DPCMalappuram
- 411 views
Kollam District Planning Committee meeting scheduled on Wednesday 12 Dec 2018
DPC Meeting on 15.12.2018 -02.00PM at Conference Hall
DPC Meeting on 11.12.2018 -11.00AM at Conference Hall
Alappuzha District Planning Committee Meeting scheduled on 14 Dec 2018
Alappuzha District Planning Committee meeting scheduled on Thursday, 6 Dec 2018
Idukki District Planning Committee Meeting scheduled on Monday 10 December 2018, 2.30pm
തിരുവനന്തപുരം: കുടുംബശ്രീ കമ്യൂണിറ്റി കൗണ്സിലര്മാര് നിര്വഹിക്കുന്നത് വലിയ സാമൂഹിക ഉത്തരവാദിത്വമാണെന്ന് ഡോ.ടി.എന്.സീമ. കേരള യൂണിവേഴ്സിറ്റി സൈക്കോളജി വിഭാഗവുമായി ചേര്ന്ന് കുടുംബശ്രീ കമ്യൂണിറ്റി കൗണ്സിലര്മാര്ക്കു വേണ്ടി സംഘടിപ്പിക്കുന്ന അഞ്ചു ദിവസത്തെ പരിശീലന പരിപാടി കാര്യവട്ടം യൂണിവേഴ്സിറ്റി കാമ്പസിലെ ജൂബിലി ഹാളില് ഉദ്ഘാടനം ചെയ്തു സംസാരിക്കുകയായിരുന്നു.
സാമൂഹികവും മാനസികവും ബൗദ്ധികവുമായ കരുത്താണ് സ്ത്രീ മുന്നേറ്റത്തിന് അനിവാര്യം. അതിന് മികച്ച മാനസികാരോഗ്യം കൈവരിക്കേണ്ടതും സംരക്ഷിക്കേണ്ടതും ആവശ്യമാണ്. കുടുംബശ്രീ കമ്യൂണിറ്റി കൗണ്സിലര്മാര്ക്ക് ഇക്കാര്യത്തില് നിര്ണായക പങ്കു വഹിക്കാനാകും. സമൂഹനിര്മിതിയുടെ ഭാഗമായി സ്ത്രീയായതു കൊണ്ടു മാത്രം വിവേചനങ്ങള് നേരിടേണ്ടി വരുന്ന അവസ്ഥയാണ് നിലനില്ക്കുന്നത്. സ്ത്രീക്കു നേരെയുണ്ടാകുന്ന കൈയ്യേറ്റങ്ങള് പോലും ന്യായീകരിക്കപ്പെടുന്നത് ഇതുകൊണ്ടാണ്. സ്ത്രീകളുടെയും കുട്ടികളുടെയും കൗണ്സിലിങ്ങില് വെളിപ്പെടുന്നത് വളരെ നാളുകളായി അവര് അടിച്ചമര്ത്തി വച്ചിട്ടുള്ള പല വിഷയങ്ങളുമാണ്. പ്രശ്നങ്ങള് അഭിമുഖീകരിക്കുന്നവര് തങ്ങളെ തേടി വരുന്നതു കാത്തു നില്ക്കാതെ നമ്മള് അവരിലേക്കെത്തണം. സ്കൂള്, വീട്, അയല്ക്കൂട്ടങ്ങള് എന്നിവിടങ്ങളെല്ലാം പ്രയാസങ്ങളും പ്രശ്നങ്ങളും പങ്കു വയ്ക്കാന് കഴിയുന്ന ഇടങ്ങളായി മാറണം. ടി.എന്.സീമ പറഞ്ഞു.
