Covid 19-Deadline for payment of property tax without penalty 31/03/2022 Extended Order
സ.ഉ(ആര്.ടി) 117/2022/തസ്വഭവ Dated 17/01/2022
വസ്തു നികുതി പിഴ കൂടാതെ അടയ്കാനുള്ള തീയതി നീട്ടിയത് സംബന്ധിച്ച ഉത്തരവ്
സ.ഉ(ആര്.ടി) 117/2022/തസ്വഭവ Dated 17/01/2022
വസ്തു നികുതി പിഴ കൂടാതെ അടയ്കാനുള്ള തീയതി നീട്ടിയത് സംബന്ധിച്ച ഉത്തരവ്
പദ്ധതിയുടെ ലോഗോ മന്ത്രി പ്രകാശനം ചെയ്തു.
15 ലക്ഷം രൂപ എം.എല്.എ. ഫണ്ടില് നിന്നും അനുവദിച്ചു
തിരുവനന്തപുരം ജില്ലയിലെ മാണിക്കല് ഗ്രാമപഞ്ചായത്തില് ഹരിതകേരളം മിഷന്റെ നേതൃത്വത്തില് തുടക്കം കുറിച്ച പുഴയൊഴുകും മാണിക്കല് പദ്ധതി വന് ജനപങ്കാളിത്തത്തോടെ സമയബന്ധിതമായി പൂര്ത്തിയാക്കുമെന്ന് ഭക്ഷ്യ സിവില് സപ്ലൈസ് വകുപ്പ് മന്ത്രി ജി.ആര്.അനില്. പുഴ മാലിന്യ രഹിതമാക്കല്, കൃഷി വീണ്ടെടുക്കല്, ഗ്രാമീണ ടൂറിസം നടപ്പാക്കല്, പ്രഭാത സായാഹ്ന സവാരി പാതകള് സൃഷ്ടിക്കല്, നീര്ത്തടാധിഷ്ഠിത വികസന പദ്ധതികള് നടപ്പിലാക്കല് തുടങ്ങി വ്യത്യസ്ത ഘടകങ്ങള് ഉള്ക്കൊള്ളുന്ന സമഗ്ര പദ്ധതിയായ പുഴയൊഴുകും മാണിക്കലിനെ സംസ്ഥാനത്തെ മാതൃകാപദ്ധതിയായി മാറ്റും. പദ്ധതി അവലോകനത്തിനായി സെക്രട്ടേറിയേറ്റില് ചേര്ന്ന ഉന്നതതല യോഗത്തില് സംസാരിക്കുകയായിരുന്നു മന്ത്രി. നിലവില് തടസ്സങ്ങളില്ലാത്ത സ്ഥലങ്ങളില് പദ്ധതി പ്രവര്ത്തനങ്ങള് ആദ്യം പൂര്ത്തിയാക്കണമെന്നും പ്രദേശത്ത് നേരിട്ടെത്തി തുടര്പ്രവര്ത്തനങ്ങള് ആസൂത്രണം ചെയ്യണമെന്നും യോഗത്തില് പങ്കെടുത്ത ജലവിഭവം, വനം, ടൂറിസം, മണ്ണ്സംരക്ഷണം, തൊഴിലുറപ്പ് പദ്ധതി തുടങ്ങി വകുപ്പ് ഉദ്യോഗസ്ഥര്ക്ക് മന്ത്രി നിര്ദ്ദേശം നല്കി. പദ്ധതി നടത്തിപ്പിനായി എം.എല്.എ. ഫണ്ടില് നിന്നും 15 ലക്ഷം രൂപ അനുവദിച്ചതായി മന്ത്രി അിറയിച്ചു. പുഴവീണ്ടെടുക്കുന്ന പ്രവര്ത്തനങ്ങള്ക്കൊപ്പം സുസ്ഥിരമായി അത് നിലനിര്ത്താനുള്ള പദ്ധതികളും തുടക്കത്തിലേ തന്നെ ആസൂത്രണം ചെയ്യുമെന്ന് പദ്ധതിയെക്കുറിച്ച് വിശദീകരിച്ച് നവകേരള കര്മ്മപദ്ധതി കോര്ഡിനേറ്റര് ഡോ. ടി.എന്.സീമ പറഞ്ഞു. ഗ്രാമീണ ടൂറിസത്തിന് മികച്ച ഉദാഹരണമായി പദ്ധതി മാറുമെന്നും ഡോ.ടി.എന്. സീമ അഭിപ്രായപ്പെട്ടു. യോഗത്തില് വിവിധ വകുപ്പുകള് നല്കിയ നിര്ദ്ദേശങ്ങള് പഞ്ചായത്തിന്റെ വാര്ഷിക പദ്ധതിയില് ഉള്പ്പെടുത്തി നടപ്പാക്കുമെന്നും യോഗത്തില് സംബന്ധിച്ച മാണിക്കല് പഞ്ചായത്ത് പ്രസിഡന്റ് കുതിരകുളം ജയന് പറഞ്ഞു. പുഴയൊഴുകും മാണിക്കല് പദ്ധതി കോര്ഡിനേറ്റര് ജി.രാജേന്ദ്രന് പഞ്ചായത്ത് വൈസ് പ്രസിഡന്റ് ലേഖ കുമാരി, സ്റ്റാന്റിംഗ് കമ്മിറ്റി ചെയര്പേഴ്സണ്മാരായ സുരേഷ്കുമാര്, അനില്കുമാര്, സഹീറത്ത് ബീവി, പഞ്ചായത്ത് സെക്രട്ടറി, ഹരിതകേരളം മിഷനിലേയും വിവിധ വകുപ്പുകളിലേയും സംസ്ഥാനതല ഉദ്യോഗസ്ഥര് തുടങ്ങിയവര് പങ്കെടുത്തു.
