധതിയുണ്ട്. കുട്ടികളില്‍ അന്തര്‍ലീനമായ കഴിവുകള്‍ കണ്ടെത്തി അത് വികസിപ്പിക്കാനും ഇതുവഴി കഴിയും. കൗണ്‍സിലിങ് നല്‍കുന്നതിനൊപ്പം വ്യക്തിത്വ വികസന പരിശീലനവും നല്‍കും. ഇതാദ്യമായാണ് കുടുംബശ്രീ ഇത്തരത്തിലൊരു പദ്ധതി അവതരിപ്പിക്കുന്നത്.

 സ്ത്രീകളും കുട്ടികളും നേരിടുന്ന പ്രശ്‌നങ്ങള്‍ക്ക് പരിഹാരം കാണുന്നതിനായി 18004250717 എന്ന ടോള്‍ ഫ്രീ നമ്പരില്‍ സ്‌നേഹിത ജെന്‍ഡര്‍ ഹെല്‍പ്പ് ഡെസ്‌ക്കിന്റെ സേവനങ്ങള്‍ തേടാനാകും.

The construction of the 85 houses being built using Ramoji Fim City's CSR Fund is approaching completion in Alappuzha District. Out of the proposed 116 houses, 42 houses were included in the first phase and 43 houses in the second phase. The 75 % construction works of the houses are almost completed and the rest of the construction works would be completed by 15 August 2019. Out of these more than 10 houses are ready to occupy. The construction of the houses in the third phase would be started by 16 July 2019. The houses are built in Ambalappuzha, Aryad, Bharanikkavu, Chambakkulam, Haripad, Kanjikuzhi, Mavelikkara, Muthukulam, Pattanakkad, Chengannur, Thaikkattusserry and Veliyanad blocks of Alappuzha district. Nirmashree', a labour contracting society, formed by Kudumbashree Mission joining 55 Kudumbashree women construction groups which has more than 250 members is undertaking the construction of the 116 houses being built in the district.

Kudumbashree had received Ramoji Film City's CSR fund for constructing 116 houses in Alappuzha. Ramoji film city, the world’s largest integrated film city and India's only thematic holiday destination had offered Rs 7 crores for building houses for the people in the flood hit areas of Alappuzha. It is as per the request of Shri. Pinarayi Vijayan, Chief Minister, Government of Kerala that Ramoji Film City came forward with the CSR fund for constructing the houses in Alappuzha. As per the agreement, a total of 116 houses are being constructed in the district. Construction of each house would cost around Rs 6 lakhs. The agreement regarding the same was signed at the function held at Camelot Convention Centre, Pathirappally, Alappuzha on 1 March 2019 in the presence of Shri. A.C Moideen, Minister for Local Self Governments, Government of Kerala and Dr T.M Thomas Issac, Minister of Finance and Coir, Government of Kerala. Shri. Krishna Teja IAS, Sub Collector, Alappuzha is in charge of monitoring the status of the construction of the houses. Kudumbashree Mission had identified the beneficiaries and forwarded the list to the CSR committee of Ramoji Film City. The project is being implemented in three phases.

Minnaminni and Kunjatta, two Joint Liability Groups under Anugraha Neighbourhood Group in Kavalangad Panchayath of Ernakulam district of Kerala used to cultivate paddy on regular basis. The paddy so cultivated was used to be sold to Supplyco (Kerala State Civil Supplies Corporation), which serves by assuring the much needed food security in a substantive style by supplying life's essentials and reaching out to the rural-poor and the urban-rich alike. It is as part of this year’s Samrudhi Campaign that Kudumbashree Ernakulam District Mission and Kavalangad CDS gave the Joint Liability Groups, the idea of value addition. In order to increase their income, they were encouraged to convert paddy into rice with the brand name of Kudumbashree Mission as a solid support.

This year cultivation was done in 8 acres of land and it produced an yield of around 30 quintal of paddy out of which 4 quintal was used for conversion to rice on commercial basis under the name Kudumbini. Necessary professional support and guidance was provided by Kudumbashree District Mission and Kavalangad CDS.  Kudumbini rice was officially launched by Shri. Antony John, MLA on 7 October 2019. The group plans to take the venture to higher levels in the days to come so that more people will get maximum profit out of paddy cultivation. 

