നഗരസഭകളിലെ കെട്ടിട നിർമാണ പെർമിറ്റ് അദാലത്ത് റിപ്പോര്ട്ട്
Building Permit Adalat Report of Urban LBs 2019
department_news
സംസ്ഥാന ദുരന്തനിവാരണ അതോറിറ്റി പ്രത്യുത്ഥാനം പദ്ധതി –.മാര്ഗ നിര്ദ്ദേശങ്ങള്
സംസ്ഥാന ദുരന്തനിവാരണ അതോറിറ്റി പ്രത്യുത്ഥാനം പദ്ധതി –ഗുണഭോക്തക്കളെ തിരഞ്ഞെടുക്കുന്നതിനുള്ള മാര്ഗ നിര്ദ്ദേശങ്ങള്
Content highlight
കണ്ണൂര് ജില്ലയിലെ ബ്ലോക്ക് പഞ്ചായത്തുകളില് ഫയല് സംവിധാനം കാര്യക്ഷമമാക്കുന്നതിനായി സൂചിക സോഫ്റ്റ് വെയര്
തദ്ദേശ സ്വയംഭരണ സ്ഥാപനങ്ങളിലെ ഫയല് സംവിധാനം കാര്യക്ഷമമാക്കുന്നതിനു വേണ്ടിയുള്ള ഐ കെ എം ന്റെ സൂചിക സോഫ്റ്റ് വെയര് ബ്ലോക്ക് പഞ്ചായത്തുകളില് സമ്പൂര്ണമായും നടപ്പിലാക്കുന്നതിന്റെ ജില്ലാ തല ഉദ്ഘാടനം ജൂലൈ 6നു രാവിലെ കണ്ണൂര് ജില്ലയിലെ പാനൂര് ബ്ലോക്ക് പഞ്ചായത്ത് ഹാളില് വച്ച് ബഹു.അഡീഷണല് ഡവലപ്പ് മെന്റ് കമ്മീഷണര് ശ്രീ വി എസ് സന്തോഷ് കുമാര് നിര്വഹിച്ചു.
Content highlight
ഗ്രാമ പഞ്ചായത്തുകളില് കെട്ടിട നിര്മ്മാണാനുമതിയ്ക്കായി ലഭിക്കുന്ന അപേക്ഷകള് തീര്പ്പാക്കുന്നതിനുള്ള മാര്ഗ്ഗ നിര്ദ്ദേശങ്ങള്
കേരള പഞ്ചായത്ത് കെട്ടിട നിര്മ്മാണ ചട്ടങ്ങള് പ്രകാരം ഗ്രാമ പഞ്ചായത്തുകളില് നിന്നും കെട്ടിട നിര്മ്മാണാനുമതി നല്കുന്നതില് കാലതാമസം ഒഴിവാക്കുന്നതിനായുള്ള മാര്ഗ്ഗ നിര്ദ്ദേശങ്ങള് സര്ക്കുലകര് പ്രകാരം സര്ക്കാര് പുറപ്പെടുവിച്ചിരുന്നു. എന്നാല് ഇപ്പോഴും കെട്ടിടനിര്മ്മാണത്തിന് അപേക്ഷ സമര്പ്പിക്കുന്നവര്ക്ക് കെട്ടിട നിര്മ്മാണ ചട്ടത്തില് പ്രതിപാദിച്ചിരിക്കുന്നക്കുന്ന സമയ പരിധിക്കുള്ളില് നിര്മ്മാണാനുമതി ലഭിക്കുന്നില്ലെന്ന് ധാരാളം പരാതികള് നിലനില്ക്കുന്നുണ്ട്. കെട്ടിട നിര്മ്മാണാനുമതിക്കായി ലഭിക്കുന്ന അപേക്ഷകളില് ഗ്രാമ പഞ്ചായത്തുകള് സമയബന്ധിതമായി നടപടി സ്വീകരിക്കാത്തത് കാരണം അപേക്ഷകര് പലരും അനധികൃതമായി നിര്മ്മാണം പൂര്ത്തീകരിക്കുകയും, പ്രസ്തുത