അയല്ക്കൂട്ട കുടുംബങ്ങളിലെ പ്രശ്നങ്ങള് മനസിലാക്കി കൗണ്സിലിങ്ങ് വഴി മാനസികാരോഗ്യവും സന്തോഷവും ഉറപ്പു വരുത്തുന്നതിന്റെ ഭാഗമായാണ് ഇപ്പോള് സംസ്ഥാനത്ത് സ്നേഹിതയുടെ ഭാഗമായി കമ്യൂണിറ്റി കൗണ്സിലര്മാരുടെ സേവനം ലഭ്യമാക്കിയിട്ടുള്ളത്. പഞ്ചായത്ത്തലത്തില് മൂന്നൂറ്റി നാല്പ്പത്തിയേഴ് ജെന്ഡര് റിസോഴ്സ് സെന്ററുകളും എഴുപത്തിരണ്ട് ബ്ളോക്ക് ലെവല് കൗണ്സലിങ്ങ് സെന്ററുകളും വാര്ഡുതലത്തില് പ്രവര്ത്തിക്കുന്ന പതിനേഴായിരത്തിലേറെ വിജിലന്റ് ഗ്രൂപ്പുകളും ഇന്ന് കുടുംബശ്രീയുടെ കീഴില് പ്രവര്ത്തിക്കുന്നു. അയല്ക്കൂട്ട വനിതകള്ക്ക് അവരുടെ പ്രശ്നങ്ങളെയും പ്രതിസന്ധികളെയും സംഘര്ഷങ്ങളെയും കൈകാര്യം ചെയ്യുന്നതിനും തരണം ചെയ്യുന്നതിനും വ്യക്തിത്വ വികാസത്തിനും വേണ്ടിയുളള സംവിധാനങ്ങളാണ് ഇതെല്ലാം. ഇതിനോടൊപ്പം മികച്ച അക്കാദമിക് നിലവാരത്തില് പരിശീലനം ലഭിക്കുന്ന കമ്യൂണിറ്റി കൗണ്സിലര്മാരുടെ സേവനം കൂടി ലഭ്യമാകുന്നതോടെ കുടുംബശ്രീ വനിതകള്ക്ക് സമൂഹത്തില് ഏറെ മുന്നേറാന് കഴിയും. സമഗ്രമായ പ്രവര്ത്തനങ്ങളിലൂടെ സ്ത്രീപുരുഷ സമത്വത്തിലേക്ക് എത്തിച്ചേരുന്നതിനാണ് കുടുംബശ്രീ ലക്ഷ്യമിടുന്നത്. കമ്യൂണിറ്റി കൗണ്സിലര്മാര്ക്ക് നല്കുന്ന അഞ്ചു ദിവസത്തെ കൗണ്സിലിങ്ങ് പരിശീലന പരിപാടി ഈ ലക്ഷ്യം സാക്ഷാത്ക്കരിക്കുന്നതിന് കൂടുതല് കരുത്തും പ്രചോദനവും നല്കുമെന്നും ടി.എന്.സീമ പറഞ്ഞു.
അക്കാദമിക് സമൂഹത്തിന് പൊതു സമൂഹത്തോട് ഉത്തരവാദിത്വമുണ്ടെന്നും കമ്യൂണിറ്റി കൗണ്സിലര്മാര്ക്കു വേണ്ടി നടത്തുന്ന പരിശീലന പരിപാടിയിലൂടെ ഇതു മികച്ച രീതിയില് നിറവേറ്റാന് സാധിക്കുമെന്നും അധ്യക്ഷ പ്രസംഗത്തില് സൈക്കോളജി വിഭാഗം മേധാവി ഡോ. ജസീര് .ജെ പറഞ്ഞു.ഡോ.ടിസി മറിയം തോമസ് പരിശീലന പരിപാടിയെ സംബന്ധിച്ച് വിശദീകരിച്ചു. കുടുംബശ്രീ പ്രോഗ്രാം ഓഫീസര് പ്രമോദ് .കെ.വി സ്വാഗതവും ജെന്ഡര് സ്റ്റേറ്റ് പ്രോഗ്രാം മാനേജര് സോയ തോമസ് നന്ദിയും പറഞ്ഞു. എല്ലാ ജില്ലകളില് നിന്നുമുള്ള മുന്നൂറ്റി അമ്പതിലേറെ കമ്യൂണിറ്റി കൗണ്സിലര്മാര്, റിസോഴ്സ് പേഴേസണ്മാര് എന്നിവര് പരിപാടിയില് പങ്കെടുത്തു.