അഗതി കുടുംബങ്ങളുടെ പുനരധിവാസത്തില്‍ സമൂഹത്തിന് അനിവാര്യമായ പങ്കുവഹിക്കാനുണ്ടെന്ന യാഥാര്‍ത്ഥ്യം മനസ്സിലാക്കി കുടുംബശ്രീ എറണാകുളം ജില്ലാ മിഷന്‍ തദ്ദേശ സ്വയംഭരണ സ്ഥാപനങ്ങളുടെ സഹകരണത്തോടെ നടപ്പിലാക്കുന്ന പദ്ധതിയാണ് ഒപ്പം. സര്‍ക്കാരിന്റെ അഗതിരഹിത കേരളം പദ്ധതി നടപ്പിലാക്കുന്നതിന്റെ ഭാഗമായി മൊബൈല്‍ ആപ്ലിക്കേഷന്‍ വഴി നടത്തിയ സര്‍വ്വേയിലൂടെ ജില്ലയില്‍ 17569 അഗതി കുടുംബങ്ങളെ കുടുംബശ്രീ കണ്ടെത്തിയിരുന്നു. ഭക്ഷണം, മരുന്ന്, വൃത്തിയുള്ള ശൗചാലയം വീടുകളുടെ അടിയന്തരമായി അറ്റകുറ്റപ്പണികള്‍, വൈദ്യുതീകരണം എന്നിങ്ങനെ ഈ കുടുംബങ്ങള്‍ക്ക് അവശ്യം നല്‍കേണ്ട പിന്തുണാസഹായങ്ങള്‍ നിരവധിയുണ്ടെന്നും കണ്ടെത്തിയിരുന്നു. ഇതില്‍ ഭക്ഷണവും മരുന്നും തദ്ദേശ സ്വയംഭരണ സ്ഥാപനങ്ങള്‍ക്ക് പദ്ധതിയുടെ ഭാഗമായി കുടുംബശ്രീ മിഷന്‍ വഴി നല്‍കിയ ചലഞ്ച് ഫണ്ട് ഉപയോഗിച്ചാണ് വാങ്ങി നല്‍കുക. മറ്റ് ആവശ്യങ്ങള്‍ക്കുള്ള തുക കണ്ടെത്തി അത് നിറവേറ്റേണ്ട ചുമതല തദ്ദേശ സ്വയംഭരണ സ്ഥാപനങ്ങള്‍ക്കും. എന്നാല്‍ ഫണ്ടിന്റെ അഭാവം മൂലം പല കുടുംബങ്ങള്‍ക്കും വൃത്തിയുള്ള ശൗചാലയം അടക്കമുള്ള ഇത്തരത്തിലുള്ള ആവശ്യങ്ങള്‍ നിറവേറ്റി നല്‍കാന്‍ കഴിയാത്ത അവസ്ഥ കണ്ടറിഞ്ഞതോടെയാണ് എറണാകുളം ജില്ലാ മിഷന്‍ ഒപ്പം എന്ന പദ്ധതി അവതരിപ്പിച്ചത്.

 
  ജില്ലയില്‍ ആകെയുള്ള 101 സിഡിഎസുകള്‍ അയല്‍ക്കൂട്ട അംഗങ്ങളില്‍ നിന്ന് കുറഞ്ഞത് പത്ത് രൂപ വീതം ശേഖരിച്ച് പദ്ധതിക്ക് വേണ്ടിയുള്ള തുക കണ്ടെത്തി. ഇതുവരെ 28.50 ലക്ഷം രൂപയാണ് ഇത്തരത്തില്‍ ശേഖരിച്ചിരിക്കുന്നത്. തങ്ങളുടെ പ്രദേശത്ത് നിന്ന് പദ്ധതിയില്‍ ഉള്‍പ്പെടുത്തി സേവനം അവശ്യമായി നല്‍കേണ്ട അഗതി കുടുംബത്തെ  ഓരോ സിഡിഎസും തെരഞ്ഞെടുക്കുകയും ചെയ്തു. ഇതുവരെ ഇത്തരത്തില്‍ 104 അഗതികുടുംബങ്ങളെയാണ് തെരഞ്ഞെടുത്തിരിക്കുന്നത്. ചില സിഡിഎസുകള്‍ ഒപ്പം പദ്ധതി പ്രകാരമുള്ള സേവനങ്ങള്‍ അഗതി കുടുംബങ്ങള്‍ക്ക് നല്‍കി കഴിഞ്ഞു. ഇതുവഴി അഗതിരഹിത കേരളം പദ്ധതിയില്‍ ജില്ലയിലെ പൊതുസമൂഹത്തിന്റെ പങ്കാളിത്തം വര്‍ദ്ധിപ്പിക്കാനും കഴിയുന്നു. അഗതിരഹിത കേരളം പദ്ധതിയുടെ ഭാഗമായി നല്‍കേണ്ട സേവനങ്ങള്‍ ഈ ഒരു വര്‍ഷത്തിനുള്ളില്‍ തന്നെ നല്‍കുകയാണ് കുടുംബശ്രീ ലക്ഷ്യമിട്ടിരിക്കുന്നത്.

  കുടുംബശ്രീയുടെ നിര്‍മ്മാണ സംഘങ്ങളുമായുള്ള സംയോജനവും ഒപ്പത്തിന്റെ ഭാഗമായി സാധ്യമായി. മഞ്ഞപ്ര, മലയാറ്റൂര്‍, പൂത്രിക്ക, കവളങ്ങാട് സിഡിഎസുകളില്‍ വീടുകളുടെ അറ്റകുറ്റപ്പണികള്‍ ചെയ്യുന്നത് കുടുംബശ്രീ നിര്‍മ്മാണ സംഘങ്ങളാണ്.

