തദ്ദേശഭരണ സ്ഥാപനങ്ങളുടെ 2020-21 വാര്‍ഷിക പദ്ധതി - സംസ്ഥാനത്ത് ആദ്യമായി ഡിപിസിയ്ക്ക് സമര്‍പ്പിച്ചതും ആദ്യ ഡിപിസി അംഗീകാരം ലഭിച്ചതും റാന്നി ഗ്രാമപഞ്ചായത്തിന്. 2020-2021 ലെ റാന്നി ഗ്രാമ പഞ്ചായത്തിന്‍റെ പദ്ധതിക്ക് 12/03/2020 ലെ ഡിപിസി അംഗീകാരം ലഭിച്ചു.
മാലിന്യരഹിത നഗരത്തിലേക്കായി വികേന്ദ്രീകൃത ഉറവിട മാലിന്യ സംസ്കരണ പ്രവര്‍ത്തനങ്ങള്‍ ഊര്‍ജ്ജിതമാക്കി തിരുവനന്തപുരം നഗരസഭ. പദ്ധതിയുടെ ഭാഗമായി 66 പുതിയ പോര്‍ട്ടബിള്‍ എയറോബിക് ബിന്നുകളുടെ ഉദ്ഘാടനം കല്ലടിമുഖത്ത് മേയര്‍ കെ. ശ്രീകുമാര്‍ നിര്‍വ്വഹിച്ചു. ആരോഗ്യകാര്യ സ്ഥിരം സമിതി അദ്ധ്യക്ഷന്‍ ഐ.പി. ബിനു അദ്ധ്യക്ഷനായി.
നഗരസഭയുടെ വാര്‍ഷിക പദ്ധതിയില്‍ ഉള്‍പ്പെടുത്തി ഒരു കോടി രൂപ ചെലവിലാണ് കമ്മ്യൂണിറ്റി തലത്തില്‍ ജൈവമാലിന്യങ്ങള്‍ സംസ്കരിക്കാന്‍ കഴിയുന്ന പുതിയ 66 പോര്‍ട്ടബിള്‍ എയറോബിക് ബിന്നുകള്‍ സജ്ജമാക്കിയത്. നിലവിലുളള 154 പോര്‍ട്ടബിള്‍ എയറോബിക് ബിന്നുകളുടേയും 54 കേന്ദ്രങ്ങളിലായി പ്രവര്‍ത്തിച്ചു വരുന്ന 414 തുമ്പൂര്‍മൂഴി എയറോബിക് ബിന്നുകളുടെയും പുറമെയാണിത്.
സ്ഥല പരിമിതി മൂലം സ്ഥിരമായി എയറോബിക് ബിന്നുകള്‍ സ്ഥാപിക്കാന്‍ കഴിയാത്തിടത്തും, ഉത്സവങ്ങള്‍, വലിയ ആഘോഷങ്ങള്‍ തുടങ്ങിയവ നടക്കുന്ന സ്ഥലങ്ങളിലുമാണ് പോര്‍ട്ടബിള്‍ എയറോബിക് ബിന്നുകളുടെ സേവനം ലഭ്യമാവുക. മാലിന്യ സംസ്കരണം കൂടുതല്‍ കാര്യക്ഷമമാക്കുന്നതിനായി സ്വച്ഛ് ഭാരത് മിഷന്‍ ഡി.പി. ആറില്‍ ഉള്‍പ്പെടുത്തി 200 പോര്‍ട്ടബിള്‍ എയറോബിക് ബിന്നുകളും എം.ആര്‍.എഫ് സേവനം കൂടി ലഭ്യമാവുന്ന കേന്ദ്രങ്ങളില്‍ 144 എയറോബിക് ബിന്നുകള്‍ കൂടി സ്ഥാപിക്കുമെന്ന് മേയര്‍ പറഞ്ഞു.
പുതുതായി സജ്ജമാക്കിയ പോര്‍ട്ടബിള്‍ എയ്റോബിക് ബിന്നുകളുടെ സേവനം ആറ്റുകാല്‍ പൊങ്കാല നടക്കുന്ന പരിസര പ്രദേശങ്ങളിലും ലഭ്യമാക്കുമെന്ന് മേയര്‍ കൂട്ടിച്ചേര്‍ത്തു. ബിന്നുകളില്‍ ജൈവമാലിന്യം സംസ്കരിച്ച് ലഭിക്കുന്ന ജൈവവളം നിലവില്‍ കര്‍ഷകര്‍ക്ക് വിതരണം ചെയ്തു വരികയാണ്. പുതിയ ബിന്നുകള്‍ കൂടി വരുന്നതോടെ ജൈവ മാലിന്യ സംസ്കരണം കൂടുതല്‍ കാര്യക്ഷമമാവുകയും അതുവഴി ലഭിക്കുന്ന ജൈവവളം കൂടുതല്‍ കര്‍ഷകര്‍ക്ക് വിതരണം ചെയ്യാനുമാകും.
