മഴക്കാല പൂർവ പ്രതിരോധ പ്രവർത്തനങ്ങൾ -തദ്ദേശ സ്ഥാപനങ്ങൾ സ്വീകരിക്കേണ്ട അടിയന്തിര നടപടികൾ
സര്‍ക്കുലര്‍ ഡിഎ1/142/2020/തസ്വഭവ Dated 27/05/2020
മഴക്കാല പൂർവ പ്രതിരോധ പ്രവർത്തനങ്ങൾ -തദ്ദേശ സ്ഥാപനങ്ങൾ സ്വീകരിക്കേണ്ട അടിയന്തിര നടപടികൾ
Content highlight
news
സുലേഖ സോഫ്റ്റ് വെയറിലെ പുതിയ മാറ്റങ്ങള്‍
സര്‍ക്കാര്‍ ഉത്തരവ് നമ്പര്‍ സ ഉ (സാധാ) നം 928/2020/തസ്വഭവ തീയതി 20/05/2020 പ്രകാരം വാര്‍ഷിക പദ്ധതി കൈകാര്യം ചെയ്യുന്ന സോഫ്റ്റ് വെയറില്‍ താഴെപ്പറയുന്ന മാറ്റങ്ങള്‍ ഉള്‍ക്കൊള്ളിച്ചിട്ടുണ്ട്
- 2020-21 വാര്‍ഷിക പദ്ധതി ഭേദഗതി പ്രാപ്തമാക്കിയിട്ടുണ്ട്
- ടി ഉത്തരവ് പ്രകാരം 2020-21 ഒന്നാംഘട്ടത്തില്‍ ഉള്ള അംഗീകാരം ലഭിച്ചതും അല്ലാത്തതുമായ(ഉത്തരവില്‍ പ്രതിപാദിച്ചിട്ടുള്ള) പ്രോജക്ടുകള്‍ ഭേദഗതി വരുത്തി 'സുഭിക്ഷ കേരളം' പദ്ധതിയ്ക്ക് തുക കണ്ടെത്താവുന്നതാണ്.
- ഭേദഗതി പ്രോജക്ടുളും ഭേദഗതിയിലൂടെയുള്ള പുതിയ പ്രോജക്ടുകളും ജില്ലാതല ആസൂത്രണ സമിതി ക്ലിയറന്‍സ് നേടിയശേഷം അംഗീകാരത്തിനായി ബന്ധപ്പെട്ട മേലുദ്യോഗസ്ഥര്‍ക്ക് അയയ്ക്കേണ്ടതാണ്.
സുലേഖ സോഫ്റ്റ് വെയറില്‍ രേഖപ്പെടുത്തേണ്ട വിധം
- ഡി പി സി യില്‍ നിന്നും ഒന്നാംഘട്ട ഡിപിസി പ്രോസീഡിംഗ്സ് എടുത്ത് പ്രോസസ് കംപ്ലീറ്റഡ് ചെയ്തു ലഭിച്ചിട്ടുള്ള തദ്ദേശഭരണ സ്ഥാപനങ്ങള്‍ക്ക് സെക്രട്ടറി ലോഗിനില്‍ Revision മെനുവില്‍ Enable Revision എന്ന ബട്ടണ്‍ എനേബിള്‍ ചെയ്ത് ഭേദഗതി നടപടി ക്രമങ്ങള്‍ ആരംഭിക്കാവുന്നതാണ്.
- 2020-21 ഒന്നാംഘട്ടത്തില്‍ ഡിപിസി ക്ലിയറന്‍സ് ലഭിച്ച് വെറ്റിംഗ് പൂര്‍ത്തിയാക്കിയ പ്രോജക്ടുകള്‍ റിവിഷന്‍ മെനുവില്‍ “Approved Project list” ല്‍ ലിസ്റ്റ് ചെയ്യുന്നതാണ്. അവിടെ നിന്നും ഭേദഗതി ആവശ്യമുള്ള പ്രോജക്ടുകള്‍ മാര്‍ക്ക് ഫോര്‍ റിവിഷന്‍ സെലക്ട് ചെയ്ത് “Next“ ബട്ടണ്‍ ക്ലിക്ക് ചെയ്യുമ്പോള്‍ ലഭിക്കുന്ന സ്ക്രീനില്‍ നിന്ന് റിവിഷന്‍ എഗ്രീ ലഭിക്കുന്നതിന് പ്ലാനിംഗ് ഓഫീസര്‍ക്ക് അയയ്ക്കേണ്ടതാണ്.
