സംസ്ഥാന സര്‍ക്കാരിന്റെ ഒന്നാം വാര്‍ഷികാഘോഷങ്ങളില്‍ വ്യത്യസ്ത രുചി വിളമ്പി ശ്രദ്ധ നേടുകയാണ് കുടുംബശ്രീ അംഗങ്ങള്‍. കണ്ണൂര്‍ പോലീസ് മൈതാനിയില്‍ ഏപ്രില്‍ 3നാണ് സര്‍ക്കാരിന്റെ ഒന്നാം വാര്‍ഷികാഘോഷങ്ങള്‍ക്ക് തുടക്കം കുറിച്ചത്.
പോലീസ് മൈതാനിയില്‍ ഒരുക്കിയിരിക്കുന്ന 80,000 ചതുരശ്ര അടി വിസ്തീര്‍ണ്ണത്തിലുള്ള പ്രദര്‍ശന - വിപണന സ്റ്റാളില്‍ 8000 ചതുരശ്ര അടിയിലുള്ള ഫുഡ്‌കോര്‍ട്ടിലാണ് കുടുംബശ്രീ അംഗങ്ങള്‍ സ്വാദൂറും രുചി വിളമ്പി താരങ്ങളായി മാറിയിരിക്കുന്നത്. അട്ടപ്പാടിയില്‍ നിന്ന് വനസുന്ദരി, കാസറഗോഡ് നിന്ന് നിന്ന് ചിക്കന്‍ സ്റ്റിക്ക്, കണ്ണൂരില്‍ നിന്ന് വെറൈറ്റി ജ്യൂസുകള്‍ തുടങ്ങീ നിരവധി വിഭവങ്ങള്‍ ഈ ഫുഡ് കോര്‍ട്ടില്‍ ലഭിക്കും.
ഇത് കൂടാതെ 10 പ്രദര്‍ശന - വിപണന സ്റ്റാളുകളിലും കുടുംബശ്രീയുടെ സാന്നിധ്യമുണ്ട്. ജില്ലയിലെ 80ലധികം സംരംഭകരുടെ വൈവിധ്യമാര്‍ന്ന ഉത്പന്നങ്ങള്‍ ഈ സ്റ്റാളുകളില്‍ വിപണനത്തിനായി സജ്ജമാക്കിയിരിക്കുന്നു.
2017 മുതല്‍ 2022 വരെയുള്ള കുടുംബശ്രീ ജില്ലാ മിഷന്റെ നേട്ടങ്ങള്‍ വിശദമാക്കുന്ന 'കനല്‍ താണ്ടിയ വഴികള്‍' എന്ന 36 മിനിറ്റുള്ള വീഡിയോയും പ്രദര്‍ശിപ്പിക്കുന്നു. ഏപ്രില്‍ 14നാണ് സമാപനം.
- 15 views
Content highlight
Kudumbashree members from Kannur serves different cuisines at the First Anniversary Celebrations of the State Government