മാണിക്കല് പ്രദേശത്ത് വേളാവൂര് തോട് എന്നറിയപ്പെടുന്ന പുഴയുമായി ബന്ധിപ്പിച്ച് നടപ്പാക്കാനുദ്ദേശിക്കുന്ന സമഗ്ര പദ്ധതിയാണ് പുഴയൊഴുകും മാണിക്കല്. മാണിക്കല് ഗ്രാമപഞ്ചായത്തിന്റെയും ഹരിതകേരളം മിഷന്റെയും നേതൃത്വത്തിലാണ് പദ്ധതിക്ക് തുടക്കം കുറിച്ചിട്ടുള്ളത്. നിലവില് നിരവധി പ്രശ്നങ്ങള് അഭിമുഖീകരിക്കുന്ന ഈ പുഴയും അനുബന്ധ ഭൂപ്രദേശങ്ങളും വീണ്ടെടുക്കുകയും പ്രദേശവാസികളുടെ സാമ്പത്തിക വികസനവും തൊഴില് സാധ്യതകളും വര്ദ്ധിപ്പിക്കുകയും ചെയ്യുക എന്ന ലക്ഷ്യത്തോടെയാണ് പദ്ധതി നടപ്പാക്കുന്നത്. ഹരിതകേരളം മിഷന്റെ ജനകീയ നീര്ച്ചാല് വീണ്ടെടുപ്പ് യജ്ഞമായ ഇനി ഞാനൊഴുകട്ടെയില് ഉള്പ്പെടുത്തിയാണ് പദ്ധതി ആസൂത്രണം ചെയ്യുന്നത്.
വികേന്ദ്രീകൃതാസൂത്രണ സംസ്ഥാനതല കോ-ഓര്ഡിനേഷന് കമ്മിറ്റിയുടെ അടുത്ത യോഗം 11.01.2022, ചൊവ്വാഴ്ച ഉച്ചയ്ക്ക് 3.00 മണിക്ക് സമൃദ്ധി ഹാളിൽ (സംസ്ഥാന പ്ലാനിംഗ് ബോര്ഡ് കാര്യാലയം, പട്ടം) ചേരുന്നു
റേഷന് കടകളെ പഞ്ചായത്ത് ലൈസന്സ് ഫീസ് , തൊഴില് നികുതി എന്നിവ ഒടുക്കുന്നതില് നിന്നും ഒഴിവാക്കാന് കഴിയില്ലായെന്നു അറിയിക്കുന്നു
2005 ലെ കേന്ദ്ര വിവരാവകാശ നിയമത്തിനനുസൃതമായി ഓരോ പബ്ലിക് അതോറിറ്റിയും ഒരു സ്റ്റേറ്റ് പബ്ലിക് ഇൻഫർമേഷൻ ഓഫീസറേയും സ്റ്റേറ്റ് അസിസ്റ്റൻ്റ് പബ്ലിക് ഇൻഫർമേഷൻ ഓഫീസറേയും നിയമിക്കേണ്ടതുണ്ട്.പഞ്ചായത്ത് വകുപ്പിലെ ഓരോ ആഫീസും ഓരോ പബ്ലിക് അതോറിറ്റിയായി കണക്കാക്കി ഓരോ തലത്തിലും സ്റ്റേറ്റ് പബ്ലിക് ഇൻഫർമേഷൻ ഓഫീസർ , അപ്പലേറ്റ് അതോറിറ്റി എന്നിവരേയും നിയമിക്കണമെന്ന് സർക്കാരിൻ്റെ 10.10.2005 ലെ ജി.ഒപി നമ്പർ367/05/ജിഎഡി പ്രകാരം ഉത്തരവായിരുന്നു.