- ഭേദഗതിയിലൂടെ പുതിയ പ്രോജക്ടുകള്‍ ഏറ്റെടുക്കുന്നുവെങ്കില്‍ അത്തരം പ്രോജക്ടുകളും നിര്‍വ്വഹണ ഉദ്യോഗസ്ഥനെ സെലക്ട് ചെയ്ത് തുക രേഖപ്പെടുത്തി പ്ലാനിംഗ് ഓഫീസര്‍ക്ക് അയയ്ക്കേണ്ടതാണ്.
- ടി ഉത്തരവിന്‍റെ ക്രമ നമ്പര്‍ 3 ല്‍ പറഞ്ഞിട്ടുള്ള അംഗീകാരം ലഭിക്കാത്ത പ്രോജക്ടുകള്‍ സെക്രട്ടറി ലോഗിനില്‍ Revision മെനുവില്‍ “Return Projects” ല്‍ ലിസ്റ്റ് ചെയ്യുന്നതാണ്. അവിടെ നിന്നും സെലക്ട് ചെയ്ത് റിട്ടേണ്‍ കൊടുത്താല്‍ “Approved Project list” ല്‍ വരുന്നതാണ്.അങ്ങനെ കൊണ്ടുവരുന്ന പ്രോജക്ടുകളും റിവിഷന്‍ എഗ്രീ ലഭിക്കുന്നതിന് അയയ്ക്കുവാന്‍ സാധിക്കുന്നതാണ്.
- റിവിഷന്‍ എഗ്രീ ചെയ്ത് ലഭിക്കുന്ന പ്രോജക്ടുകള്‍ നിര്‍വ്വഹണ ഉദ്യോഗസ്ഥരുടെ ലോഗിനില്‍ റിവിഷന്‍ മെനുവില്‍ “Revision projects” ല്‍ ലിസ്റ്റ് ചെയ്യുന്നതാണ്. ഭേദഗതിയിലൂടെ ഉള്ള പുതിയ പ്രോജക്ടുകള്‍ റിവിഷന്‍ മെനുവില്‍ “New Projects” ല്‍ ലിസ്റ്റ് ചെയ്യുന്നതാണ്. അവിടെ നിന്നും മാറ്റങ്ങള്‍ വരുത്തി അയയ്ക്കുന്ന പ്രോജക്ടുകള്‍ ഭരണാനുമതി തീരുമാനത്തിനായി സെക്രട്ടറിയ്ക്ക് അയയ്ക്കേണ്ടതാണ്.
- ടി ഉത്തരവ് പ്രകാരം ഭരണസമിതി തീരുമാനം ലഭിച്ച ഭേദഗതി ചെയ്തതോ ഭേദഗതിയിലൂടെയുള്ള പുതിയ പ്രോജക്ടുകളോ ഡിപിസി അംഗീകാരത്തിനായി അയയ്ക്കേണ്ടതാണ്.
- വാലിഡേഷന്‍ എല്ലാം അതെ എന്ന് ആണെങ്കില്‍ ഭരണസമിതി തീരുമാനം ലഭിച്ച ഭേദഗതി ചെയ്തതോ ഭേദഗതിയിലൂടെയുള്ള പുതിയ പ്രോജക്ടുകളോ സെക്രട്ടറി ലോഗിനില്‍ “Submit for DPC “മെനുവില്‍ നിന്നും സെലക്ട് ചെയ്ത് “Submit to DPC” ബട്ടണ്‍ ക്ലിക്ക് ചെയ്ത് ഡിപിസി യ്ക്ക് സമര്‍പ്പിക്കേണ്ടതാണ്.
- ഭേദഗതിയിലൂടെയുള്ള പ്രോജക്ടുകള്‍ “Submit for DPC “മെനുവില്‍ ലിസ്റ്റ് ചെയ്യുന്നതോടൊപ്പം “FWDToApproval” മെനുവില്‍ അതാത് കാറ്റഗറികളിലും ലിസ്റ്റ് ചെയ്യും. എന്നിരുന്നാലും ഭേദഗതി പ്രോജക്ടുകളുടെ നേരെയുള്ള “For Approval” സെലക്ട് ചെയ്യുമ്പോള്‍ “No DPC clearance was obtained” എന്ന മെസ്സേജ് വരുന്നതാണ്.
