സ.ഉ(എം.എസ്) 6/2019/പരി Dated 27/11/2019
ഒറ്റ തവണ മാത്രംഉപഭോഗം ഉള്ള (ഒരു തവണ മാത്രം ഉപയോഗിച്ചശേഷം കളയുന്നവ) പ്ലാസ്റ്റിക് വസ്തുക്കള്‍ 2020 ജനുവരി ഒന്ന് മുതല്‍ സംസ്ഥാനത്ത് പൂര്‍ണ്ണമായും നിരോധിച്ച ഉത്തരവ്.
നിരാലംബരും നിര്‍ധനരുമായ കുടുംബങ്ങളുടെ സംരക്ഷണം ലക്ഷ്യമിട്ട് സര്‍ക്കാര്‍ ആവിഷ്‌കരിച്ച പദ്ധതിയാണ് അഗതിരഹിതകേരളം പദ്ധതി.സംസ്ഥാന സർക്കാർ കുടുംബശ്രീയുമായി സംയോജിച്ച് തദ്ദേശസ്വയംഭരണ സ്ഥാപനങ്ങൾ വഴിയാണ് അഗതിരഹിത കേരളം പദ്ധതി നടപ്പാക്കുന്നത്. സാമൂഹ്യ വികസന രംഗത്ത് ശ്രദ്ധേയമായ വിവിധ പ്രവര്‍ത്തനങ്ങള്‍ നടത്തി വിജയം കൈവരിച്ച പരിചയം അഗതി രഹിത കേരളം പദ്ധതി നടപ്പിലാക്കുന്നതിനു കുടുംബശ്രീക്ക് സഹായകമാകും കുടുംബശ്രീയോടൊപ്പം തദ്ദേശസ്വയംഭരണ സ്ഥാപനങ്ങളുടെയും ബ്ലോക്ക്-ജില്ലാ പഞ്ചായത്തുകളുടെയും പൊതുവിതരണം, ആരോഗ്യം, വിദ്യാഭ്യാസം, സാമൂഹ്യനീതി എന്നീ വകുപ്പുകളുടെയും സംയോജിത ഇടപെടലിലൂടെയായിരിക്കും പദ്ധതി നടപ്പിലാക്കുക.
കേരളത്തിലെ തദ്ദേശ സ്വയംഭരണ സ്ഥാപനങ്ങളിലെ അശരണരും നിരാലംബരുമായ മുഴുവന്‍ അഗതി കുടുംബങ്ങളേയും നിലവിലെ ആശ്രയ പദ്ധതികളില്‍ ഉള്‍പ്പെട്ടിട്ടുള്ള തുടര്‍ന്നും സേവനത്തിന് അര്‍ഹരായ ഗുണഭോക്താക്കളെയും കണ്ടെത്തി ഏകീകൃത പദ്ധതി എന്ന നിലയിലാണ് അഗതിരഹിത കേരളം പദ്ധതി ആരംഭിക്കുന്നത്. ഇതുവരെ യാതൊരു പരിരക്ഷയും ലഭിക്കാത്ത അഗതി കുടുംബങ്ങളെ കണ്ടെത്തുവാനും അര്‍ഹതയില്ലാതെ ആനുകൂല്യം വാങ്ങുന്നവരെ കണ്ടെത്തുവാനും സര്‍വ്വേ നടത്തുന്ന ചുമതല കുടുംബശ്രീക്കാണ്. അന്തിമലിസ്റ്റ് സംസ്ഥാനത്തെ എല്ലാ പഞ്ചായത്തുകളും ഗ്രാമസഭകള്‍കൂടി തീരുമാനിക്കുകയും പൂര്‍ത്തിയാക്കിയ ലിസ്റ്റുകള്‍ കുടുംബശ്രീ ജില്ലാമിഷന്‍ മുഖേന സംസ്ഥാന കുടുംബശ്രീ മിഷന് കൈമാറുകയും ചെയ്യും. ഓരോ പഞ്ചായത്തിലേയും ലിസ്റ്റിലെ അര്‍ഹരായ അഗതികള്‍ക്ക് എന്തെല്ലാം പരിമിതികളും ആവശ്യങ്ങളും ഉണ്ടെന്ന് കണ്ടെത്തുകയും മാര്‍ഗ്ഗരേഖ തയ്യാറാക്കുകയും ചെയ്യേണ്ടത് ജില്ലാ കുടുംബശ്രീമിഷനാണ്. ഗുണഭോക്താക്കൾക്ക് അതിജീവനാവശ്യങ്ങളായ ഭക്ഷണം, ചികിൽസ സഹായം, വസ്ത്രം, പെൻഷൻ, മക്കളുടെ വിദ്യാഭ്യാസത്തിനുള്ള സഹായം, ഭവനരഹിതർക്ക് അടിസ്ഥാനസൗകര്യങ്ങളായ വീട്, കുടിവെളളം, ശുചിത്വ സംവിധാനം എന്നിവയും പദ്ധതി ലക്ഷ്യമിടുന്നു. അഗതികുടുംബാംഗങ്ങളെ ഘട്ടംഘട്ടമായി സ്വയം പര്യാപ്തതയിലേക്ക് നയിക്കുന്നതിന് തൊഴിൽ പരിശീലനവും സ്വയം തൊഴിൽ പദ്ധതികൾ ആരംഭിക്കുന്നതിന് കേന്ദ്രസംസ്ഥാന പദ്ധതികളിലൂടെ ധനസഹായവും പദ്ധതിവഴി സാധ്യമാകും
Notification for appointment to the post of Judicial Member and Administrative or Technical Member for the Real Estate Appellate Tribunal as provoded under the Real Estate (Regulation and Development) act, 2016.
No. IB1/293/2019/LSGD Dated 28/11/2019
സര്‍ക്കുലര്‍ ഡിഎ1/361/2019/തസ്വഭവ തിയ്യതി 23/11/2019
വയനാട് ജില്ലയിലെ സുൽത്താൻ ബത്തേരി സർവ്വജന വൊക്കേഷണൽ ഹയർ സെക്കൻഡറി സ്കൂളിലെ ഷഹല ഷെറിൻ എന്ന വിദ്യാർത്ഥിനി പാമ്പുകടിയേറ്റ് മരണമടഞ്ഞ ദുഃഖകരമായ സംഭവത്തിന്‍റെ പശ്ചാത്തലത്തിൽ പൊതുവിദ്യാഭ്യാസ വകുപ്പുമായി ചേർന്ന് അടിയന്തിരമായി സ്വീകരിക്കേണ്ട നടപടികൾ.
പ്ലാസ്റ്റിക് നിരോധനം നടപ്പാക്കാനും ബദല്‍ മാര്‍ഗ്ഗങ്ങളുടെ പ്രചാരണത്തിനും ഹരിതകേരളം മിഷന് കാമ്പയിന്‍ സംഘടിപ്പിക്കുന്നു