എറണാകുളം ജില്ലയിലെ ചെല്ലാനം ഗ്രാമപഞ്ചായത്തില്‍ സ്ഥിതി ചെയ്യുന്ന ബഡ്‌സ് സ്‌കൂളിലെ കുട്ടികള്‍ ഇപ്പോള്‍ ഏറെ സന്തുഷ്ടരാണ്. ഇഷ്ട കാര്‍ട്ടൂണ്‍ കഥാപാത്രങ്ങളുടെയും പ്രകൃതി ദൃശ്യങ്ങളുടെയും ചിത്രങ്ങള്‍ നിറഞ്ഞ ചുമരുകളും അടുക്കും ചിട്ടയുമുള്ള വൃത്തിയേറിയ മുറികളുമെല്ലാമുള്ള നല്ലൊരു കെട്ടിടത്തിലേക്ക് സ്‌കൂളിന്റെ പ്രവര്‍ത്തനം മാറിയതാണ് അവരെ സന്തോഷിപ്പിക്കുന്നത്. തീരദേശ ജനവാസ മേഖലയിലയിലുള്ള കെട്ടിടത്തിലായിരുന്നു സ്‌കൂള്‍ അതുവരെ പ്രവര്‍ത്തിച്ചിരുന്നത്. അവിടെ പുതിയൊരു കെട്ടിടം പണിയാന്‍ അതിനാല്‍ തന്നെ തടസ്സങ്ങളും ഏറെയായിരുന്നു. സ്‌കൂളിന്റെ ദുരിതസ്ഥിതിയെക്കുറിച്ച് നിരവധി തവണ പരാതികള്‍ ഉയര്‍ന്നുവന്നെങ്കിലും ഈ ഒരു നിയമ പ്രശ്‌നം മൂലം അതിനൊരു പരിഹാരം കാണാന്‍ കഴിയാതെയും വന്നു.

  ഇതിനിടയിലാണ് സ്‌കൂളിന്റെ പ്രവര്‍ത്തനം മറ്റൊരു പുതിയ വാടക കെട്ടിടത്തിലേക്ക് മാറ്റുന്നത്. കുടുംബശ്രീ ഏറണാകുളം ജില്ലാമിഷനില്‍ സാമൂഹ്യ വികസന വിഭാഗത്തിന്റെയും ദീന്‍ ദയാല്‍ ഉപാധ്യായ ഗ്രാമീണ കൗശല്യ (ഡിഡിയുജികെവൈ) എന്ന നൈപുണ്യ പരിശീലന പദ്ധതിയുടെയും ചുമതല വഹിക്കുന്ന ബ്ലോക്ക് കോര്‍ഡിനേറ്ററായ ഡാനി വര്‍ഗീസ് സംയോജന ആശയത്തെക്കുറിച്ച് ആലോചിക്കുകയും അത് പ്രാവര്‍ത്തികമാക്കുകയും ചെയ്തതോടെ കുട്ടികളുടെ സന്തോഷം ഇരട്ടിയായി. വാടക കെട്ടിടം മോടിപിടിപ്പിക്കുന്നതിനായി ഡിഡിയുജികെവൈ പ്രൊജക്ട് ഇംപ്ലിമെന്റിങ് ഏജന്‍സികളിലൊന്നായ പാലാരിവട്ടത്തെ കൈറ്റ്‌സ് സോഫ്ട്‌വെയേഴ്‌സിന്റെ സഹായം തേടുകയായിരുന്നു ഡാനി. ഇവിടെ അനിമേഷന്‍ കോഴ്‌സ് പഠിക്കുന്ന അബ്ദുള്‍ ജുബാബ്, അരുണ്‍, നാരായണന്‍ കുട്ടി, ലിനു ഫിലിപ്പ്, ഫ്രാന്‍സിസ്, സിജോയ്, മുഹമ്മദ് ഷിനാസ്, കെ.എ. അല്‍ദുബ് എന്നിവര്‍ ചേര്‍ന്ന് ഈ കെട്ടിടത്തിന്റെ ചുവരുകള്‍ ചിത്രങ്ങളാല്‍ അതിമനോഹരമാക്കി, അതും വെറും രണ്ട് ദിവസങ്ങള്‍ കൊണ്ട്. ഇതിനാവശ്യമായ പെയിന്റും ബ്രഷും പോലുള്ള അവശ്യവസ്തുക്കള്‍ അടുത്തുള്ള കടകളില്‍ നിന്ന് സ്‌പോണ്‍സര്‍ഷിപ്പിലൂടെയും കണ്ടെത്തി. അങ്ങനെ രണ്ട് പദ്ധതികളുടെ ഫലപ്രദമായ സംയോജനത്തിന് പുതിയൊരു മാതൃക രചിക്കാനും ചെല്ലാനം ബഡ്‌സ് സ്‌കൂള്‍ - കൈറ്റ്‌സ് സംയോജനത്തിന് കഴിഞ്ഞു.