- “Submit for DPC “മെനുവില്‍ നിന്നും പ്രോജക്ടുകള്‍ അയച്ചതിനുശേഷം “DPC” മെനുവില്‍ നിന്നും വാലിഡേഷനും “Forward to DPC” ബട്ടണ്‍ വഴി ഡിപിസി യ്ക്ക് സമര്‍പ്പിക്കേണ്ടാണ്.
- പ്ലാനിംഗ് ഓഫീസില്‍ നിന്നും റിവിഷന്‍ എഗ്രീ ചെയ്ത് ലഭിച്ചിട്ടുള്ള എല്ലാ പ്രോജക്ടുകളും ഡിപിസി യ്ക്ക് സമര്‍പ്പിക്കേണ്ടതാണ്. അല്ലാത്ത പക്ഷം “Forward to DPC” ബട്ടണ്‍ ക്ലിക്കില്‍ പെന്‍റിംഗ് കാണിക്കുന്നതാണ്.
- ഭേദഗതി പ്രോജക്ടുകള്‍ ഡിപിഒ ലോഗിനില്‍ “DPC” മെനുവില്‍ “Final proceedings” ലിസ്റ്റ് ചെയ്യുന്നതാണ്.
- ഡിപിസി അംഗീകാരം ലഭിച്ച ശേഷം “FWDToApproval” മെനുവില്‍ അതാത് കാറ്റഗറികളിലും ലിസ്റ്റ് ചെയ്യുന്ന പ്രോജക്ടുകള്‍ സെക്രട്ടറി വെറ്റിംഗിനായി അയയ്ക്കേണ്ടതാണ്.
- ഒന്നാംഘട്ടത്തില്‍ ഡിപിസി ക്ലിയറന്‍സ് ലഭിച്ച് വെറ്റിംഗ് ഓഫീസര്‍ തിരിച്ചയച്ചിട്ടുള്ള പ്രോജക്ടുകളില്‍ മുഖ്യവിഭാഗങ്ങളില്‍ മാറ്റം വരുത്തിശേഷം വാലിഡേഷന്‍ ശരിയാക്കി പ്രോജക്ടുകള്‍ ഡിപിസി യ്ക്ക് സമര്‍പ്പിച്ചിരുന്നുവെങ്കില്‍ അവ ഡിപിഒ ലോഗിനില്‍ “Select LB” മെനുവില്‍ ലിസ്റ്റ് ചെയ്തിട്ടുണ്ടാകും അവിടെ നിന്നും ഡിപിസി ക്ലിയറന്‍സ് നല്‍കാവുന്നതാണ്.
Content highlight
ആരോഗ്യമുള്ള നാടിന് വൃത്തിയുള്ള വീട് ചാലഞ്ച് ഈ മാസം 31 വരെ
ആരോഗ്യമുള്ള നാടിന് വൃത്തിയുള്ള വീട്' ഹരിതകേരളം മിഷന്‍ ചാലഞ്ചില്‍ മേയ് 31 വരെ പങ്കെടുക്കാം. ലോക്ഡൗണ്‍ കാലത്ത് ഗാര്‍ഹിക മാലിന്യ സംസ്‌കരണം മുന്‍നിര്‍ത്തി ഹരിതകേരളം മിഷന്‍ സംഘടിപ്പിക്കുന്ന ആരോഗ്യമുള്ള നാടിന് വൃത്തിയുള്ള വീട് ചാലഞ്ചില്‍ ഈ മാസം 31 വരെ പങ്കെടുക്കാം.