ഒരു തവണ മാത്രം ഉപയോഗിക്കുന്ന പ്ലാസ്റ്റിക് വസ്തുക്കളുടെ നിര്‍മ്മാണവും വില്പനയും സൂക്ഷിക്കലും 2020 ജനുവരി ഒന്നു മുതല്‍ സംസ്ഥാനത്ത് നിരോധിക്കാന്‍ സര്‍ക്കാര്‍ തീരുമാനിച്ചതിന്‍റെ പശ്ചാത്തലത്തില്‍ നിരോധന നടപടികള്‍ കര്‍ശനമായി പാലിക്കാനും ബദല്‍ ഉല്പന്നങ്ങള്‍ പരിചയപ്പെടുത്താനും അവ ഉപയോഗിക്കാനുമായി ഹരിതകേരളം മിഷന് തദ്ദേശ സ്വയംഭരണ സ്ഥാപനങ്ങളുമായി ചേര്‍ന്ന് വിപുലമായ കാമ്പയിന്‍ പ്രവര്‍ത്തനങ്ങള്‍ സംഘടിപ്പിക്കുന്നു. ഉപയോഗശേഷം പുറന്തള്ളുന്ന പ്ലാസ്റ്റിക് വസ്തുക്കള്‍ സൃഷ്ടിക്കുന്ന പാരിസ്ഥിതിക - ആരോഗ്യ- മാലിന്യ പ്രശ്നങ്ങള്‍ ഹരിതകേരളം മിഷന് ഗവണ്‍മെന്‍റിന്‍റെ ശ്രദ്ധയില്‍ കൊണ്ടുവന്നിരുന്നു. ഇപ്പോള്‍ പ്രഖ്യാപിച്ച പ്ലാസ്റ്റിക് നിരോധനം പൂര്‍ണമായി അനുവര്‍ത്തിച്ച് പ്രകൃതി സൗഹൃദ ബദല്‍ ഉല്പന്നങ്ങളുടെ ഉപയോഗത്തിന് പ്രചാരം വര്‍ദ്ധിപ്പിക്കാന്‍ ലക്ഷ്യമിട്ടാണ് കാമ്പയിന്‍ സംഘടിപ്പിക്കുന്നത്. ഇതോടൊപ്പം കുടുംബശ്രീ, മററ് സ്വയംതൊഴി സംരംഭകര്‍ എന്നിവരെ പങ്കെടുപ്പിച്ച് ബദല്‍ ഉല്പന്ന നിര്‍മ്മാണം വ്യാപകമാക്കാനും ത്വരിതപ്പെടുത്താനുമുള്ള നടപടികളും സ്വീകരിക്കും. ഹരിതകേരളം മിഷന്‍റെ നേതൃത്വത്തില്‍ നടന്നുവരുന്ന ഹരിതനിയമ ബോധവല്‍ ക്കരണ പരിപാടികള്‍ കൂടുതല്‍ ഊര്‍ജ്ജിതമാക്കും. സംസ്ഥാനത്ത് ഹരിതനിയമങ്ങളെ സംബന്ധിച്ചുള്ള അവബോധം ജനങ്ങളില്‍ വ്യാപകമാക്കാന്‍ ലക്ഷ്യമിട്ട് ഇതുവരെ 20 ലക്ഷം പേര്‍ക്ക് ഹരിതനിയമാവലി പരിശീലനം നല്‍കിയിട്ടുണ്ട്. പരിശീലനം നേടിയവരിലൂടെ സംസ്ഥാന വ്യാപകമായി പരിസ്ഥിതി സംരക്ഷണ നിയമവും ഹരിതനിയമവും പ്രചരിപ്പിക്കും. നിയമലംഘനങ്ങള്‍ക്ക് ലഭിക്കുന്ന ശിക്ഷയും തുടര്‍ നടപടികളും കാമ്പയിന്‍ പ്രവര്‍ത്തനങ്ങളില്‍ ഉള്‍പ്പെടുത്തിയിട്ടുണ്ട്. ബോധവല്‍ ക്കരണ സന്ദേശവും പ്രകൃതി സൗഹൃദ ബദല്‍ ഉല്പന്ന ഉപയോഗത്തിന്‍റെ സാധ്യതകളും സംബന്ധിച്ച് എല്ലാ വീടുകളിലേക്കും കുട്ടികള്‍ മുഖേന ആരംഭിക്കുന്ന കാമ്പയിന്‍ പരിപാടികള്‍ക്ക് ജനുവരി ഒന്നിന് തുടക്കമാവും.