കെട്ടിടങ്ങള് പലതും കെട്ടിട നിര്മ്മാണ ചട്ടങ്ങള് ലംഘിക്കുന്ന സാഹചര്യത്തില് ഗ്രാമ പഞ്ചായത്തുകള് കെട്ടിട നിര്മ്മാണ ക്രമവത്കണവും കെട്ടിട നിര്മ്മാണ അനുമതിയും അനുവദിക്കാത്ത സാഹചര്യം ഉണ്ടാവുകയും അതിനെതിരെ കെട്ടിട ഉടമകള് സര്ക്കാരിനെയും കോടതികളേയും സമീപിക്കുന്ന സാഹചര്യമുണ്ടാവുകയും ചെയ്യുന്നുണ്ട്. മേല് സാഹചര്യത്തില് കെട്ടിട നിര്മ്മാണ അനുമതിക്കായി ഗ്രാമപഞ്ചായത്തുകളില് ലഭിക്കുന്ന അപേക്ഷകളിന്മേല് ക്രമവിരുദ്ധമായി കാലതാമസം വരുത്തുന്നത് ഗൗരവമായി കണ്ട് ഇത് സംബന്ധിച്ച് സമയബന്ധിത നടപടി സ്വീകരിക്കുന്നതിനായി മാര്ഗ്ഗ നിര്ദ്ദേശങ്ങള് പുറപ്പെടുവിക്കുന്നു, ആയത് എല്ലാ ഗ്രാമപഞ്ചായത്തുകളിലും ഉടന് പ്രാബല്യത്തില് നടപ്പിലാക്കേണ്ടതാണ്.
സൂചന സര്ക്കുലറുകള്
- സര്ക്കുലര് 12900/ആര്എ1/2015/തസ്വഭവ Dated 02/12/2015
കെട്ടിട നിര്മാണ അപേക്ഷയുമായി ബന്ധപ്പെട്ട് തദ്ദേശ സ്വയംഭരണ സ്ഥാപനങ്ങളില് സ്വീകരിക്കേണ്ട നടപടിക്രമങ്ങള് - സര്ക്കുലര് 73576/ആര് എ1/2013/തസ്വഭവ Dated 16/12/2013
കെട്ടിടനിര്മ്മാണ അപേക്ഷകള് സമയബന്ധിതമായി തീര്പ്പാക്കുന്നത് സംബന്ധിച്ച്. - സര്ക്കുലര് 36587(1)/ആര് എ.1/09/തസ്വഭവ Dated 23/12/2010
തദ്ദേശ സ്വയം ഭരണ വകുപ്പ് - പഞ്ചായത്ത് പ്രദേശങ്ങളിലെ കെട്ടിട നിര്മ്മാണാനുമതി - കാലതാമസം പരിഹരിക്കുന്നത് - സംബന്ധിച്ച്. - സര്ക്കുലര് നംപര് 15018/സി1/97/തഭവ Dated 16/04/1997
കെട്ടിട നിര്മ്മാണം പൊതുവഴിയോട് ചേര്ന്നുള്ള കെട്ടിട നിര്മ്മാണം റോഡതിര്ത്തിയില് നിന്ന് സ്ഥലം വിടുന്നത് സംബന്ധിച്ച്
ഹരിതകേരളം മിഷന്റെ പച്ചത്തുരുത്ത് പദ്ധതിക്ക് ലോക പരിസ്ഥിതി ദിനത്തില് തുടക്കം
ഹരിതകേരളം മിഷന്റെ പച്ചത്തുരുത്ത് പദ്ധതിക്ക് 05.06.2019 നു തുടക്കം: മുഖ്യമന്ത്രി പിണറായി വിജയന് ഉദ്ഘാടനം നിര്വഹിക്കുന്നു
