ലൈഫ് മിഷൻ -ഗുണഭോക്തൃ പട്ടിക അന്തിമമാക്കുന്നതിനുള്ള നിർദേശങ്ങൾ
ലൈഫ് മിഷൻ ഗുണഭോക്തൃ പട്ടിക അന്തിമമാക്കുന്നതിനുള്ള നിർദേശങ്ങൾ
സര്‍ക്കുലര്‍ നമ്പര്‍ 344/ഡി.ബി.1/2017/തസ്വഭവ തിയ്യതി 25/11/2017
news
നഗരാസൂത്രണ കാര്യാലയത്തില്‍ ഫയല്‍ അദാലത്ത് ഡിസംബര്‍ എട്ടിന്
മുഖ്യ നഗരാസൂത്രകന്റെ നേതൃത്വത്തില്‍ തിരുവനന്തപുരം മേഖല നഗരാസൂത്രണ കാര്യാലയത്തില്‍ ഡിസംബര്‍ എട്ടിന് രാവിലെ 10 മണി മുതല്‍ വൈകുന്നേരം നാല് മണി വരെ ഫയല്‍ അദാലത്ത് നടത്തും. 2017 ഒക്ടോബര്‍ 31 ന് മുമ്പ് ജില്ലാ ആസൂത്രണ കാര്യാലയത്തില്‍ ലഭിച്ചതും തീര്‍പ്പാക്കാത്തതുമായ അപേക്ഷകളില്‍ അദാലത്തില്‍ പരാതി നല്‍കി പരിഹാരം തേടാം. പരാതികള്‍ ഡിസംബര്‍ അഞ്ച് വൈകുന്നേരം അഞ്ച് മണിക്ക് മുമ്പ് തിരുവനന്തപുരം നഗരാസൂത്രകന് ലഭിക്കണം. തദ്ദേശസ്വയംഭരണ മന്ത്രി ഡോ.കെ.ടി.ജലീലിന്റെ നിര്‍ദേശപ്രകാരമാണ് അദാലത്ത് നടത്തുന്നത്.
പരാതികള്‍ ഇ-മെയില്‍ ആയോ, തപാല്‍ വഴിയോ, നേരിട്ടോ സമര്‍പ്പിക്കാം. നഗരാസൂത്രകന്, മേഖലാ നഗരാസൂത്രണ കാര്യാലയം, രണ്ടാം നില, അപ്പര്‍ സോണ്‍, ഹൗസിംഗ് ബോര്‍ഡ് ബില്‍ഡിംഗ്, ശാന്തി നഗര്‍, തിരുവനന്തപുരം എന്ന വിലാസത്തില്‍ പരാതികള്‍ അയയ്ക്കണം. ഇ-മെയില്‍ tcpdtvm@gmail.com.
പരാതിയില്‍ വിഷയം വ്യക്തമായും പൂര്‍ണമായും രേഖപ്പെടുത്തണം. നഗരാസൂത്രകന്റെ ഓഫീസിലെ ബന്ധപ്പെട്ട ഫയല്‍ നമ്പര്‍, മറ്റു രേഖകള്‍ എന്നിവയുണ്ടെങ്കില്‍ അവയുടെ പകര്‍പ്പും പരാതിക്കൊപ്പം നല്‍കണം. പരാതികള്‍ക്ക് ഏറ്റവും മുകളിലായി ‘ഫയല്‍ അദാലത്ത് – ഡിസംബര്‍ 2017’ എന്ന് രേഖപ്പെടുത്തണം. ഫയല്‍ അദാലത്തുമായി ബന്ധപ്പെട്ട് സംശയ നിവാരണത്തിന് 0471-2339945 എന്ന നമ്പറില്‍ ബന്ധപ്പെടണം.