എക്സിക്യുട്ടീവ് വൈസ് ചെയര്‍പേഴ്സണ്‍
ഹരിതകേരളം മിഷന്
2019 ലെ കേരള മുനിസിപ്പാലിറ്റി കെട്ടിട നിര്‍മ്മാണ ചട്ടങ്ങള്‍, 2019 ലെ കേരള പഞ്ചായത്ത് കെട്ടിട നിര്‍മ്മാണ ചട്ടങ്ങള്‍ പ്രാബല്യത്തില്‍ വരുത്തുന്നതിനുള്ള നിര്‍ദ്ദേശങ്ങള്‍
സര്‍ക്കുലര്‍ നമ്പര്‍ 201/ആര്‍.ഡി1/2019/തസ്വഭവ തിയ്യതി 20/11/2019
Project Management Unit (PMU) constituted for the projects assigned to LSGD, as part of the Rebuild Kerala Initiative is seeking competent staff on deputation from Local Self Government Department for the following posts.
All terms and conditions for deputation are applicable for all the posts. The application should be reached to Project Director on or before 30 Nov 2019, 5PM by email or registered post.
Email ID: pmurkilsgd@gmail.com
Website : https://rki.lsgkerala.gov.in
Notification No. E1-2/2019/PMU-LSGD dated 18/11/2019
പെന്‍ഷന്‍ ലഭിക്കുന്നവരെല്ലാം ജീവിച്ചിരുപ്പുണ്ട് എന്ന് സാക്ഷ്യപെടുത്തുന്നതിന് വേണ്ടിയാണ് മസ്റ്ററിംഗ് നടത്തുന്നത്.
കേരളത്തിലെ തദ്ദേശ ഭരണ സ്ഥാപനങ്ങള്‍ മുഖേനെ നല്‍കുന്ന സാമൂഹ്യസുരക്ഷാ പെന്‍ഷനുകളായ വാര്‍ദ്ധക്യകാല പെന്‍ഷന്‍, കര്‍ഷക തൊഴിലാളി പെന്‍ഷന്‍, വിധവാ പെന്‍ഷന്‍, വികലാംഗ പെന്‍ഷന്‍, 50 വയസ്സിന് മുകളിലുള്ള അവിവാഹിത പെന്‍ഷന്‍ എന്നിവ വാങ്ങുന്നവരും, കൂടാതെ ക്ഷേമനിധി ബോര്‍ഡില്‍ നിന്നും പെന്‍ഷന്‍ വാങ്ങുന്നവരും മസ്റ്ററിംഗ് നടത്തേണ്ടതാണ്.
മസ്റ്ററിംഗ് ചെയ്യുന്നതിനായി ഏതെങ്കിലും അക്ഷയ കേന്ദ്രത്തില്‍ നേരിട്ട് പോയി ആധാറില്‍ രേഖപ്പെടുത്തിയിരിക്കുന്ന വിരലടയാളം വഴിയോ, കണ്ണ് (ഐറിസ്) ഉപയോഗിച്ചോ മസ്റ്ററിംഗ് ചെയ്യാവുന്നതാണ്.
ഒരു കാരണവശാലും ഈ കാര്യത്തിനായി അക്ഷയ കേന്ദ്രങ്ങളില്‍ പണം നല്‍കരുത്. ഗുണഭോക്താക്കള്‍ക്ക് തികച്ചും സൌജന്യമായാണ് സര്‍ക്കാര്‍ ഈ സേവനം നല്‍കുന്നത്. അക്ഷയ കേന്ദ്രങ്ങള്‍ക്കാവശ്യമായ തുക സര്‍ക്കാര്‍ നല്‍കുന്നതാണ്. ഏതെങ്കിലും അക്ഷയ കേന്ദ്രങ്ങള്‍ പണം ആവശ്യപെട്ടാല്‍ തദ്ദേശസ്ഥാപനത്തിലോ, അക്ഷയ ജില്ലാ ഓഫീസിലോ പരാതി നല്‍കാവുന്നതാണ്.