കമ്യൂണിറ്റി കൗണ്സിലര്മാര്ക്ക് പരിശീലനം നല്കി സംസ്ഥാനത്ത് കുടുംബശ്രീ കുടുംബാംഗങ്ങള്ക്കാവശ്യമായ സേവനങ്ങള് ലഭ്യമാക്കിക്കൊണ്ട് ഇവരുടെ മാനസികാരോഗ്യവും പ്രശ്നങ്ങളെയും പ്രതിസന്ധികളെയും നേരിടാനും കൈകാര്യം ചെയ്യാനുമുള്ള കഴിയും ലഭ്യമാക്കുകയാണ് കുടുംബശ്രീ ലക്ഷ്യമിടുന്നത്. നിലവില് അതിക്രമങ്ങള്ക്കിരയായി കുടുംബശ്രീ 'സ്നേഹിത'യില് എത്തുന്നവര്ക്കാവശ്യമായ കൗണ്സിലിങ്ങ്, കൂടാതെ എല്ലാ തദ്ദേശ സ്ഥാപനങ്ങളിലും പ്രവര്ത്തിക്കുന്ന കുടുംബശ്രീയുടെ ജെന്ഡര് റിസോഴ്സ് സെന്ററുകള്, വാര്ഡുതലത്തില് പ്രവര്ത്തിക്കുന്ന വിജിലന്റ് ഗ്രൂപ്പുകള് എന്നിവയ്ക്കൊപ്പം ചേര്ന്നു കൊണ്ടും കൗണ്സലിങ്ങ് സേവനങ്ങള് നല്കുന്നുണ്ട്. കൂടാതെ ഫാമിലി കൗണ്ലിങ്ങും കുടുംബപ്രശ്നങ്ങള് കാരണം പഠനത്തില് ശ്രദ്ധ കേന്ദ്രീകരിക്കാന് കഴിയാത്ത വിദ്യാര്ത്ഥികള്, പരീക്ഷയെ കുറിച്ചുള്ള ഭയം കാരണം മാനസിക സമ്മര്ദം അനുഭവിക്കുന്ന വിദ്യാര്ത്ഥികള് എന്നിവര്ക്കും ആവശ്യമായ കൗണ്സലിങ്ങ് നല്കുന്നു. സംസ്ഥാനം അതിരൂക്ഷമായ പ്രളയക്കെടുതികള് നേരിട്ട് കിടപ്പാടവും ഉപജീവനമാര്ഗവും ഉള്പ്പെടെ എല്ലാം നഷ്ടപ്പെട്ട് ദുരിതാശ്വാസ ക്യാമ്പുകളില് കഴിയേണ്ടി വന്ന 32000 പേര്ക്ക് കുടുംബശ്രീയുടെ കമ്യൂണിറ്റി കൗണ്സിലര്മാരുടെ സേവനം ലഭ്യമാക്കിയത് ഏറെ ശ്രദ്ധേയമായിരുന്നു.
തിരുവനന്തപുരം: കലയും സംസ്കാരവും വിദ്യയും സമന്വയിക്കുന്ന നാലാമത് കൊച്ചി മുസിരിസ് ബിനാലെയില് സ്ത്രീശാക്തീകരണത്തിന്റെ പ്രതീകമായി തിളങ്ങാന് കുടുംബശ്രീയും. നേതൃത്വം വഹിക്കുന്നത് മുതല് ശ്രദ്ധേയമായ എല്ലാ പരിപാടികളിലും വിവിധ മേഖലകളില് നിന്നുള്ള പ്രമുഖരായ സ്ത്രീകളുടെ സാന്നിധ്യമാണ് ഈ വര്ഷത്തെ മുസിരിസ് ബിനാലെയുടെ പ്രത്യേകത. ഡിസംബര് 12 മുതല് മാര്ച്ച് 31 വരെയാണ് ബിനാലെ സംഘടിപ്പിക്കുന്നത്. ബിനാലെയില് കുടുംബശ്രീ പ്രമുഖ പങ്കാളിത്തം വഹിക്കുന്നത് സംബന്ധിച്ച ധാരണാപത്രം കുടുംബശ്രീ എക്സിക്യൂട്ടീവ് ഡയറക്ടര് എസ്. ഹരികിഷോര്, മുസിരിസ് ബിനാലെ ഫൗണ്ടേഷന് പ്രസിഡന്റ് ബോസ് കൃഷ്ണമാചാരി എന്നിവര് തദ്ദേശസ്വയംഭരണ വകുപ്പു മന്ത്രി എ.സി. മൊയ്തീന്റെ സാന്നിദ്ധ്യത്തില് ഒപ്പുവച്ചു.
