ന്യൂഡല്‍ഹിലെ പ്രഗതി മൈതാനിയില്‍ നവംബര്‍ 14 മുതല്‍ 27 വരെ സംഘടിപ്പിച്ച ഇന്ത്യ ഇന്റര്‍നാഷണല്‍ ട്രേഡ് ഫെയറില്‍ (ഐ.ഐ.ടി.എഫ്) കുടുംബശ്രീ സംരംഭകര്‍ നേടിയത് 58,65,862 രൂപയുടെ വിറ്റുവരവ്!.
ഇന്ത്യ ട്രേഡ് പ്രൊമോഷന്‍ ഓര്‍ഗനൈസേഷന്റെയും കേന്ദ്ര ഗ്രാമവികസന മന്ത്രാലയത്തിന്റെയും ആഭിമുഖ്യത്തില്‍ സംഘടിപ്പിച്ച മേളയുടെ കൊമേഴ്‌സ്യല്‍ സ്റ്റാളിലെ രണ്ട് സ്റ്റാളുകള്‍ വഴി കുടുംബശ്രീ സംരംഭകരുടെ 4,42,901 രൂപയുടെ ഉത്പന്നങ്ങള്‍ വിപണനം ചെയ്തു. കൂടാതെ ഫുഡ് കോര്‍ട്ടില്‍ നിന്ന് കുടുംബശ്രീ യൂണിറ്റുകള്‍ക്ക് 10,01,795 രൂപയുടെ വിറ്റുവരവുമുണ്ടായി.
ഐ.ഐ.ടി.എഫിന്റെ ഭാഗമായി ദേശീയ ഗ്രാമീണ ഉപജീവന ദൗത്യം സരസ് മേളയുടെ സംഘടിപ്പിച്ചിരുന്നു. കുടുംബശ്രീ സംരംഭകരുടെ ആറ് സ്റ്റാളുകളാണ് സരസ് മേളയിലുണ്ടായിരുന്നത്. സരസ് മേളയില്‍ നിന്ന് 44,21,166 രൂപയുടെ വിറ്റുവരവും നേടാനായി. കുടുംബശ്രീ സംരംഭകരില്‍ നിന്ന് വിവിധ ഉത്പന്നങ്ങള്‍ വാങ്ങി ഞങ്ങളുടെ പങ്കാളിത്തം വിജയകരമാക്കിത്തീര്‍ത്ത ഏവര്‍ക്കും നന്ദി..
- 14 views