പെന്‍ഷന്‍ വാങ്ങുന്ന വ്യക്തി നേരിട്ട് തന്നെ നിര്‍ബന്ധമായും അക്ഷയയില്‍ പോകേണ്ടതാണ്. ഗുണഭോക്താവ് പെന്‍ഷന്‍ വാങ്ങുന്നതിനായി തദ്ദേശസ്ഥാപനത്തില്‍ സമര്‍പ്പിച്ച ആധാറിലുള്ള വിരലടയാളവും, മസ്റ്ററിംഗ് നടത്തുന്ന സമയത്തെ വിരലടയാളവും ഒന്നായാല്‍ മാത്രമേ മസ്റ്ററിംഗ് പൂര്‍ത്തീകരിക്കാന്‍ കഴിയുകയുള്ളൂ.
ആധാര്‍ കാര്ഡ് നിര്‍ബന്ധമാണ്. കൂടാതെ പെന്‍ഷന്‍ ഐഡി കൂടി ഉണ്ടെങ്കില്‍ ഉപകാരപ്രദമാണ്. പെന്‍ഷന്‍ ഐ.ഡി. സേവന പെന്‍ഷന്‍ വെബ്സൈറ്റില്‍ നിന്ന് ലഭിക്കുന്നതാണ് https://welfarepension.lsgkerala.gov.in/DBTPensionersSearch.aspx
നിലവിലെ സര്‍ക്കാര്‍ ഉത്തരവ് പ്രകാരം 2019 ഡിസംബര്‍ 15 വരെ അക്ഷയ കേന്ദ്രങ്ങളില്‍ ചെന്ന് മസ്റ്ററിംഗ് നടത്താവുന്നതാണ്.
കിടപ്പുരോഗികള്‍ അടുത്ത ബന്ധുക്കള്‍ മുഖേനെ പെന്‍ഷന്‍ വാങ്ങുന്ന തദ്ദേശ ഭരണ സ്ഥാപനത്തെ 29 നവംബര്‍ 2019 ന് മുമ്പായി ഈ വിവരം അറിയിക്കണം. അങ്ങനെ അറിയിക്കുന്നവരുടെ വീട്ടില്‍ വന്ന് മസ്റ്ററിംഗ് നടത്തുന്നതാണ്. ഈ സേവനവും തികച്ചും സൌജന്യമാണ്.
ഇല്ല. അക്ഷയ കേന്ദ്രങ്ങള്‍ മുഖേനെ മാത്രമേ നിലവില്‍ മസ്റ്ററിംഗ് നടത്താന്‍ കഴിയൂ.
ഇങ്ങനെയുള്ളവര്‍ ഗസറ്റഡ് ഓഫീസറില്‍ നിന്ന് ലൈഫ് സര്‍ട്ടിഫിക്കറ്റ് വാങ്ങി തദ്ദേശ ഭരണ സ്ഥാപനത്തില്‍ നല്‍കണം.
അല്ല. കേരളത്തിലെ ഏത് തദ്ദേശ ഭരണ സ്ഥാപനത്തില്‍ നിന്നും പെന്‍ഷന്‍ വാങ്ങുന്ന ഗുണഭോക്താവിനും കേരളത്തിലെ ഏത് അക്ഷയ കേന്ദ്രം വഴിയും മസ്റ്ററിംഗ് നടത്താവുന്നതാണ്.
തദ്ദേശ ഭരണ സ്ഥാപന സെക്രട്ടറി ഡിജിറ്റല്‍ സൈന്‍ ചെയ്ത ആക്റ്റീവ് ആയിട്ടുള്ള എല്ലാ പെന്‍ഷനേഴ്സിനും തുടര്‍ന്നും പെന്‍ഷന്‍ ലഭിക്കാന്‍ മസ്റ്ററിംഗ് നടത്തണം. അതായത് 2019 ഡിസംബര്‍ മാസം മുതല്‍ പെന്‍ഷന്‍ ലഭിക്കണമെങ്കില്‍ മസ്റ്ററിംഗ് ചെയ്തിരിക്കണം.