കല, സംസ്കാരം, വിദ്യാഭ്യാസം എന്നീ മേഖലകളില് ഏറെ പ്രോത്സാഹനം നല്കുന്ന കൊച്ചി ബിനാലെയും കുടുംബശ്രീയും തമ്മില് പരസ്പര സംയോജനവും വിജ്ഞാനം പങ്കുവയ്ക്കലുമാണ് മൂന്നു മാസം നീണ്ടു നില്ക്കുന്ന ബിനാലെയിലൂടെ ലക്ഷ്യമിടുന്നത്. കഴിഞ്ഞ ഇരുപത് വര്ഷങ്ങളിലെ മാതൃകാപരമായ പ്രവര്ത്തനങ്ങളിലൂടെ കേരളത്തിലെ സ്ത്രീകള്ക്ക് ജനാധിപത്യ സംവിധാനത്തിലും സമൂഹത്തിന്റെ മുഖ്യധാരയിലും തങ്ങളുടേതായ ഇടം കണ്ടെത്താന് സഹായിക്കുകയും സാധാരണക്കാരായ സ്ത്രീകളുടെ കലാസാംസ്ക്കാരിക പ്രവര്ത്തനങ്ങളെ പ്രോത്സാഹിപ്പിക്കുകയും ചെയ്തതിലൂടെ സ്ത്രീശാക്തീകരണത്തിന് മികച്ച സംഭവാനകള് നല്കിയ പ്രസ്ഥാനമെന്ന നിലയ്ക്കാണ് ഇത്തവണ കൊച്ചി മുസിരിസ് ബിനാലെയില് പങ്കാളിത്തം വഹിക്കാനുള്ള അവസരം കുടുംബശ്രീക്ക് ലഭിച്ചത്.
ബിനാലെ നടക്കുന്ന തൊണ്ണൂറു ദിവസങ്ങളിലും മുഖ്യവേദികളിലൊന്നായ കബ്രാല് യാര്ഡില് തിരുവിതാംകൂര്-കൊച്ചി-മലബാര് മേഖലയിലെ രുചിവൈവിധ്യങ്ങള് ആസ്വദിക്കാനുള്ള അവസരമൊരുക്കി കഫേ കുടുംബശ്രീ വനിതകളുടെ ഫുഡ്കോര്ട്ട് സംഘടിപ്പിക്കുന്നുണ്ട്. കുടുംബശ്രീയുടെ കീഴിലുള്ള ഇരുപതോളം യൂണിറ്റുകളാണ് ഇതില് പങ്കെടുക്കുക. കഫേ കുടുംബശ്രീ ഫുഡ് കോര്ട്ടില് വിപണനത്തെ സഹായിക്കുന്നതിനുളള ആവശ്യമായ പിന്തുണ ബിനാലെ നല്കും. ഇതോടൊപ്പം സന്ദര്ശകര്ക്ക് കുടുംബശ്രീ ഉല്പന്നങ്ങള് കാണുന്നതിനും വാങ്ങുന്നതിനും അവസരമൊരുക്കി കുടുംബശ്രീ സൂക്ഷ്മസംരംഭകര് നിര്മിക്കുന്ന പന്ത്രണ്ടോളം വ്യത്യസ്ത ഉല്പന്നങ്ങളുടെ പ്രദര്ശനവും വിപണനവും സംഘടിപ്പിക്കുന്നുണ്ട്. പരമ്പരാഗത കരകൗശല രംഗത്തു പ്രവര്ത്തിക്കുന്ന കുടുംബശ്രീ വനിതകള് ഉല്പന്നങ്ങള് നിര്മിക്കുന്നതു നേരിട്ടു കാണുന്നതിനുള്ള അവസരവും പ്രമുഖ വേദിയില് ലഭിക്കും. മുള കൊണ്ടുള്ള ഉല്പ്പന്നങ്ങള്, കളിമണ് പാത്ര നിര്മാണം എന്നീ മേഖലകളില് പ്രവര്ത്തിക്കുന്നവരായിരിക്കും ഇതിനായി എത്തുക. ഇവര് നിര്മിക്കുന്ന ഉല്പന്നങ്ങള് കൂടുതല് കലാമൂല്യമുള്ളതാക്കി മാറ്റുന്നതിനായി ചിത്രകലാ- പെയിന്റിങ്ങ് രംഗത്തെ നിരവധി കലാകാരന്മാരും ഇവര്ക്കൊപ്പം അണിനിരക്കും. എല്ലാ ദിവസങ്ങളിലും കുടുംബശ്രീയെ കുറിച്ചുള്ള വീഡിയോയും ബിനാലെയില് പ്രദര്ശിപ്പിക്കും. കൂടാതെ കുടുംബശ്രീ ജെന്ഡര് വിഭാഗത്തിന്റെ നേതൃത്വത്തില് സ്ത്രീശാക്തീകരണം വിഷയമാക്കി സെമിനാര് സംഘടിപ്പിക്കും. കമ്യൂണിറ്റി തിയേറ്റര് ഗ്രൂപ്പായ രംഗശ്രീയിലെ കലാകാരികള് ബിനാലെയുടെ വേദിയില് നാടകവും അവതരിപ്പിക്കുന്നുണ്ട്. ബിനാലെയില് കുടുംബശ്രീയുടെ പങ്കാളിത്തം വര്ധിപ്പിക്കുന്നതിന്റെ ഭാഗമായി 1072 സി.ഡി.എസ് ചെയര്പേഴ്സണ്മാരെയും ബിനാലെയില് പങ്കെടുപ്പിക്കുന്നതിനായി ലക്ഷ്യമിടുന്നു.