തരിശ്ഭൂമിയില് പച്ചപ്പൊരുക്കാനുള്ള ഹരിതകേരളം മിഷന്റെ പച്ചത്തുരുത്ത് പദ്ധതിക്ക് ലോക പരിസ്ഥിതി ദിനത്തില് (05.06.2019) തുടക്കമാവും. സംസ്ഥാനതല ഉദ്ഘാടനം വൈകുന്നേരം 4 മണിക്ക് തിരുവനന്തപുരത്ത് പോത്തന്കോട് ഗ്രാമപഞ്ചായത്തിലെ വേങ്ങോട് ജംഗ്ഷനില് ബഹു.മുഖ്യമന്ത്രി ശ്രീ.പിണറായി വിജയന് നിര്വഹിക്കും. ബഹു. കാര്ഷിക വികസന കര്ഷക ക്ഷേമ വകുപ്പ് മന്ത്രി ശ്രീ.വി.എസ്. സുനില്കുമാറിന്റെ അധ്യക്ഷതയില് നടക്കുന്ന ചടങ്ങില് ബഹു.വനംവകുപ്പ് മന്ത്രി ശ്രീ.കെ.രാജു മുഖ്യ പ്രഭാഷണവും പച്ചത്തുരുത്ത് കൈപുസ്തകം പ്രകാശനവും നിര്വഹിക്കും. കേരളത്തിലെ 250 ഗ്രാമപഞ്ചായത്തുകളിലായി 500 ഓളം ഏക്കറില് നാളെത്തന്നെ പച്ചത്തുരുത്ത് പദ്ധതിക്ക് തുടക്കമിടും. തുടര്ന്ന് ആദ്യമൂന്നു മാസത്തിനുള്ളില് തന്നെ എല്ലാ തദ്ദേശ സ്വയംഭരണ സ്ഥാപനങ്ങളിലും പച്ചത്തുരുത്ത് പദ്ധതി വ്യാപിപ്പിക്കും. ശ്രീ.സി.ദിവാകരന് എം.എല്.എ, ശ്രീ. അടൂര് പ്രകാശ് എം.പി, ജില്ലാ പഞ്ചായത്ത് പ്രസിഡന്റ് ശ്രീ.വി.കെ.മധു, നവകേരളം കര്മ്മ പദ്ധതി കോര്ഡിനേറ്റര് ശ്രീ.ചെറിയാന് ഫിലിപ്പ്, പോത്തന്കോട് ബ്ലോക്ക് പഞ്ചായത്ത് പ്രസിഡന്റ് ശ്രീമതി ഷാനിബ ബീഗം, ജില്ലാ പഞ്ചായത്ത് അംഗം ശ്രീമതി എസ് രാധാദേവി, പോത്തന്കോട് ബ്ലോക്ക് പഞ്ചായത്ത് അംഗം കുമാരി വിനീത വിജയന്, പോത്തന്കോട് ഗ്രാമപഞ്ചായത്ത് വികസന സ്റ്റാന്ഡിംഗ് കമ്മിറ്റി ചെയര്മാന് ശ്രീ.പി.ദിലീപ് കുമാര്, ഫോറസ്റ്റ് പ്രിന്സിപ്പല് ചീഫ് കണ്സര്വേറ്റര് ശ്രീ.ഇ.പ്രദീപ് കുമാര്, സംസ്ഥാന ജൈവ വൈവിധ്യ ബോര്ഡ് ചെയര്മാന് ഡോ.എസ്.സി. ജോഷി, കൃഷി വകുപ്പ് ഡയറക്ടര് ഡോ.പി.കെ ജയശ്രീ, മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതി അഡീഷണല് ഡെവലപ്മെന്റ് കമ്മീഷണര് ശ്രീ.എല്.പി.ചിത്തര്, പാലോട് ട്രോപ്പിക്കല് ബൊട്ടാണിക്കല് ഗാര്ഡന് ഡയറക്ടര് ശ്രീ.ആര്.പ്രകാശ് കുമാര്, ഹരിതകേരളം മിഷന് എക്സിക്യുട്ടീവ് വൈസ് ചെയര്പേഴ്സണ് ഡോ.ടി.എന് സീമ, പോത്തന്കോട് ഗ്രാമപഞ്ചായത്ത് പ്രസിഡന്റ് ശ്രീ.കെ.