പകര്‍ച്ചവ്യാധികള്‍ തങ്ങളുടെ വീടുകളില്‍ നിന്നും പടരുവാനുള്ള സാഹചര്യം ഒഴിവാക്കുന്നതിന് ഓരോ വീട്ടുകാരും അനുവര്‍ത്തിക്കേണ്ട കാര്യങ്ങള്‍ ഉള്‍പ്പെടുത്തി സംഘടിപ്പിച്ച ചാലഞ്ചിന് മികച്ച പ്രതികരണമാണ് ലഭിക്കുന്നത്. ചാലഞ്ച് ഏറ്റെടുക്കുന്നവരുടെ വീടുകളില്‍ മാലിന്യ സംസ്‌കരണത്തിന്റെ മികവ് എത്രത്തോളമെന്ന് വിലയിരുത്തി ഗ്രേഡ് ചെയ്യാനുള്ള മാനദണ്ഡങ്ങള്‍ ഹരിതകേരളം മിഷന്‍ ഫേസ്ബുക്ക് വഴിയും വെബ്‌സൈറ്റിലും പ്രസിദ്ധീകരിച്ചിട്ടുണ്ട്. വീടുകളിലെ മാലിന്യ സംസ്‌കരണത്തിനായുള്ള മാര്‍ഗ്ഗങ്ങളും മിഷന്റെ ഫേസ് ബുക്ക് പേജില്‍ ലഭ്യമാണ്. ജൈവമാലിന്യം, അജൈവ മാലിന്യം, മലിന ജലം, മാലിന്യത്തിന്റെ അളവ് കുറയ്ക്കാന്‍ സ്വീകരിച്ച നടപടികള്‍ എന്നിവയാണ് മുഖ്യമായും വിലയിരുത്തലിന് വിധേയമാക്കേണ്ടത്. മികവിന്റെ അടിസ്ഥാനത്തില്‍ അഞ്ച് സ്റ്റാറുകള്‍ വരെ ലഭിക്കും. നിങ്ങളുടെ വീട് ഈ മാനദണ്ഡമനുസരിച്ച് എത്ര സ്‌കോര്‍ നേടി എന്നു നോക്കി വീണ്ടും മെച്ചപ്പെടുത്താം. മേയ് അവസാന വാരം ഫൈനല്‍ ഗ്രേഡിംഗ് നടത്താം. ലഭിച്ച സ്റ്റാറുകള്‍ ഹരിതകേരളം മിഷനെ അറിയിക്കാം. ഇതില്‍ നിന്നും നറുക്കെടുപ്പിലൂടെ വിജയികളാവുന്നവര്‍ക്ക് സമ്മാനം നല്‍കും. വീട്ടിലുള്ള മാലിന്യ സംസ്‌കരണ സംവിധാനങ്ങള്‍, തരംതിരിക്കുന്ന രീതികള്‍, ഫോട്ടോകള്‍, സെല്‍ഫികള്‍ തുടങ്ങിയവയും ഇതോടൊപ്പം പങ്കുവയ്ക്കാം. അവരവരുടെ ഫേസ്ബുക് പേജില്‍ #MyHomeCleanHome എന്ന ഹാഷ് ടാഗോടു കൂടി ചിത്രങ്ങള്‍/ വിവരണങ്ങള്‍/വീഡിയോ എന്നിവ പോസ്റ്റ് ചെയ്യണം. കൂടുതല്‍ വിവരങ്ങള്‍ ഹരിതകേരളം മിഷന്‍ ഔദ്യോഗിക ഫേസ് ബുക് പേജില്‍ ലഭിക്കും.
Content highlight
സുഭിക്ഷ കേരളം –ഭക്ഷ്യോല്‍പാദന വര്‍ധനവിനുള്ള മാര്‍ഗരേഖ
സ.ഉ(എം.എസ്) 14/2020/ആ.സ.വ തിയ്യതി 18/05/2020
ആസൂത്രണ സാമ്പത്തിക കാര്യ വകുപ്പ് –കോവിഡ് 19-സുഭിക്ഷ കേരളം –ഭക്ഷ്യോല്‍പാദന വര്‍ധനവിനുള്ള മഹായജ്ഞം-മാര്‍ഗരേഖ
Content highlight
കോവിഡ് 19 -ലോക്ക് ഡൗണുമായി ബന്ധപ്പെട്ട് സംസ്ഥാനത്ത് 2020 മെയ് 18 മുതൽ 31 വരെ നടപ്പാക്കുന്ന മാർഗ നിർദ്ദേശങ്ങൾ
സ.ഉ(എം.എസ്) 99/2020/പൊഭവ Dated 18/05/2020
കോവിഡ് 19 - വ്യാപനം തടയുന്നതിനുള്ള പ്രവർത്തനങ്ങൾ -നിയന്ത്രണങ്ങളും നടപടിക്രമങ്ങളും -ലോക്ക് ഡൗണുമായി ബന്ധപ്പെട്ട് സംസ്ഥാനത്ത് 2020 മെയ് 18 മുതൽ 31 വരെ നടപ്പാക്കുന്ന മാർഗ നിർദ്ദേശങ്ങൾ