2018-19 വാര്‍ഷിക പദ്ധതി തയ്യാറാക്കുന്നതിനുവേണ്ട മുന്നൊരുക്ക പ്രവര്‍ത്തനങ്ങള്‍ നടത്തുന്നതിനുള്ള നിര്‍ദ്ദേശങ്ങള്‍
സ.ഉ(എം.എസ്) 224/2017/തസ്വഭവ തിയ്യതി 16/11/2017 - ഗ്രാമ, ബ്ലോക്ക്, ജില്ലാ പഞ്ചായത്തുകള്‍
സ.ഉ(എം.എസ്) 223/2017/തസ്വഭവ തിയ്യതി 16/11/2017 - മുനിസിപ്പാലിറ്റികളും കോര്‍പ്പറേഷനുകളും
പ്രോജക്റ്റ്‌ ഭേദഗതി നവംബര്‍ 15 വരെ നീട്ടിയിരിക്കുന്നു.
പ്രോജക്റ്റ്‌ ഭേദഗതി നവംബര്‍ 15 വരെ നീട്ടിയിരിക്കുന്നു.
പി എം ജി എസ് വൈ-2 ല്‍ സംസ്ഥാനത്തിന് പുതുതായി 66 റോഡുകള്‍
പി എം ജി എസ് വൈ-2 ല്‍ സംസ്ഥാനത്തിന് പുതുതായി 66 റോഡുകള്‍ കേന്ദ്ര ഗ്രാമ വികസന മന്ത്രാലയം അനുവദിച്ചു .263.365 കി മീ ദൈര്‍ഘ്യം വരുന്ന 196.85 കോടി രൂപയുടെ റോഡുകള്‍ക്കാണ് അനുമതി
ഇ ഗവേണൻസ് രംഗത്ത് പാലക്കാടിന് ഒരു ചുവട് വെപ്പ് കൂടി
പാലക്കാട് ജില്ലയിലെ മുഴുവൻ ഗ്രാമ പഞ്ചായത്തുകളിലും ബ്ലോക്ക് പഞ്ചായത്തുകളിലും സകർമ്മ സോഫ്റ്റ് വെയറും, ജില്ലയിലെ എല്ലാ തദ്ദേശസ്ഥാപനങ്ങളിലും സങ്കേതം സോഫ്റ്റ് വെയറും നടപ്പിലാക്കിയതിന്‍റെ ജില്ലാതല പ്രഖ്യാപനം ബഹു: തദ്ദേശ സ്വയംഭരണ വകുപ്പ് മന്ത്രി ശ്രീ കെ. ടി ജലീൽ അവർകൾ 2017 ഒക്ടോബര്‍ 21, വൈകുന്നേരം 3 മണിക്ക് പാലക്കാട് ജില്ലാ പഞ്ചായത്ത് ഹാളില്‍ നിർവ്വഹിച്ചു.
പാലക്കാട് ജില്ലാ പഞ്ചായത്ത് പ്രസിഡണ്ട് അഡ്വ. ശാന്തകുമാരി അവർകളുടെ അധ്യക്ഷതയിൽ ചേർന്ന യോഗത്തിൽ ബഹു പഞ്ചായത്ത് ഡയറക്ടർ ശ്രീമതി മേരിക്കുട്ടി IAS, പാലക്കാട് ജില്ലാ കളക്ടര്‍, നഗരകാര്യ ഡയറക്ടര്‍, ഗ്രാമവികസന കമ്മീഷണര്‍, പഞ്ചായത്ത് അഡീഷണൽ ഡയറക്ടറും ഐ.കെ.എം ഗ്രൂപ്പ് ഡയറക്ടറുമായ ശ്രീ അജിത് കുമാര്‍, മന്ത്രിയുടെ പ്രൈവറ്റ് സെക്രട്ടറി ശ്രീ ജോസ് മാത്യു, ജില്ലാ പ്ലാനിംഗ് ഓഫീസർ, പഞ്ചായത്ത് ഡെപ്യൂട്ടി ഡയറക്ടർ ശ്രീ സുബ്രഹ്മണ്യവാര്യർ. മറ്റ് ജില്ലാതല ഉദ്യോഗസ്ഥർ, ബ്ബോക്ക് - ഗ്രാമ പഞ്ചായത്ത് പ്രസിഡണ്ടുമാർ, മുൻസിപ്പൽ ചെയർമാൻമാർ, ഗ്രാമ-ബ്ലോക്ക് - മുൻസിപ്പൽ സെക്രട്ടറിമാർ, മറ്റ് വകുപ്പിലെ ജില്ലാതല മേധാവികൾ, ഓഡിറ്റ് സൂപ്പർവൈസർമാർ, ഐ.കെ.എം. ജില്ലാ കോ-ഓർഡിനേറ്റർ, ജില്ലാ ടെക്നിക്കൽ ഓഫീസർ തുടങ്ങിയവർ പങ്കെടുത്തു.
