പ്രധാനമന്ത്രി ആവാസ് യോജന (നഗരം) പദ്ധതിയുടെ എട്ടാം വാർഷികത്തിന്റെ (ജൂണ് 25ന്) ഭാഗമായി ഗുണഭോക്തൃ കുടുംബാംഗങ്ങളുമായി സംവാദവും ഭവന സന്ദർശനവും സംഘടിപ്പിച്ചു. നഗരസഭ പ്രതിനിധികളും പി.എം.എ.വൈ - ലൈഫ് ഉദ്യോഗസ്ഥരും ഉൾപ്പെടുന്ന സംഘമാണ് ഭവന സന്ദർശനം നടത്തിയത്.
കുടുംബശ്രീയാണ് കേരളത്തിലെ പദ്ധതിയുടെ നോഡൽ ഏജൻസി. ലൈഫ് പദ്ധതിയുമായി സംയോജിപ്പിച്ചാണ് പി.എം.എ.വൈ (നഗരം) കേരളത്തിൽ നടപ്പിലാക്കുന്നത്.
സംസ്ഥാനത്തെ 93 നഗരസഭകളിലും നടപ്പിലാക്കുന്ന ഈ പദ്ധതി മുഖേന ഇതുവരെ 1,30,731 ഗുണഭോക്താക്കൾക്ക് വീടുകൾ നിർമ്മിക്കുന്നതിനുള്ള അനുമതി നേടിയെടുക്കാൻ സാധിച്ചിട്ടുണ്ട്. 1,07,669 വീടുകളുടെ നിർമ്മാണം ആരംഭിച്ചു. 80,900 വീടുകളുടെ നിർമ്മാണം പൂർത്തിയായി. ഭൂരഹിത ഭവനരഹിതർക്കായി 11 അപ്പാർട്ട്മെൻ്റ് കോംപ്ലക്സുകളിലായി 970 ഭവന യൂണിറ്റുകൾക്ക് അനുമതി ലഭിച്ചു. അതിൽ 938 യൂണിറ്റുകളുടെ നിർമ്മാണം ആരംഭിച്ചു. 360 എണ്ണം പൂർത്തിയായി.
![home visit pmay](/index.php/system/files/inline-images/PMAY%208th%20year.jpg)
- 7 views
Content highlight
8th Anniversary of Pradhan Mantri Awas Yojana (Urban) Scheme celebrated