നഗരവൽക്കരണം ഉയർത്തുന്ന പ്രശ്നങ്ങൾ പരിഹരിക്കുന്നതിനുള്ള പ്രോജക്റ്റുകൾ ബഹു വർഷമായി ഏറ്റെടുക്കുന്നതിന് മുനിസിപ്പാലിറ്റികൾക്കും കോർപ്പറേഷനുകൾക്കും അനുമതി
സ.ഉ(എം.എസ്) 76/2020/തസ്വഭവ Dated 14/05/2020
നഗരവൽക്കരണം ഉയർത്തുന്ന പ്രശ്നങ്ങൾ പരിഹരിക്കുന്നതിനുള്ള പ്രോജക്റ്റുകൾ ബഹു വർഷമായി ഏറ്റെടുക്കുന്നതിന് മുനിസിപ്പാലിറ്റികൾക്കും കോർപ്പറേഷനുകൾക്കും അനുമതി
Content highlight
ലോക്ക് ഡൌണ്‍ കാലയളവില്‍ നിര്‍മാണ അനുമതിയുടെ കാലാവധി അവസാനിച്ച കെട്ടിടങ്ങള്‍ക്ക് നിര്‍മാണ അനുമതി 31.12.2020 വരെ ദീര്ഘിപ്പിച്ചു
സര്‍ക്കുലര്‍ ആര്‍എ1/168/2020/തസ്വഭവ Dated 07/05/2020
ലോക്ക് ഡൌണ്‍ കാലയളവില്‍ നിര്‍മാണ അനുമതിയുടെ കാലാവധി അവസാനിച്ച കെട്ടിടങ്ങള്‍ക്ക് നിര്‍മാണ അനുമതി 31.12.2020 വരെ ദീര്ഘിപ്പിച്ച സര്‍ക്കുലര്‍
Content highlight
ആരോഗ്യ ക്ഷേമ വകുപ്പ്-സംസ്ഥാനത്ത് കോവിഡ് 19 നിയന്ത്രണം –ഹോം ക്വാറന്റൈന്‍ പരിശോധന നടപടിക്രമങ്ങള്‍ -വിശദമായ മാര്‍ഗ്ഗ നിര്‍ദ്ദേശങ്ങള്‍
ഇന്ത്യയ്ക്കകത്ത് നിന്ന് വരുന്ന എല്ലാവര്‍ക്കും 14 ദിവസത്തെ ഹോം ക്വാറന്റൈന്‍ കര്‍ശനമായി നടപ്പാക്കേണ്ടതാണ്. എന്നാല്‍ അതേസമയം ഇങ്ങനെ എത്തുന്ന വ്യക്തികളുടെ വീട്ടില്‍ ഹോം ക്വാറന്റൈന്‍ നിബന്ധനകള്‍ പാലിക്കാന്‍ കഴിയാത്ത സാഹചര്യമുണ്ടെങ്കില്‍ അവര്‍ക്ക് സര്‍ക്കാര്‍ നിശ്ചയിച്ചിട്ടുള്ള ഹോട്ടലുകളില്‍ പെയിഡ് ക്വാറന്റൈന്‍ സൗകര്യമോ, സര്‍ക്കാര്‍ ഏര്‍പ്പെടുത്തുന്ന ഇന്‍സ്റ്റിറ്റ്യൂഷണല്‍ ക്വാറന്റൈന്‍ സൗകര്യമോ സ്വീകരിക്കാവുന്നതാണ്.
ഹോം ക്വാറന്റൈന്‍ കൃത്യമായി പാലിക്കപ്പെടുന്നതിന് കര്‍ശനമായി നടപ്പിലാക്കേണ്ട മാര്‍ഗനിര്‍ദേശങ്ങള്‍
1. സ്വന്തം വാസസ്ഥലത്ത് പ്രത്യേകമായി ഒരു മുറിയും അനുബന്ധമായി ഒരു ബാത്ത്‌റൂമും ഉള്ള വ്യക്തികള്‍ക്ക് മാത്രമേ ഹോം ക്വാറന്റൈന്‍ അനുവദിക്കാന്‍ പാടുള്ളു. ഈ സൗകര്യങ്ങള്‍ മാര്‍ഗരേഖ പ്രകാരം ലഭ്യമാണോ എന്ന വസ്തുത സ്ഥലത്തെ ആരോഗ്യ, തദ്ദേശസ്വയം ഭരണ, ആഭ്യന്തര വകുപ്പ് ഉദ്യോഗസ്ഥരുടെ ഒരു ടീം പരിശോധന നടത്തി ഉറപ്പുവരുത്തേണ്ടതാണ്. മാര്‍ഗരേഖ പ്രകാരം സൗകര്യം ലഭ്യമല്ലെങ്കില്‍ അവര്‍ക്ക് സര്‍ക്കാര്‍ നിശ്ചയിച്ചിട്ടുള്ള ഹോട്ടലുകളില്‍ പെയിഡ് ക്വാറന്റൈന്‍ സൗകര്യമോ, സര്‍ക്കാര്‍ ഏര്‍പ്പെടുത്തുന്ന ഇന്‍സ്റ്റിറ്റ്യൂഷണല്‍ ക്വാറന്റൈന്‍ സൗകര്യമോ അനുവദിക്കാവുന്നതാണ്.