കഴിഞ്ഞ വര്ഷം കൊച്ചി ബിനാലെയും കുടുംബശ്രീയും സംയുക്തമായി സംഘടിപ്പിച്ച ചിത്രകലാ പരിശീലന കളരി 'വരയുടെ പെണ്മ' ഇത്തവണയും ഇവര്ക്കായി അരങ്ങേറുന്നു എന്ന പ്രത്യേകതയുമുണ്ട്. ചിത്രകലയില് ഏറെ കഴിവുകളുണ്ടായിട്ടും പല കാരണങ്ങള് കൊണ്ടും അത് പ്രകടിപ്പിക്കാന് അവസരം ലഭിക്കാതെ പോകുന്ന കുടുംബശ്രീ വനിതകള്ക്ക് ചിത്രകലാ വിദഗ്ധരുടെ കീഴില് നവീന രീതികള് പരിശീലിക്കാനും ഈ രംഗത്തെ പ്രമുഖരുമായി പരിചയപ്പെടാനും ബിനാലെ വഴിയൊരുക്കും. ഇതിനായി എല്ലാ ജില്ലകളില് നിന്നുമായി ചിത്രരചനയില് താല്പര്യമുള്ള നൂറോളം വനിതകളെ തിരഞ്ഞെടുത്തിട്ടുണ്ട്. കൂടാതെ സ്ത്രീശാക്തീകരണവുമായി ബന്ധപ്പെട്ട് ഈ മേഖലയില് വിജയം കൈവരിച്ച സ്ത്രീകളെ ഉള്പ്പെടുത്തി സെമിനാറുകളും സംഘടിപ്പിക്കും.
തദ്ദേശ സ്വയംഭരണ വകുപ്പു മന്ത്രിയുടെ പ്രൈവറ്റ് സെക്രട്ടറി കെ.പി.അനില്, അസിസ്റ്റന്റ് പ്രൈവറ്റ് സെക്രട്ടറി സന്തോഷ് കുമാര്. എസ്, കൊച്ചിന് ബിനാലെ ഫൗണ്ടേഷന് സെക്രട്ടറി വി.സുനില്, ട്രഷറര് ബോണി തോമസ്, ഡെവലപ്മെന്റ് ഓഫീസര് എസ്.രാജേന്ദ്രന് നായര്, കുടുംബശ്രീ സ്റ്റേറ്റ് അസിസ്റ്റന്റ് പ്രോഗ്രാം മാനേജര് പ്രിയ.ഇ എന്നിവര് ധാരണാപത്രം ഒപ്പു വയ്ക്കുന്ന ചടങ്ങില് പങ്കെടുത്തു.
Arishree rice, produced from the paddy harvested in fallow lands was formally launched by Dr.T M Thomas Issac, Minister of Finance, Government of Kerala on 25 November 2018 at Milan Ground, Kasaragod.Mazhapolima was the fallow less village campaign conducted in 37 CDS of Kudumbashree Kasaragod District Mission as a part of Mahila Kisan Sashaktikaran Pariyojana (MKSP) farm livelihood Programme. There were 235 acres of fallow land cultivated in puncha–mundakam season. 134 Joint Liability Groups under different Kudumbashree units have cultivated varies varieties of paddy including puncha,mundakam with the support of gramapanchayth and Agriculture department.
Mazha polima Best CDS award instituted by Kudumbashree Kasaragod District Mission was presented to Meenja, Karaduka , Kinanur Karinthalam and Kanchagad CDS. Winners of the Mazhapolima District Photography Competition- Mr.Rajesh O.K (First Place), Mr.Deepash Puthya purayil (Second Place) and Mr. Surandran Madikai (Third place ) were also honoured at the function.