LSGD MInister കുന്നംകുളം ഗവൺമെന്റ് എൽ പി സ്കൂൾ പുതിയ കെട്ടിടത്തിന്റെയും ഓട്ടിസം സെന്ററിന്റെയും ഉദ്ഘാടനം നിർവഹിച്ചു. കുന്നംകുളം മുൻസിപ്പൽ ചെയർപേഴ്സൺ ശ്രീമതി സീത രവീന്ദ്രൻ അധ്യക്ഷത വഹിച്ചു.
ആരോഗ്യ ജാഗ്രത തൃശൂർ ജില്ലാതല ഉദ്ഘാടനം കിലയിൽ വച്ച് തദ്ദേശ വകുപ്പുമന്ത്രി നിർവഹിച്ചു
അസാപ് കമ്മ്യൂണിറ്റി സ്കിൽ പാർക്ക് കുന്നംകുളം ട്രാൻസിറ്റ് ക്യാമ്പസ് 'സ്കിൽമിത്ര' തദ്ദേശ ഭരണ വകുപ്പുമന്ത്രി എ സി മൊയ്തീന്‍ കുന്നംകുളം ബോയ്സ് സ്കൂളിൽ ഫെബ്രുവരി 3ന് ഉദ്ഘാടനം ചെയ്തു. നഗരസഭ ചെയർപേഴ്സൺ സീത രവീന്ദ്രൻ അധ്യക്ഷത വഹിച്ചു. അസാപ് സിഇഒ വീണ മാധവൻ ഐ എ എസ്, ജില്ലാ കളക്ടർ ഷാനവാസ്‌ ഐ. എ. എസ്, പഞ്ചായത്ത് പ്രസിഡന്റ്‌ മാർ, മറ്റു ഉദ്യോഗസ്ഥർ എന്നിവർ ചടങ്ങിൽ പങ്കെടുത്തു.
The area allocated for waste management must be strictly utilised for scientific waste management programmes. It is when this is not followed, that the surrounding bio-existence becomes oppressive and the common men become adverse to the traditional waste management processes. This can be proved with examples from Kunnamkulam Municipality.
A review meeting comprising of 31 municipal secretaries was held at an old trenching yard at Kurukkanpara (presently Green park) on 24.01.2020. Once, this was a place where the neighbourhood people could not eat food without lighting incense sticks or perfumes, and it was difficult to enter the trenching yard without covering your nose with hands. The review meeting was conducted when the waste was being treated as usual on one side. But the cozy corners in the green park was comfortable for the officials to make a fruitful discussion on the development and the problems faced by their respective LSGIs. Normally, such meetings are conducted in assembly halls with classy ambience and amenities. We don’t believe that meetings of this kind must be held in such waste management hubs. But it is a vivid example to prove that we have such hygienic, high quality waste management hubs which are not abhorrent and repugnant ones. It once again exhorts that we are on the right path.
തൃശൂർ ജില്ലയിലെ 100% ഗ്രാമ പഞ്ചായത്തുകളും (86 ഗ്രാമ പഞ്ചായത്തുകൾ) ISO സർട്ടിഫിക്കറ്റ്കരസ്ഥമാക്കി. തൃശൂർ ടൌൺ ഹാളിൽ വെച്ച് തദ്ദേശ സ്വയം ഭരണ വകുപ്പ് മന്ത്രി ശ്രീ.എ. സി. മൊയ്‌തീൻ അവർകൾ ISO നേടിയ പഞ്ചായത്തുകളെ അഭിനന്ദിച്ചു. ജനജീവിതത്തിന്റെ സമസ്ത മേഖലകളും കൈകാര്യം ചെയ്യുന്ന ഗ്രാമ പഞ്ചായത്തുകൾ മികവിന്റെ കേന്ദ്രങ്ങൾ ആയി മാറിക്കഴിഞ്ഞു. നൂതന സാങ്കേതിക വിദ്യ ഉപയോഗിച്ച് അതിവേഗം ഓൺലൈനിൽ സർട്ടിഫിക്കറ്റുകൾ എടുക്കാനും നികുതി അടയ്ക്കാനും പഞ്ചായത്തുകളിൽ സാധ്യമാകുന്നു. ഇതിനു നേതൃത്വം നൽകിയത് ബഹു. പഞ്ചായത്ത് ഡെപ്യൂട്ടി ഡയറക്ടർ ശ്രീ. ജോയ് ജോൺ ആണ്. സഹായകമായി 'കില' യും. ISO പ്രഖ്യാപനത്തിൽ ബഹു. ജില്ലാ പഞ്ചായത്ത് പ്രസിഡന്റ്‌ ശ്രീമതി. മേരി തോമസ് അധ്യക്ഷത വഹിച്ചു. MLA മാരായ ശ്രീ. യൂ.എ. പ്രദീപ്‌, ശ്രീ. ടൈസൺ മാസ്റ്റർ, കളക്ടർ ശ്രീ. ഷാനവാസ്‌ IAS, ഗ്രാമ പഞ്ചായത്ത് അസോസിയേഷൻ ജില്ലാ സെക്രട്ടറി ശ്രീ. പി. എസ്. വിനയൻ ശ്രീധരന്‍, പ്രസിഡന്റ്‌ ശ്രീ. സതീശന്‍ ചൊവ്വന്നൂര്‍, കില ഡയറക്ടർ ശ്രീ. ജോയ് ഇളമണ്‍, ഡി ഡി പി ശ്രീ. ജോയ് ജോൺ, എ ഡി പി ശ്രീ. പി. ടി. പ്രസാദ് എന്നിവർ സംസാരിച്ചു.
