കുടുംബശ്രീ ഇനിഷ്യേറ്റീവ് ഫോര്‍ ബിസിനസ് സൊല്യൂഷന്‍സ്-കിബ്സ് വഴി സംസ്ഥാനത്ത് തൊഴില്‍ ലഭിച്ചത് 1190 പേര്‍ക്ക്. നഗരമേഖലയിലെ സര്‍ക്കാര്‍, അര്‍ദ്ധ സര്‍ക്കാര്‍, പൊതുമേഖല, സ്വകാര്യ സ്ഥാപനങ്ങള്‍ എന്നിവിടങ്ങളില്‍ ഉള്‍പ്പെടെ തൊഴില്‍ വൈദഗ്ധ്യമുള്ള വനിതകള്‍ക്ക് തൊഴില്‍ ലഭ്യമാക്കിക്കൊണ്ട് അവര്‍ക്ക് സുസ്ഥിര വരുമാന ലഭ്യത ഉറപ്പുവരുത്തുകയാണ് പദ്ധതിയുടെ ലക്ഷ്യം. നിലവില്‍ ജോലി ലഭിച്ച 1190 പേരില്‍ 1060 പേരും സ്ത്രീകളാണ്. ട്രാന്‍സ്ജെന്‍ഡര്‍ വിഭാഗത്തില്‍ പെട്ട 14 പേരും 116 പുരുഷന്‍മാരും ഇതില്‍ ഉള്‍പ്പെടുന്നു.
കുടുംബശ്രീ സംസ്ഥാന മിഷന്‍റെ നേതൃത്വത്തില്‍ എറണാകുളം ആസ്ഥാനമാക്കിയാണ് കിബ്സിന്‍റെ പ്രവര്‍ത്തനങ്ങള്‍. ട്രാവന്‍കൂര്‍ കൊച്ചി സയന്‍റിഫിക് ചാരിറ്റബിള്‍ സൊസൈറ്റി ആക്ട് പ്രകാരമാണ് കിബ്സിന്‍റെ രൂപീകരണം. വിവിധ മേഖലകളില്‍ പ്രവര്‍ത്തിക്കുന്ന സ്ഥാപനങ്ങള്‍ക്ക് ആവശ്യമായ ജീവനക്കാരെ നല്‍കുന്ന ഫെസിലിറ്റി മാനേജ്മെന്‍റ് സെന്‍ററാണ് കിബ്സ്. കൊച്ചി റെയില്‍ മെട്രോയുടെ 24 സ്റ്റേഷനുകളിലും ജോലി ചെയ്യുന്ന 585 കുടുംബശ്രീ വനിതകള്‍ക്ക് അഭിമാനകരമായ ജോലി ലഭ്യമായതും കിബ്സ് വഴിയാണ്. ഹൗസ് കീപ്പിങ്ങ്, ടിക്കറ്റിംഗ്, കസ്റ്റമര്‍ കെയര്‍ സര്‍വീസ്, ഹെല്‍പ് ഡെസ്ക്, കസ്റ്റമര്‍ ഫെസിലിറ്റേഷന്‍ സര്‍വീസ്, പൂന്തോട്ടം-പച്ചക്കറി തോട്ട നിര്‍മാണം, കിച്ചണ്‍, കാന്‍റീന്‍, പാര്‍ക്കിങ്ങ് എന്നീ വിഭാഗങ്ങളിലാണ് ഇവരുടെ സേവനം. കൊച്ചി മെട്രോയില്‍ ട്രാന്‍സ് ജെന്‍ഡര്‍ വിഭാഗത്തിലുള്ളവര്‍ക്ക് ജോലി ലഭ്യമായതും കിബ്സ് വഴിയാണ്.
കൊച്ചി റെയില്‍ മെട്രോയ്ക്കു ശേഷം കൊച്ചി വാട്ടര്‍ മെട്രോയിലും ഹൗസ് കീപ്പിങ്ങ്, ടിക്കറ്റിങ്ങ് എന്നീ ജോലികള്‍ക്കായി നിയോഗിച്ചിട്ടുള്ള മുപ്പത് പേരും കുടുംബശ്രീ വനിതകളാണ്. കിബ്സ് വഴിയാണ് ഇവര്‍ക്കും തൊഴില്‍ ലഭ്യമായത്. കിബ്സ് വഴി വിവിധ സര്‍ക്കാര്‍ അര്‍ദ്ധ സര്‍ക്കാര്‍ പൊതുമേഖലാ സ്ഥാപനങ്ങള്‍, സര്‍വകലാശാലകള്‍ എന്നിവിടങ്ങളില്‍ തൊഴില്‍ ലഭിക്കുന്നവര്‍ക്ക് സര്‍ക്കാര്‍ അംഗീകരിച്ചിട്ടുള്ള വേതനവും ഇ.എസ്.ഐ, പ്രൊവിഡന്‍റ് ഫണ്ട്, ഗ്രാറ്റുവിറ്റി തുടങ്ങിയ ആനുകൂല്യങ്ങളും ഉറപ്പു വരുത്തുന്നുണ്ട്.
