കുടുംബശ്രീ മിഷന്റെ കീഴിൽ പ്രവർത്തിക്കുന്ന ബാലസഭ കുട്ടികൾക്കായി കൈനകരി പഞ്ചായത്തിന്റെയും സി ഡി എസിന്റെയും നേതൃത്വത്തിൽ രണ്ടാമത് വള്ളംകളി മത്സരം സംഘടിപ്പിച്ചു.കൈനകരി പുത്തൻതോട്ടിൽ രാവിലെ പത്ത് മണി മുതലായിരുന്നു മത്സരം.കുടുംബശ്രീ എ ഡി എം സി കെ.ബി അജയകുമാർ പരിപാടി ഉദ്ഘാടനം ചെയ്തു. ഭാവി വാഗ്ദാനങ്ങളായ കുട്ടികളുടെ സർഗ്ഗവാസനകളെ പ്രോത്സാഹിപ്പിക്കുന്നതിനും അവരെ കായികമായും മാനസികമായും പ്രാപതരാകുന്നതിനും വേണ്ടിയാണ് ഇത്തരത്തിൽ വള്ളംകളി മത്സരം സംഘിപ്പിക്കുന്നതെന്ന് സംഘാടകർ അഭിപ്രായപ്പെട്ടു.
വിവിധ ഘട്ടങ്ങളിലായി നടന്ന മത്സരത്തിൽ അഞ്ചാം തുഴ വിഭാഗത്തിൽ ഒന്നാം സ്ഥാനം ടീം എംബ്രോസിനും രണ്ടാം സ്ഥാനം ടീം അന്തേരിക്കും ലഭിച്ചു.മൂന്നാം തുഴ വിഭാഗത്തിൽ ഒന്നാംസ്ഥാനം ടീം എംബ്രോസിനും രണ്ടാംസ്ഥാനം ടീം ഗുരുമന്ദിരവും മൂന്നാം സ്ഥാനം റോയൽ ജൂനിയേഴ്‌സും സ്വന്തമാക്കി.വ്യക്തിഗത ഘട്ടമായി ആവേശത്തിൽ നടന്ന ഒന്നാം തുഴയിൽ ഒന്നാം സ്ഥാനം പ്രണവും രണ്ടാം സ്ഥാനം രാഹുലും മൂന്നാം സ്ഥാനം സഞ്ജുവും കരസ്ഥമാക്കി.വള്ളംകളി രംഗത്ത് പ്രശസ്തമായ കൈനകരിയിൽ നിരവധിപേരാണ് കുട്ടികളുടെ ആവേശപ്പോരാട്ടം കാണാനായി ആദ്യാവസാനം എത്തിയത്.
- 31 views