സാമൂഹ്യ സുരക്ഷാ ഗുണഭോക്താക്കള്‍ അംഗീകൃത അക്ഷയ സെന്‍ററുകള്‍ വഴി മാത്രം മസ്റ്ററിംഗ് ചെയ്യേണ്ടതാണെന്ന് മേയര്‍ കെ.ശ്രീകുമാര്‍ അറിയിച്ചു. അക്ഷയ സെന്‍ററുകള്‍ അല്ലാത്ത ചില ഓണ്‍ലൈന്‍ സേവനദാതാക്കള്‍ ഫീസ് ഈടാക്കിക്കൊണ്ട് മസ്റ്ററിംഗ് എന്ന വ്യാജേന പൊതുജനങ്ങളെ കബളിപ്പിക്കുന്നതിനായി പരാതി ലഭിച്ചിട്ടുണ്ട്. കേരള സര്‍ക്കാര്‍ നടപ്പിലാക്കി വരുന്ന സാമൂഹ്യ സുരക്ഷ മസ്റ്ററിംഗ് (ജീവന്‍രേഖ) നിലവില്‍ അക്ഷയകേന്ദ്രങ്ങളില്‍ മാത്രമാണ് നടപ്പിലാക്കിയിട്ടുള്ളത്. മസ്റ്ററിംഗ് നടത്തിയാല്‍ മാത്രമെ ഗുണഭോക്താക്കള്‍ക്ക് ഇനി മൂതല്‍ പെന്‍ഷന്‍ ലഭിക്കുകയുള്ളൂ. ഇ.പി.എഫ് അംഗങ്ങള്‍ക്ക് ലൈഫ് സര്‍ട്ടിഫിക്കറ്റിനായി അപേക്ഷിക്കുന്ന ജീവന്‍ പ്രമാണ്‍ വെബ്സൈറ്റിലൂടെ അംഗീകാരമില്ലാത്ത കമ്പ്യൂട്ടര്‍ സെന്‍ററുകള്‍ സാമൂഹ്യ സുരക്ഷാ ഗുണഭോക്താക്കള്‍ക്ക് ലൈഫ് സര്‍ട്ടിഫിക്കറ്റ് നല്‍കുകയാണ് ചെയ്യുന്നത്. ആയത് സാമൂഹ്യ സുരക്ഷാ പെന്‍ഷന്‍കാരുടെ ڇസേവനڈ വെബ് സൈറ്റില്‍ അപ്ഡേറ്റഡ് ആകില്ല. ഇത്തരം സെന്‍ററുകളിലൂടെ പെന്‍ഷനുമായി ബന്ധപ്പെട്ട ഇടപാടുകള്‍ നടത്തുന്നവര്‍ക്ക് പെന്‍ഷന്‍ ലഭിക്കുന്നതല്ല. അക്ഷയ കേന്ദ്രങ്ങള്‍ വഴിയുള്ള പെന്‍ഷന്‍ മസ്റ്ററിംഗ് തികച്ചും സൗജന്യമാണ്.
പെന്‍ഷന്‍ മസ്റ്റിംഗുമായി ബന്ധപ്പെട്ട് അക്ഷയ കേന്ദ്രങ്ങളില്‍ വളരെയധികം തിരക്ക് അനുഭവപ്പെടുന്നതായി ശ്രദ്ധയില്‍പ്പെട്ടിട്ടുണ്ട്. പെന്‍ഷന്‍ ഗുണഭോക്താക്കളുടെ ബുദ്ധിമുട്ട് കണക്കിലെടുത്ത് തിരുവനന്തപുരം നഗരസഭ മെയിന്‍ ഓഫീസില്‍ മസ്റ്ററിംഗിനായി പ്രത്യേക കൗണ്ടറുകള്‍ സജ്ജീകരിക്കുന്നു. നഗരസഭാ കൗണ്‍സില്‍ ലോഞ്ചില്‍ സജ്ജമാക്കുന്ന 7 പ്രത്യേക കൗണ്ടറുകളുടെ ഉദ്ഘാടനം 2019 നവംബര്‍ 21-ാം തീയതി രാവിലെ 10 മണിക്ക് മേയര്‍ കെ.ശ്രീകുമാര്‍ നിര്‍വ്വഹിക്കും.