വേണുഗോപാലന് നായര്, എന്നിവര് പങ്കെടുക്കും. പൊതുസ്ഥലങ്ങളിലുള്പ്പെടെ തരിശ് സ്ഥലങ്ങള് കണ്ടെത്തി തനതായ വൃക്ഷങ്ങളും തദ്ദേശീയമായ സസ്യങ്ങളും ഉള്പ്പെടുത്തി സ്വാഭാവിക ജൈവവൈവിധ്യ തുരുത്തുകള് സൃഷ്ടിച്ചെടുത്ത് സംരക്ഷിക്കാനാണ് പച്ചത്തുരുത്ത് പദ്ധതിയിലൂടെ ലക്ഷ്യമിടുന്നത്. തദ്ദേശസ്വയംഭരണ സ്ഥാപനങ്ങളുടെ നേതൃത്വത്തിലാണ് ഇതിനായി സ്ഥലങ്ങള് കണ്ടെത്തുന്നത്. സര്ക്കാര്/സ്വകാര്യ സ്ഥാപനങ്ങളുടെ ഭൂമി, പുറമ്പോക്കുകള്, നഗരഹൃദയങ്ങളിലും മറ്റും ഒഴിഞ്ഞുകിടക്കുന്ന സ്ഥലങ്ങള് എന്നിവിടങ്ങളെല്ലാം പച്ചത്തുരുത്ത് സ്ഥാപിക്കുന്നതിന് അനുയോജ്യമായ സ്ഥലങ്ങളാണ്. ചുരുങ്ങിയത് അരസെന്റ് മുതല് കൂടുതല് വിസ്തൃതിയുള്ള ഭൂമിയില് പച്ചത്തുരുത്തുകള് സ്ഥാപിക്കാം. കാലാവസ്ഥാ വ്യതിയാനത്തിന്റെ ദോഷഫലങ്ങള് കുറയ്ക്കുന്നതിനും ഹരിത ഗൃഹവാതകങ്ങളുടെ സാന്നിധ്യംകൊണ്ടുണ്ടാകുന്ന ആഗോളതാപനത്തെ ചെറുക്കുന്നതിനും പച്ചത്തുരുത്തുകള്ക്ക് നിര്ണായക പങ്ക് വഹിക്കാനാകും. അന്തരീക്ഷത്തിലെ അധിക കാര്ബണിനെ ആഗിരണം ചെയ്ത് സംഭരിച്ച് സൂക്ഷിക്കുന്ന കാര്ബണ് കലവറകളായി വര്ത്തിക്കുന്ന പച്ചത്തുരുത്തുകള് പ്രാദേശിക ജൈവവൈവിധ്യ സംരക്ഷണവും ഉറപ്പാക്കും. ജൈവവൈവിധ്യ ബോര്ഡ്, കൃഷി വകുപ്പ്, മഹാത്മാഗാന്ധി തൊഴിലുറപ്പ് പദ്ധതി, വനംവകുപ്പിന്റെ സാമൂഹ്യവനവത്ക്കരണ വിഭാഗം, പരിസ്ഥിതി സംഘടനകള്, വിദ്യാഭ്യാസ സ്ഥാപനങ്ങള് തുടങ്ങിയവയുടെ സഹകരണത്തോടെയാണ് പച്ചത്തുരുത്ത് സൃഷ്ടിക്കുന്നത്. പച്ചത്തുരുത്ത് പ്രവര്ത്തനങ്ങളെ സഹായിക്കാനായി പരിസ്ഥിതി പ്രവര്ത്തകര്, ജൈവവൈവിധ്യ മേഖലയിലെ വിദഗ്ദ്ധര്, വനവത്ക്കരണ രംഗത്ത് പ്രവര്ത്തിച്ച പരിചയസമ്പന്നര്, കൃഷി വിദഗ്ദ്ധര്, ജനപ്രതിനിധികള്, പ്രാദേശിക സാമൂഹിക പ്രവര്ത്തകര് എന്നിവരുള്പ്പെടുന്ന ജില്ലാതല സാങ്കേതിക സമിതികളുണ്ടാകും. വിത്തിനങ്ങള് കണ്ടെത്തല്, വൃക്ഷങ്ങളുടെ തിരിച്ചറിയല് തുടങ്ങിയ പ്രവര്ത്തനങ്ങള് ഉള്പ്പെടെ പച്ചത്തുരുത്ത് നിര്മ്മിതിക്കാവശ്യമായ സാങ്കേതിക സഹായങ്ങള് ഈ സമിതികളാണ് നല്കുന്നത്.