2. ക്വാറന്റൈനിലുള്ള വ്യക്തി വീട്ടിലെ മുതിര്‍ന്ന വ്യക്തികള്‍/മറ്റ് രോഗബാധയുള്ള വ്യക്തികള്‍ എന്നിവരുമായി യാതൊരു വിധത്തിലും സമ്പര്‍ക്കത്തില്‍ ഏര്‍പ്പെടാന്‍ പാടുള്ളതല്ല.
3. നേരത്തെ തീരുമാനിച്ച പ്രകാരം ആരോഗ്യ, തദ്ദേശസ്വയംഭരണ, ആഭ്യന്തര വകുപ്പ് ഉദ്യോഗസ്ഥരുടെ ഒരു ടീം ഇവരെ നിരീക്ഷണത്തില്‍ വെക്കേണ്ടതാണ്.
4. ഹോം ക്വാറന്റൈന്‍ ചട്ടങ്ങള്‍ അനുസരിച്ചുകൊളളാമെന്ന് വ്യക്തിയുടെ സമ്മതപത്രം ആവശ്യമാണ്.
5. ആരോഗ്യ വകുപ്പിന്റെ മാര്‍ഗ നിര്‍ദ്ദേശങ്ങള്‍ പാലിക്കപ്പെടാത്തപക്ഷം ഇത് തെറ്റിക്കുന്ന വ്യക്തിയെ പകര്‍ച്ചാവ്യാധി നിയന്ത്രണ ഓര്‍ഡിനന്‍സ്, മറ്റ് അനുബന്ധ സര്‍ക്കാര്‍ ഉത്തരവുകള്‍ എന്നിവയുടെ വ്യവസ്ഥകള്‍ പ്രകാരം ക്വാറന്റൈന്‍ കേന്ദ്രങ്ങളിലേയ്ക്ക് മാറ്റേണ്ടതാണ്.
857/2020/H&FWD Dated 10/05/2020
ആരോഗ്യ ക്ഷേമ വകുപ്പ്-സംസ്ഥാനത്ത് കോവിഡ് 19 നിയന്ത്രണം –ഹോം ക്വാറന്റൈന്‍ പരിശോധന നടപടിക്രമങ്ങള്‍ -വിശദമായ മാര്‍ഗ നിര്‍ദേശങ്ങള്‍ സംബന്ധിച്ച ഉത്തരവ്
കോവിഡ് 19- ഞായറാഴ്ച പൂർണ ലോക്ക് ഡൌൺ- സ്റ്റാൻഡേർഡ് ഓപ്പറേറ്റിംഗ് പ്രോട്ടോക്കോൾ
G.O.(MS) 94/2020/GAD Dated 09/05/2020
Covid 19-Regulations to contain covid 19 Pandemic-Total lock down on Sundays-Order
Content highlight
കോവിഡ് 19- വിദേശത്തു നിന്നും മറ്റു സംസ്ഥാനങ്ങളിൽ നിന്നും എത്തുന്ന കേരളീയരുടെ ക്വാറന്റൈൻ സംവിധാനം-ഉത്തരവ്
|
സ.ഉ(ആര്‍.ടി) 849/2020/തസ്വഭവ തിയ്യതി 09/05/2020 കോവിഡ് 19 -വിദേശത്തു നിന്നും മറ്റു സംസ്ഥാനങ്ങളിൽ നിന്നും എത്തുന്ന കേരളീയരുടെ ക്വാറന്റൈൻ സംവിധാനം - തദ്ദേശസ്വയംഭരണ സ്ഥാപനങ്ങൾ നിർവഹിക്കേണ്ട ചുമതലകളും പ്രവർത്തനങ്ങളും നിശ്ചയിച്ച് ഉത്തരവ് |
Content highlight