കുടുംബശ്രീ സംസ്ഥാന മിഷന്‍റെ നേതൃത്വത്തില്‍ എറണാകുളം ആസ്ഥാനമാക്കിയാണ് കിബ്സിന്‍റെ പ്രവര്‍ത്തനങ്ങള്‍. ട്രാവന്‍കൂര്‍ കൊച്ചി സയന്‍റിഫിക് ചാരിറ്റബിള്‍ സൊസൈറ്റി ആക്ട് പ്രകാരമാണ് കിബ്സിന്‍റെ രൂപീകരണം. വിവിധ മേഖലകളില്‍ പ്രവര്‍ത്തിക്കുന്ന സ്ഥാപനങ്ങള്‍ക്ക് ആവശ്യമായ ജീവനക്കാരെ നല്‍കുന്ന ഫെസിലിറ്റി മാനേജ്മെന്‍റ് സെന്‍ററാണ് കിബ്സ്. കൊച്ചി റെയില്‍ മെട്രോയുടെ 24 സ്റ്റേഷനുകളിലും ജോലി ചെയ്യുന്ന 585 കുടുംബശ്രീ വനിതകള്‍ക്ക് അഭിമാനകരമായ ജോലി ലഭ്യമായതും കിബ്സ് വഴിയാണ്. ഹൗസ് കീപ്പിങ്ങ്, ടിക്കറ്റിംഗ്, കസ്റ്റമര്‍ കെയര്‍ സര്‍വീസ്, ഹെല്‍പ് ഡെസ്ക്, കസ്റ്റമര്‍ ഫെസിലിറ്റേഷന്‍ സര്‍വീസ്, പൂന്തോട്ടം-പച്ചക്കറി തോട്ട നിര്‍മാണം, കിച്ചണ്‍, കാന്‍റീന്‍, പാര്‍ക്കിങ്ങ് എന്നീ വിഭാഗങ്ങളിലാണ് ഇവരുടെ സേവനം. കൊച്ചി മെട്രോയില്‍ ട്രാന്‍സ് ജെന്‍ഡര്‍ വിഭാഗത്തിലുള്ളവര്‍ക്ക് ജോലി ലഭ്യമായതും കിബ്സ് വഴിയാണ്.
കൊച്ചി റെയില്‍ മെട്രോയ്ക്കു ശേഷം കൊച്ചി വാട്ടര്‍ മെട്രോയിലും ഹൗസ് കീപ്പിങ്ങ്, ടിക്കറ്റിങ്ങ് എന്നീ ജോലികള്‍ക്കായി നിയോഗിച്ചിട്ടുള്ള മുപ്പത് പേരും കുടുംബശ്രീ വനിതകളാണ്. കിബ്സ് വഴിയാണ് ഇവര്‍ക്കും തൊഴില്‍ ലഭ്യമായത്. കിബ്സ് വഴി വിവിധ സര്‍ക്കാര്‍ അര്‍ദ്ധ സര്‍ക്കാര്‍ പൊതുമേഖലാ സ്ഥാപനങ്ങള്‍, സര്‍വകലാശാലകള്‍ എന്നിവിടങ്ങളില്‍ തൊഴില്‍ ലഭിക്കുന്നവര്‍ക്ക് സര്‍ക്കാര്‍ അംഗീകരിച്ചിട്ടുള്ള വേതനവും ഇ.എസ്.ഐ, പ്രൊവിഡന്‍റ് ഫണ്ട്, ഗ്രാറ്റുവിറ്റി തുടങ്ങിയ ആനുകൂല്യങ്ങളും ഉറപ്പു വരുത്തുന്നുണ്ട്.
- 19 views
Content highlight
1190 people get jobs through Kudumbashree Initiative for Business Solutions (KIBS)