Content highlight
ഹരിതകേരളം-ജലസംഗമം 2019 ന്റെ ഉദ്ഘാടനം
ഹരിതകേരളം മിഷന് സംസ്ഥാനത്ത് ഇതുവരെ നടത്തിയ പുഴ പുനരുജ്ജീവന -ജലസംരക്ഷണ പ്രവര്ത്തനങ്ങളെ ആധാരമാക്കി ദേശീയ തലത്തില് ജലസംഗമം സംഘടിപ്പിക്കുന്നു. ഈ മാസം 30, 31 തീയതികളില് തിരുവനന്തപുരത്ത് ടാഗോര് തിയേറ്ററില് സംഘടിപ്പിക്കുന്ന ജലസംഗമം- 2019 ന്റെ ഉദ്ഘാടനം മുഖ്യമന്ത്രി ശ്രീ.പിണറായി വിജയന് മേയ് 30 ന് നിര്വഹിക്കും. സംസ്ഥാനത്ത് നടന്ന മികച്ച ജലസംരക്ഷണ പ്രവര്ത്തനങ്ങള് ജലസംഗമത്തില് അവതരിപ്പിക്കും. രാജ്യത്തിന്റെ വിവിധ ഭാഗങ്ങളില് നിന്നുമുള്ള വിദഗ്ദ്ധര് ഈ അവതരണങ്ങളോട് പ്രതികരിച്ച് സംസാരിക്കും. ധനമന്ത്രി ഡോ.തോമസ് ഐസക്, തദ്ദേശഭരണ മന്ത്രി ശ്രീ.എ.സി.മൊയ്തീന്, ജലവിഭവ വകുപ്പ് മന്ത്രി കെ.കൃഷ്ണന്കുട്ടി, കൃഷി മന്ത്രി വി.എസ്.സുനില് കുമാര്, സഹകരണ -ടൂറിസം മന്ത്രി കടകംപള്ളി സുരേന്ദ്രന് എന്നിവര് പങ്കെടുക്കും. കേരളത്തിലെ തദ്ദേശ സ്വയംഭരണ സ്ഥാപനങ്ങളില് നിന്നും രണ്ടുവീതം പ്രതിനിധികളും ഉദ്യോഗസ്ഥരും പങ്കെടുക്കും. നദീ പുരുജ്ജീവനവും സുസ്ഥിരതാ വെല്ലുവിളികളും, പ്രാദേശിക ജലസ്രോതസ്സുകളും ജലസുരക്ഷാ പദ്ധതികളും, നഗരനീര്ച്ചാലുകളുടെ ശൃംഖലയും മലിനജല പരിപാലനവും എന്നീ വിഷയങ്ങളില് സംഘടിപ്പിച്ചിട്ടുള്ള സെമിനാറുകളിലാണ് ജലസംരക്ഷണ പ്രവര്ത്തനങ്ങള് സംബന്ധിച്ച അവതരണങ്ങള് നടക്കുന്നത്. ജലസംഗമത്തിലെ സമാന്തര സെഷനുകളിലെ അവതരണങ്ങളോട് പ്രതികരിച്ചുകൊണ്ട് വിവിധ ഐ.ഐ.ടി.കളില് നിന്നും മറ്റു ഗവേഷണ സ്ഥാപനങ്ങളില് നിന്നുമുള്ള വിദഗ്ദ്ധര് സംസാരിക്കും. തെലുങ്കാന സംസ്ഥാനത്തിലെ നെക്നാംബൂര് തടാകം, എറാക്കുട്ട തടാകം, പ്രഗതി നഗര് തടാകം മുതലായ വലിയ തടാകങ്ങളെ മാതൃകാപരമായി പുനരുജ്ജീവിപ്പിച്ച് സംരക്ഷിക്കുന്ന പരിസ്ഥിതി പ്രവര്ത്തക കൂടിയായ, പിലാനി കേന്ദ്ര ഇലക്ട്രോണിക്സ് എഞ്ചിനീയറിംഗ് ഗവേഷണ ഇന്സ്റ്റിറ്റ്യൂട്ടില് പ്രവര്ത്തിച്ചിരുന്ന ശ്രീമതി.