എല്ലാ പെന്‍ഷന്‍ ഗുണഭോക്താക്കളും മസ്റ്ററിംഗ് നടത്തണം. കൂടാതെ വിധവാ പെന്‍ഷന്‍, അവിവാഹിത പെന്‍ഷന്‍ എന്നിവ വാങ്ങുന്ന 60 വയസ്സിന് താഴെയുള്ളവര്‍ മാത്രം പുനര്‍വിവാഹിത ആയിട്ടില്ല എന്ന സര്‍ട്ടിഫിക്കറ്റ് കൂടി എല്ലാ വര്‍ഷവും ഡിസംബര്‍ മാസത്തില്‍ അതാത് തദ്ദേശ സ്ഥാപനത്തില്‍ നല്‍കേണ്ടതാണ്.
60 വയസ്സോ അതിനു മുകളിലോ ഉള്ളവര്‍ പുനര്‍വിവാഹിതരായിട്ടില്ല എന്ന സര്‍ട്ടിഫിക്കറ്റ് ഹാജരാക്കേണ്ടതില്ല. എന്നാല്‍ എല്ലാ പെന്‍ഷനേഴ്സും അക്ഷയ കേന്ദ്രങ്ങള്‍ വഴി മസ്റ്ററിംഗ് നടത്തണം.
എല്ലാ തരം പെന്‍ഷന്‍ ഗുണഭോക്താക്കളും മസ്റ്ററിംഗ് നടത്തണം.
വേണ്ട. മസ്റ്ററിംഗ് അക്ഷയയില്‍ മാത്രമാണ്. അക്ഷയയില്‍ മസ്റ്ററിംഗ് നടത്തിയാല്‍ ഈ വിവരം ഓണ്‍ലൈന്‍ ആയി തന്നെ തദ്ദേശസ്ഥാപനത്തില്‍ അപ്ഡേറ്റ് ആകുന്നതാണ്. ഗുണഭോക്താവ് മാനുവലായി യാതൊന്നും നല്‍കേണ്ടതില്ല.
ഇങ്ങനെയുള്ള ഗുണഭോക്താക്കള്‍ ഗസറ്റഡ് ഓഫീസറില്‍ നിന്നോ വില്ലേജ് ഓഫീസറില്‍ നിന്നോ ലൈഫ് സര്‍ട്ടിഫിക്കറ്റ് വാങ്ങി തദ്ദേശസ്ഥാപനത്തില്‍ നല്‍കണം. അക്ഷയ കേന്ദ്രത്തില്‍ നിന്നും മസ്റ്ററിംഗ് പരാജയപ്പെട്ടു (Mustering failed) എന്ന സ്റ്റാറ്റസ് അപ്ഡേറ്റ് ചെയ്ത ഗുണഭോക്താവിന്‍റെ ലൈഫ് സര്‍ട്ടിഫിക്കറ്റ് തദ്ദേശ ഭരണ സ്ഥാപനത്തില്‍ നിന്നും കൂട്ടിചേര്‍ക്കുന്നതിനുള്ള സൌകര്യം സേവന പെന്‍ഷന്‍ സോഫ്റ്റ് വെയറില്‍ ഒരുക്കിയിട്ടുണ്ട്.