മേൽ ഉത്തരവിൻ്റെ അടിസ്ഥാനത്തിൽ ഈ കാര്യാലയത്തിലെ പരാമർശം( 2), (3 ) എന്നിവ പ്രകാരം ഒന്നാം അപ്പീൽ അധികാരികളെയും സ്റ്റേറ്റ് പബ്ലിക് ഇൻഫർമേഷൻ ഓഫീസർമാരെയും സ്റ്റേറ്റ് അസിസ്റ്റൻ്റ് പബ്ലിക് ഇൻഫർമേഷൻ ഓഫീസർമാരെയും നിയോഗിച്ചുകൊണ്ട് ഉത്തരവ് പുറപ്പെടുവിച്ചിരുന്നു. വിവരാവകാശ നിയമപ്രകാരം ലഭിക്കുന്ന അപേക്ഷകളും അപ്പീലുകളും വർദ്ധിച്ചുവരുന്ന സാഹചര്യത്തിലും ,പൊതുജനങ്ങൾക്ക് ബുദ്ധിമുട്ടുണ്ടാകാതെ കാര്യക്ഷമമായി സേവനങ്ങൾ യഥാസമയം പ്രദാനം ചെയ്യുന്നതിൻ്റെ ഭാഗമായും വിവരാവകാസ നിയമപ്രകാരമുള്ള അപേക്ഷകൾക്ക് മറുപടി നൽകുന്നതിന് നിലവിലെ ക്രമീകരണങ്ങളിൽ ചില മാറ്റങ്ങൾ ആവശ്യമാണെന്ന് കാണുന്നു. ആയതിനാൽ 2005 ലെ വിവരവകാശ നിയമം അനുശാസിക്കും പ്രകാരം ചുവടെ ചേർക്കുന്ന വിധം ജില്ലാതല ആഫീസുകളിലും ,പെർഫോർമൻസ് ഓഡിറ്റ് യൂണിറ്റുകളിലും , ഗ്രാമപഞ്ചായത്തുകളിലും പബ്ലിക് ഇൻഫർമേഷൻ ഓഫീസർമാരെയും സ്റ്റേറ്റ് അസിസ്റ്റൻ്റ് പബ്ലിക് ഇൻഫർമേഷൻ ഓഫീസറേയും അപ്പീൽ അധികാരിയേയും നിയമിച്ച് ഉത്തരവാകുന്നു.
കാര്യാലയത്തിൻ്റെ പേര് |
സ്റ്റേറ്റ് പബ്ലിക് ഇൻഫർമേഷൻ ഓഫീസർ |
സ്റ്റേറ്റ് അസിസ്റ്റൻ്റ് പബ്ലിക് ഇൻഫർമേഷൻ ഓഫീസർ |
അപ്പീൽ അധികാരി |
പഞ്ചായത്ത് ഡെപ്യൂട്ടി ഡയറക്ടർ ആഫീസ് |
സീനിയർ സൂപ്രണ്ട് |
ജൂനിയർ സൂപ്രണ്ട് |
പഞ്ചായത്ത് ഡെപ്യൂട്ടി ഡയറക്ടർ |
പഞ്ചായത്ത് അസിസ്റ്റൻ്റ് ഡയറക്ടർ ആഫീസ് |
ജൂനിയർ സൂപ്രണ്ട് |
സീനിയർ ക്ലാർക്ക് |
പഞ്ചായത്ത് അസിസ്റ്റൻ്റ് ഡയറക്ടർ |
പെർഫോർമൻസ് ഓഡിറ്റ് യൂണിറ്റ് |
ജൂനിയർ സൂപ്രണ്ട് |
സീനിയർ ക്ലാർക്ക് |
പെർഫോർമൻസ് ഓഡിറ്റ് യൂണിറ്റ് സൂപ്പർവൈസർ |
ഗ്രാമപഞ്ചായത്താഫീസുകൾ |
ജൂനിയർ സൂപ്രണ്ട്/ഹെഡ് ക്ലാർക്ക് |
അക്കൌണ്ടൻ്റ് |
പെർഫോർമൻസ് ഓഡിറ്റ് യൂണിറ്റ് സൂപ്പർവൈസർ |
ജൂനിയർ സൂപ്രണ്ട്/ഹെഡ് ക്ലാർക്ക് തസ്തിക നിലവില്ലാത്ത ഗ്രാമപഞ്ചായത്തുകളിൽ അസിസറ്റൻ്റ് സെക്രട്ടറിക്ക് സ്റ്റേറ്റ് പബ്ലിക് ഇൻഫർമേഷൻ ഓഫീസർ ചുമതല നൽകേണ്ടതാണ്.
നിലവിൽ പെർഫോർമൻസ് ഓഡിറ്റ് യൂണിറ്റ് സൂപ്പർവൈസർ ഇല്ലാത്ത പെർഫോർമൻസ് ഓഡിറ്റ് യൂണിറ്റുകളിൽ സൂപ്പർവൈസറുടെ ചുമതല വഹിക്കാത്ത ജൂനിയർ സൂപ്രണ്ടിന് സ്റ്റേറ്റ് പബ്ലിക് ഇൻഫർമേഷൻ ഓഫീസർ ചുമതല നൽകേണ്ടതാണ്..
മേൽ നിർദ്ദേശ പ്രകാരം ഉദ്യോഗസ്ഥരെ ചുമതലപ്പെടുത്തുന്നതിനും വിവരാവകാശനിയമം 2005 അനുശാസിക്കും പ്രകാരമുള്ള ക്രമീകരണങ്ങൾ ഏർപ്പെടുത്തുന്നതിനും ഓഫീസ് മേലധികാരി നടപടികൾ സ്വീകരിക്കേണ്ടതാണ്,