മധുലികാ ചൗധരി, നീര്ത്തട പരിപാലനം, സ്ഥലപര ആസൂത്രണം തുടങ്ങി വിവിധ മേഖലകളില് വിദഗ്ദ്ധനായിട്ടുള്ള റൂര്ക്കി ഐ.ഐ.ടി.യിലെ അസിസ്റ്റന്റ് പ്രൊഫസര് ഡോ.മനോജ്.കെ.ജയിന്, പ്രകൃതി വിഭവ സംരക്ഷണം, പുനസ്ഥാപനം, ജല-മലിനജല സംസ്കരണം, പാരിസ്ഥിതിക ആഘാത പഠനം എന്നിവയില് വിദഗ്ദ്ധനായ ശ്രീ.വിനോദ് താരെ തുടങ്ങിയവര് പങ്കെടുക്കും. ഇവരെക്കൂടാതെ വിവിധ ഐ.ഐ.ടി.കളില് നിന്നുമുള്ള ഡോ.പി.ആതിര, ഡോ.എന്.സി നാരായണന്, ഡോ.ടി.എ ദോ കോഴിക്കോട് എന്.ഐ.ടി യില് നിന്നുമുള്ള ശ്രീ.സന്തോഷ് തമ്പി, ബാര്ട്ടന്ഹില് എഞ്ചിനീയറിംഗ് കോളേജില് നിന്നുമുള്ള ശ്രീമതി.സുജ. ജലസംരക്ഷണവുമായി ബന്ധപ്പെട്ട് രാജ്യത്തിന്റെ വിവിധ ഭാഗങ്ങളില് മാതൃകാ പ്രവര്ത്തനങ്ങള് സംഘടിപ്പിച്ചിട്ടുള്ള ശ്രീ.പ്രദീപ്കുമാര്, ശ്രീ.ജോയ്.കെ.ജെ തുടങ്ങിയവര് പങ്കെടുക്കും. ഇവരെ കൂടാതെ സി.ഡബ്ല്യു.ആര്.ഡി.എം, സി.ഡബ്ല്യു.സി, സി.ജി.ഡബ്ല്യു.ബി തുടങ്ങിയവയില് നിന്നുള്ള വിദഗ്ദ്ധരും ഈ ജല സംഗമത്തില് പങ്കെടുക്കുന്നുണ്ട്. 31.05.2019 ന് നടക്കുന്ന പ്ലീനറി സെഷനി സമാന്തര സെഷനിലെ അവതരണങ്ങളെയും തുടര്ന്നു നടക്കുന്ന ചര്ച്ചകളുടേയും ക്രോഡീകരിച്ചുകൊണ്ടുള്ള അവതരണങ്ങളോട് വിദഗ്ദ്ധര് പ്രതികരിക്കും. ഇതിന്റെയടിസ്ഥാനത്തില് തുടര്ന്നു നടത്തേണ്ട ഭാവി പ്രവര്ത്തനങ്ങള് ആസൂത്രണം ചെയ്യും. സംസ്ഥാന ധനകാര്യ വകുപ്പ് മന്ത്രി ഡോ.ടി.എം.തോമസ് ഐസക് ഈ സെഷന് നേതൃത്വം നല്കും. സംസ്ഥാനത്ത് നടന്നിട്ടുള്ള മികച്ച പ്രവര്ത്തനങ്ങള് കണ്ടുവിലയിരുത്തുന്നതിനായി തെരഞ്ഞെടുക്കപ്പെട്ടവര്ക്കായി മേയ് 29 ന് മീനച്ചിലാര്-മീനന്തറയാര്-കൊടൂരാര് നദീസംയോജന പ്രവര്ത്തനങ്ങള്, ആലപ്പുഴ കനാല് ശുചീകരണ പ്രവര്ത്തനങ്ങള്, കാട്ടാക്കട നിയോജക മണ്ഡലത്തിലെ ജലസംരക്ഷണ പ്രവര്ത്തനങ്ങള് എന്നിവ കണ്ടു മനസിലാക്കാന് ഒരു ഫീല്ഡ് വിസിറ്റും അനുബന്ധമായി സംഘടിപ്പിച്ചിട്ടുണ്ട്. 29 മുതല് ടാഗോര് തിയേറ്റര് വളപ്പില് ജലസംരക്ഷണം വിഷയമാക്കി സംഘടിപ്പിച്ചിട്ടുള്ള പ്രദര്ശനം തദ്ദേശ സ്വയംഭരണ മന്ത്രി എ.സി.മൊയ്തീന് ഉദ്ഘാടനം ചെയ്യും.