മസ്റ്റ്റിംഗ് ചെയ്യുമ്പോള്‍ പരാജയപ്പെടാനുള്ള കാരണങ്ങളും പരിഹാരങ്ങളും
| കാരണങ്ങള്‍ | പരിഹാരം |
| സേവന പെന്‍ഷന്‍ സോഫ്റ്റ്‌വെയറില്‍ ആധാര്‍ നമ്പറും വ്യത്യാസം ഉള്ളതിനാല്‍ | ഗുണഭോക്താക്കള്‍ ആധാര്‍ നമ്പരുമായി അതാത് തദ്ദേശ ഭരണ സ്ഥാപനങ്ങളില്‍ എത്തി യഥാര്‍ത്ഥ ആധാര്‍ നമ്പര്‍ സേവന പെന്‍ഷന്‍ സോഫ്റ്റ്‌വെയറില്‍ ഉള്‍പ്പെടുത്തേണ്ടതാണ്. തുടര്‍ന്ന് വീണ്ടും അക്ഷയ കേന്ദ്രത്തില്‍ എത്തി മസ്റ്റര്‍ ചെയ്യേണ്ടതാണ്. |
| ആധാര്‍ കാര്ഡ് UIDAI സസ്പെന്‍റ് ചെയ്തിരിക്കുന്നതിനാല്‍ | ഗുണഭോക്താവ് അക്ഷയ കേന്ദ്രത്തില്‍ ബന്ധപെട്ട് ആധാര്‍ സജീവമാക്കിയ (activate) ശേഷം മസ്റ്റര്‍ ചെയ്യേണ്ടതാണ്. ഇത് മസ്റ്ററിംഗുമായി ബന്ധമില്ലാത്തതും അതിന്റെ ഫീസ് സര്‍ക്കാര്‍ നല്‍കുന്നതുമല്ല. |
| ആധാര്‍ നമ്പര്‍ സേവന പെന്‍ഷന്‍ സോഫ്റ്റ്‌വെയറില്‍ ഉള്‍പ്പെടുത്തിയിട്ടില്ലാത്തതിനാല്‍ | ആധാര്‍ നമ്പര്‍ തദ്ദേശ ഭരണ സ്ഥാപന സെക്രട്ടറി സേവന പെന്‍ഷന്‍ സോഫ്റ്റ്‌വെയറില്‍ ഉള്‍പ്പെടുത്തുക. അതിനു ശേഷം ഗുണഭോക്താവ് അക്ഷയ കേന്ദ്രത്തില്‍ എത്തി മസ്റ്റര്‍ ചെയ്യുക |
| ഗുണഭോക്താവിന്‍റെ ബയോമെട്രിക് വിവരങ്ങള്‍ ലഭിക്കാത്ത സാഹചര്യത്തില്‍ | അക്ഷയ കേന്ദ്രത്തില്‍ എത്തി ആധാറില്‍ ബയോമെട്രിക് വിവരങ്ങള്‍ കാലികമാക്കിയ ശേഷം മസ്റ്റര്‍ ചെയ്യുക. ഇത് മസ്റ്ററിംഗുമായി ബന്ധമില്ലാത്തതും അതിന്റെ ഫീസ് സര്‍ക്കാര്‍ നല്‍കുന്നതുമല്ല |
| ആധാര്‍ ഒഴിവാക്കി നല്‍കിയവരില്‍ ബയോമെട്രിക് മസ്റ്ററിംഗ് നടത്താന്‍ ശ്രമിക്കുന്ന അവസരത്തില്‍ | പ്രസ്തുത വ്യക്തിയുടെ ആധാര്‍ പുതുതായി സേവന പെന്‍ഷന്‍ സോഫ്റ്റ്‌വെയറില്‍ ഉള്‍പ്പെടുത്തുക. തുടര്‍ന്ന് അക്ഷയ കേന്ദ്രത്തില്‍ എത്തി ബയോമെട്രിക് മസ്റ്ററിംഗ് നടത്താന്‍ നിര്‍ദ്ദേശം നല്‍കുക |
Last updated on 28 Nov 2019
കേരള മുനിസിപ്പാലിറ്റി കെട്ടിട നിര്‍മ്മാണ ചട്ടങ്ങൾ 2019 (Kerala Municipality Building Rules 2019)
Vol VIII No 2691 SRO No 828/2019 Dated 08/11/2019
കേരള പഞ്ചായത്ത് കെട്ടിട നിർമ്മാണ ചട്ടങ്ങൾ 2019 (Kerala Panchayat Building Rules 2019)
Vol VIII No 2692 SRO No 829/2019 Dated 08/11/2019