ഏകദേശം 3 മാസം കൊണ്ടാണ് ഈ സോഫ്റ്റ്‌വെയറുകൾ 88 പഞ്ചായത്തുകളിലും ബ്ലോക്കുകളിലും വിന്യസിക്കുന്നതിന് പാലക്കാടിന് സാധിച്ചത്. തദ്ദേശസ്ഥാപന അധ്യക്ഷൻമാർ, ബഹു ADC, ഡി ഡി പി, ADP, ഐകെഎം, ജനപ്രതിനിധികൾ, സെക്രട്ടറിമാർ, മറ്റ് ജീവനക്കാർ, പെർഫോമൻസ് ഓഡിറ്റ് സൂപ്പർവൈസർമാർ, മറ്റ് ജീവനക്കാർ, ജില്ലാ തല മാസ്റ്റർ ട്രയിനർമാർ, സാങ്കേതിക ജീവനക്കാർ, കില എന്നിവരുടെ നിർല്ലോഭമായ പിന്തുണയും സഹകരണവും കൂട്ടായ പ്രവ്യത്തനവും ആണ് ഈ നേട്ടങ്ങൾക്ക് പിന്നിൽ. ഇതുമായി ബന്ധപെട്ട ജീവനക്കാർക്കെല്ലാം കില പ്രത്യേകം പരിശീലനം നൽകി. കൂടാതെ ഐ കെ എം നേത്യത്വത്തിൽ ഓരോ PAU യൂണിറ്റിലും വച്ച് LBS മാർക്കും, രണ്ട് തവണ വീതം തദ്ദേശസ്ഥാപനത്തിലെ എല്ലാ ജീവനക്കാർക്കും വീണ്ടും പരിശീലനം നൽകി. 13 ബ്ലോക്ക് പഞ്ചായത്ത് ഓഫീസുകളില്‍ വച്ച് ബ്ലോക്ക്തല ജനപ്രതിനിധികൾക്കും ജീവനക്കാർക്കും ഐ കെ എം ജീവനക്കാര്‍ പരിശീലനം നൽകി. കൂടുതല്‍ പരിശീലനം ആവശ്യപെട്ട തദ്ദേശസ്ഥാപനങ്ങളില്‍ ഐകെഎം മാസ്റ്റര്‍ട്രയിനര്‍മാര്‍ നേരിട്ട് ചെന്ന് പരിശീലനം നല്‍കി.
തദ്ദേശ ഭരണ സ്ഥാപനങ്ങളുടെ പദ്ധതി പുരോഗതി 19 ഒക്ടോബര്‍ 2017
ഒറ്റ നോട്ടത്തില്‍
- 22.33% പദ്ധതി ചെലവ്
- ഗ്രാമ പഞ്ചായത്തുകള്‍ (24.32%) ഏറ്റവും മുന്നില്‍
- ജില്ലാ പഞ്ചായത്തുകള്‍ (12.81%) ഏറ്റവും പിന്നില്‍
- തിരുവനന്തപുരം ജില്ല (24.27%) ഏറ്റവും മുന്നില്‍
- കോട്ടയം ജില്ല (19.37%) ഏറ്റവും പിന്നില്‍