Content highlight
ഹരിത കേരളം മിഷന് സംഘടിപ്പിക്കുന്ന കേരള ജല സംഗമം മെയ് 29 മുതല് 31 വരെ തിരുവനന്തപുരത്ത് –രജിസ്റ്ററേഷനു വെബ്സൈറ്റ് സന്ദര്ശിക്കുക
ഹരിത കേരളം മിഷന് സംഘടിപ്പിക്കുന്ന കേരള ജല സംഗമം മെയ് 29 മുതല് 31 വരെ തിരുവനന്തപുരത്ത് –രജിസ്റ്ററേഷനു സന്ദര്ശിക്കുക
WebSite: http://haritham.kerala.gov.in/
Content highlight
ഹരിതകേരളം-പച്ചത്തുരുത്ത് പദ്ധതി
പ്രാദേശിക ജൈവവൈവിധ്യ സംരക്ഷണം ലക്ഷ്യമിട്ട് ഹരിതകേരളം മിഷന്റെ പച്ചത്തുരുത്ത് പദ്ധതിക്ക് ലോക പരിസ്ഥിതിദിനത്തില് തുടക്കമാവും:തരിശ് ഭൂമിയില് പച്ചപ്പൊരുക്കാനുള്ള ഹരിതകേരളം മിഷന്റെ പച്ചത്തുരുത്ത് പദ്ധതിക്ക് സംസ്ഥാനത്ത് അടുത്തമാസം അഞ്ചിന് തുടക്കമാവും. ലോക പരിസ്ഥിതി ദിനാഘോഷങ്ങളോടനുബന്ധിച്ചാണ് പദ്ധതിയുടെ സംസ്ഥാനതല ഉദ്ഘാടനം. ആദ്യഘട്ടത്തില് എല്ലാ ജില്ലകളിലുമായി ആയിരം പച്ചത്തുരുത്തുകളുടെ നിര്മ്മാണം ആരംഭിക്കും. പൊതുസ്ഥലങ്ങളിലുള്പ്പെടെ ഉപയോഗിക്കാതെ കിടക്കുന്ന സ്ഥലങ്ങള് കണ്ടെത്തി തനതായ വൃക്ഷങ്ങളും തദ്ദേശീയമായ സസ്യങ്ങളും ഉള്പ്പെടുത്തി സ്വാഭാവിക വനമാതൃകകള് സൃഷ്ടിച്ചെടുത്ത് സംരക്ഷിക്കാനാണ് പച്ചത്തുരുത്ത് എന്ന പദ്ധതിയിലൂടെ ലക്ഷ്യമിടുന്നത്. തദ്ദേശസ്വയംഭരണ സ്ഥാപനങ്ങളുടെ നേതൃത്വത്തിലാണ് ഇതിനായി സ്ഥലങ്ങള് കണ്ടെത്തുന്നത്. സര്ക്കാര്/സ്വകാര്യ സ്ഥാപനങ്ങളുടെ ഭൂമി, പുറമ്പോക്കുകള്, നഗരഹൃദയങ്ങളിലും മറ്റും ഒഴിഞ്ഞുകിടക്കുന്ന സ്ഥലങ്ങള് എന്നിവിടങ്ങളെല്ലാം പച്ചത്തുരുത്ത് സ്ഥാപിക്കുന്നതിന് അനുയോജ്യമായ സ്ഥലങ്ങളാണ്. സ്വകാര്യ വ്യക്തികള് ഉള്പ്പെടെ നിരവധി സംരംഭകര് ഇതിനകം തന്നെ പദ്ധതിയുമായി സഹകരിക്കാന് സന്നദ്ധത അറിയിച്ചിട്ടുണ്ട്. എല്ലാ ജില്ലകളിലുമായി വിവിധ പഞ്ചായത്തുകള് ഒരേക്കറും അതിലധികം വിസ്തൃതിയുമുള്ള സ്ഥലങ്ങള് ഇതിനായി കണ്ടെത്തി പ്രാരംഭ പ്രവര്ത്തനങ്ങള് ആരംഭിച്ചിട്ടുണ്ട്. കണ്ണൂര് ജില്ലയില് വിവിധ പഞ്ചായത്തുകളുടെ നേതൃത്വത്തി കണ്ടെത്തിയ 250 ഏക്കറോളം ഭൂമിയില് പച്ചത്തുരുത്തിനായുള്ള പ്രവര്ത്തനങ്ങള് പുരോഗമിക്കുകയാണ്. ജൈവവൈവിധ്യ ബോര്ഡ്, കൃഷി വകുപ്പ്, മഹാത്മാഗാന്ധി തൊഴിലുറപ്പ് പദ്ധതി, വനംവകുപ്പിന്റെ സാമൂഹ്യവനവത്ക്കരണ വിഭാഗം, പരിസ്ഥിതി സംഘടനകള്, വിദ്യാഭ്യാസ സ്ഥാപനങ്ങള് തുടങ്ങിയവരുടെ സഹകരണത്തോടെയാണ് പച്ചത്തുരുത്ത് സൃഷ്ടിക്കുന്നത്. പച്ചത്തുരുത്ത് പ്രവര്ത്തനങ്ങളെ സഹായിക്കാനായി പരിസ്ഥിതി പ്രവര്ത്തകര്, ജൈവവൈവിധ്യ മേഖലയിലെ വിദഗ്ദ്ധര്, വനവത്ക്കരണ രംഗത്ത് പ്രവര്ത്തിച്ച പരിചയസമ്പന്നര്, കൃഷി വിദഗ്ദ്ധര്, ജനപ്രതിനിധികള്, പ്രാദേശിക സാമൂഹിക പ്രവര്ത്തകര് എന്നിവരുള്പ്പെടുന്ന ജില്ലാതല സാങ്കേതിക സമിതികളുണ്ടാകും. വിത്തിനങ്ങള് കണ്ടെത്തല്,വൃക്ഷങ്ങളുടെ തിരിച്ചറിയ പ്രവര്ത്തനങ്ങള് തുടങ്ങി പച്ചത്തുരുത്ത് നിര്മ്മിതിക്കാവശ്യമായ സാങ്കേതിക സഹായങ്ങള് ഈ സമിതികളാണ് നല്കുന്നത്. ചുരുങ്ങിയത് അരസെന്റ് മുതല് കൂടുതല് വിസ്തൃതിയുള്ള ഭൂമിയില് പച്ചത്തുരുത്തുകള് സ്ഥാപിക്കാം. കാലാവസ്ഥാ വ്യതിയാനത്തിന്റെ ദോഷഫലങ്ങള് കുറയ്ക്കുന്നതിനും ഹരിത ഗൃഹവാതകങ്ങളുടെ സാന്നിധ്യം കൊണ്ടുണ്ടാകുന്ന ആഗോള താപനത്തെ ചെറുക്കുന്നതിനും പച്ചത്തുരുത്തുകള്ക്ക് വലിയ പങ്ക് വഹിക്കാനാകും. അന്തരീക്ഷത്തിലെ അധിക കാര്ബണിനെ ആഗിരണം ചെയ്ത് സംഭരിച്ച് സൂക്ഷിക്കുന്ന കാര്ബണ് കലവറകളായി വര്ത്തിക്കുന്ന പച്ചത്തുരുത്തുകള് പ്രാദേശിക ജൈവവൈവിധ്യ സംരക്ഷണവും ഉറപ്പാക്കും
Content highlight
സര്ക്കാര് വകുപ്പുകളിലും സ്ഥാപനങ്ങളിലും കമ്പ്യൂട്ടറുകള്,ലാപ് ടോപ്പുകള്, പ്രിന്ററുകള് മുതലായ ഐ റ്റി സാമഗ്രികള് വാങ്ങുന്നതിനുള്ള മാര്ഗ്ഗ നിര്ദേശങ്ങള്
സര്ക്കുലര് ഐറ്റിസെല്-1/26/2019/വി.സ.വ Dated 18/03/2019
ഇലക്ട്രോണിക്സും വിവര സാങ്കേതികവും വിദ്യ വകുപ്പ്-സെന്ട്രലൈസ്ട് പ്രോക്യുര്മെന്റ്-സര്ക്കാര് വകുപ്പുകളിലും സ്ഥാപനങ്ങളിലും കമ്പ്യൂട്ടറുകള്,ലാപ് ടോപ്പുകള് ,പ്രിന്ററുകള് മുതലായ ഐ റ്റി സാമഗ്രികള് വാങ്ങുന്നതിനുള്ള മാര്ഗ്ഗ നിര്ദേശങ്ങള് സംബന്ധിച്ച്
ഹരിത കേരളം-മാലിന്യ സംസ്കരണം- ഹരിത കര്മ സേനയുടെ പ്രവര്ത്തനത്തിന് ആറുമാസത്തേക്ക് കൂടെ വയബിലിറ്റി ഗ്യാപ് ഫണ്ട്
സ.ഉ(ആര്.ടി) 703/2019/തസ്വഭവ Dated 25/03/2019
ഹരിത കേരളം-മാലിന്യ സംസ്കരണം- ഹരിത കര്മ സേനയുടെ പ്രവര്ത്തനത്തിന് ആറുമാസത്തേക്ക് കൂടെ വയബിലിറ്റി ഗ്യാപ് ഫണ്ട് നൽകുന്നതിന് തദ്ദേശ സ്ഥാപനങ്ങള്ക്ക് അനുമതി
Content highlight